تقرير مـوسوعه كامله عن أمريكا والحياة بها

اخي الكريم انا اشكرك على هذا الموضوع القيم ..

انا اخوكم معتز من الامارات, ابوظبي ...
بغيت فزعتكم ووقفتكم معاي الصراحة انا جديد في ها الموقع و ما اعرف وين اسأل و عندي وايد اسئلة الصراحة .. بسأل هني و كلي ثقة انه مابتقصرون معاي فردودكم .
انا قررت و بعد تفكير طويل اني ادرس في امريكا, طبعا انا ادرس في جامعة ابوظبي في كلية الهندسة قسم الهندسة المدنية و دراستي باكالوريوس .. انا الحين سنة ثانية و يوم عرفت انه الجامعة اللي ادرس فيها ترتيبها 500 على العالم قلت شحقة ! و قررت ادرس برع و بالتحديد امريكا لانها الافضل في مجال الهندسة المدنية حتى لو اضطر اعيد من اول ادري طولت عليكم ادخل بالموضوع .. بعد بحث و دراسة على النت قدرت اوصل لكم من جامعة الاولى (ستانفورد في سان دييغو ) الثانية (سان دييغو ستايت ) و الثالثة (لونق بيتش كاليفورنيا) و حرت الصراحة لان كلهم عندهم هندسة مدنية و باكالوريوس بس بغيت مساعدتكم و خبرتكم اي وحده افضل من ناحية الدراسة والاعتراف طبعا حالي حال اي عربي خليجي ما ادور شدة في الدراسة و فروض وايدة يعني خفايفي مثل ما يقولون و ابي طبعا ولاية تكون حلوة و فيها كل متطلبات الراحة من مولات و محلات و جي يعني و تكون قريبة من البحر و مب باردة و تحت الصفر في الصيف عاد تدرون نظام خليجي ياي حامي لووول . و بالنسبة للاوراق المطلوبة و الابلكيشن شو لازم اسوي يبون شهادة ثانوية مصدقة و يهتمون فمعدل معين يعني ولا اي شي ؟ و بالنسبة للتوفل انا عندي شهادة توفل انترناشونال يبت فيها 79 من 100 شو بعد من اوراق يبون حق التسجيل وكيف عن طريق سفارتهم هني ولا اون لاين ؟
اتمنى ما اكون طولت عليكم و ازعجتكم ف اشألتي بس كلي امل انكم ما بتقصرون معاي و تخدموني فهاي المسألة الله يرحم والديكم و اتمنى انكم بتردون علي بأقرب وقت ..
تحياتي ,