ابي معلومات عن ولاية يوتا

روح على قسم طلاب امريكا الولايات الغربيه

اخوي العزيز

بالنسبه لولاية يوتا اااه يايوتا هذي عاصمة الولايه سالت ليك طال عمرك انا رحت لم مدينه لوجان شمال سالت ليك عنها تقريبا 150 كيلو بس الولايه هذيك يسكنها فئه من المسيحين اسمهم المورمنز هذولاء ناس متدينين وحبوبين لابعد درجه يعني اذكر في لوجان ماتحصل مراقص وخرابيط الناس اذا شافوك يبتسمون لك ع طول متعاونين جدا جدا اذكر سالت واحد امريكي كان هو الي يوديني ويجيبني قلت ليش ماشفت دوريات امن هنا كثير قال ياحبيبي هذي المدينه اكثر مدن امريكا امان علشان كذا ماتشوف فيها دوريات يعني نسبة الجريمه عندهم تكاد تكون منعدمه انا الصراحه ارتحت نفسيا لكن ترا الديره بارده جدا وثلوج اغلب السنه مافيها نشاطات سياحيه كثير الا يمكن في سالت ليك بس اذا تبغي دراسه انا اشهد انها ديرة دراسه يعني مافيها شي يلهيك عن الدراسه

اتمنى لك التوفيق طبعا المطار موجود في سالت ليك مطار دولي

تقبل مروري وتحياتي

ما فيه ابدا عنصرية فيها عدة مدن بس اللي اعرفها مدينة salt lake ومدينة ogden يبعدون عن بعض ساعه تقريبا الاولى فيها مطار
وفيها من افضل مية جامعه المدينة الثانيه فيها جامعة weber state يعني مستواها مو ذاك المستوى
المدينه الثانيه هااااااادية جدا وكثثييير السعوديين فيها وتصلح للدراسه

اما الاولى ما اعرف عنها كثير بس مو اهدى من الثانيه


كل الكلام اولى وثانيه اتمنى فهمت علي والله يوفقك انا رايح لاوقدن اللي هي الثانيه خخخ وبنقل بعدها ان شاءالله

أنا اتفق مع الشباب من اللي سمعتو طبعا ,

انا بروح على أوقدن ان شاء الله كمان ,, جامعة ويبير في رمضان باذن الله ,,

والله ييسر ,, طبعا الولاية رهيبة وآمنة بعد أمان الله سبحانه ,, والله يوفقك في الاختيار الصائب

يارجال بالعربي هي افضل ديرة بالعالم ياخوي كل ماتذكرت ايامي فيها ودي ابكي شي خرافي الثلج والبرد ياخوي تحس بساعة صفا على قولتهم

فيها سعودين كثيرين هناك يعني ابد ماراح تضيع تبي تلقى لك ربع واجد الاجار رخيص هناك عادي تلقالك بيت كامل ب 500 دولار

طيب يالربع مدينة سيدار احد يعرف عنها شي وعن اسعار السكن وهل فيها مطار

طيب هادي المدينة فيها جامعة لدراسة الطب والصيدلة ولا لا؟

أخوي مدينة سالت لك ولا تتعداها نصيحة لك والله مدينة راااائعة وجميلة طبعا للأمانه ما زرتها ولكن كانت من المدن اللي بأروحلها . فيها الحياة رخيصة والجامعة جامعة يوتا من الجامعات القوية والمشهورة في أمريكا وبرا أمريكا . وهي ترى مدينة سياحية في الصيف والشتاء يعني ما راح تمل إنشالله . حتى أقيمت فيها ألمبيات 2002 في الشتاء للتزلج العالم تجيها من كل مكان .
لدرجة يا أخي سألت أمريكيين أصحابي عنها وحتى والله والله مدرسين يدرسوني كلهم أجمعوا على أنها مدينة جميلة ورخيصة ... إيش تبغى أكثر .. وأتحداك تدخل الولايات الغربية وأكتب يوتا أو جامعة يوتا أو سالت لك وراح تجيك كل اللي تكلموا عنها ... أتحداك تلقى أحد يذم المدينة أو يقول مو حلوة الا ما شالله .. راح تلقى ناس في راسهم شي يبغونه وما لقوه بالمدينة يعني يبغووون الفله واللي أنت خابر .
أبد أخوي رح وما راح تندم . دربك خضر.

شباب تكفون الي عنده معلومات عن هذي الجامعه Salt Lake Community College ياليت يفيدني بمعلومات وهل فيها معهد وكيف طريقة التدريس وكيف المعيشة في النفس المدينه؟؟