تم وبحمد الله الانتهاء من مقابلتي في القنصلية الامريكية بالظهران 8/6/2011

الحمد الله هم وانزاح من قلبي خخخ


الحمد الله اليوم الصبح انتهت اجراءات مقابلتي باقي أن شاء الاجراءات حقت الجواز عليهم هم

تقرير مقابلتي في القنصلية الامريكية بالظهران
8/6/2011
الساعه
8:00 صباحآ

كان يا ما كان في قديم الزمان<<نعنبو حيك بتقول قصة ليلى والذيب انت

صحيت اليوم الساعه 5:50 قبل المنبه


قمت وعينت من الله خير وتسبحت وصليت وافطرت وسويت كل شيء

واروح القنصلية بدري الساعه 7 الا ربع كذا

قالي العسكري تفتح الساعه 7 ونص قلت اوكيه وارجع الظهران وافرفر بالددسن<<لاحظو ددسن ولابس جنز وتيشيرت ماتجي


وبعدين رجعت للقنصلية واول ماوصلت للعسكري كانت 7 ونص بالضبط

قلت لنفس العسكري شفت جيتك 7 ونص بالضبط قام يضحك


وادخل واصفط سيارتي في البراحة وتركت المواقف احسبها للموظفين بس هههههههههههههههاي

الا العساكر يقولون لي وقفها بالموقف قلت اوكـ واصفط البانوراما حوض حقتي<<نعنبو حيك اكذب زي الناس


وانزل القى ناس صافين طابور حق التفتيش

يوم جاء دوري قال ابو هنود الحارس موبيل موبيل يعني موبايل قلت نو

قالت جيف مي تاي يعني جيب الحزام عاد انا زين أني لابس هاي ويست ولا طلعت بلاوي

واعطيه البوك والمفتاح معه ويحطهم بكيس وقام يفتشني بجهاز

بعدين قالي قو واروح الا القى مكتب فيه موظفه سودانيه جنبه باب يدخلني على القنصلية
واروح للموظفه واعطيها جوازي والاوراق تشوفها بعدين دخلت قالو لي خذ الحزام والبوك خلاص وخل المفتاح هنا وخذ كرت علشان اذا خلصت المقابلة تعطيهم الكرت وتأخذه منهم

المهم واطلع من المكتب والقى حديقة تفتح النفس على الصبح ورود وحركات والقى قدامي بوابة يدخلها نفر نفر دار دار<<محشش الولد


اول مادخلت الا القى يساري باب القاعه مقابلة الفيزا وادخل الا القى موظفة سودانية توزع ارقام الجلوس استلمت الرقم الا والقى رقمي 47
عاد انا شوي مسكت نفسي يوم شفت السودانية بغيت استهبل عليها واغني لها اغنية موبايلية موبايلية سرقو موبايلة

واجلس على الكرسي<<اجل بتجلس على الارض مثلآ

وفيه قدامي 4 كونترات فيه موظف لبناني وموظفيين امريكا والكونتر الرابع لبنانية حلوه

وفيه على الجنب طاولة وعليها سودانية تنادي بالارقام

المهم جلست وفجأة الا خويي بالثانوية جلس قدامي وسلمنا على بعض وكيف الحال وسوالف عن الفيسبوك لين ما السودانية نادت رقمي فوردي زفن يعني فورتي سفن هههههههههههههههاي

واروح لها واعطيها اوراقي وجوازي وقامت تسألني وش بتدرس في امريكا ومين بيتكفل فيك اسئلة سهله عطتني الجواز والاوراق قالت شوي وبتشوف رقمك على الشاعه وتروح لرقم الكونتر الي يطلع لك جلست 5 دقايق الا كونتر 1 اللبناني كان ودي كونتر 4 هههههههههههههههههاي المهم ويسئلني كم سؤال نفس ذيك الاسئلة وخذو مني بصمة الاصابع تحط يدك على جهاز فيه نور احمر واذا صار اخضر خلاص تم بعدين اخذ الجواز وقال ترا بناديك مره ثانية بالمايكروفون قلت اوكـ
واجلس لين مالموظف الامريكي نادني قال هوت سبابه ائلى الجهاز يعني السباباه على الجهاز خخخخ

وقام يسئلني وش راح تدرس
قلت التخصص الفلاني

وين بتورح في امريكا
قلت ارزيونا

قال اول مره تروح امريكا
قلت ايه

قال وش الدول الي سافرت لها خلاص الخمس سنوات الاخيره

قلت قطر والبحرين

قال اها يئني دول الخخخليج قعد ينتع ام الخاء لين ما طلع هههههههههاي
قلت ايه

قال مين بيتكفل فيك
قلت عمي

قال عمك وين يشتغل
قلت كذا

قال كم لك متخرج قلت العام

قال وش سويت بالفتره هذي
قلت قدمت على كلية الجبيل

قال كولية جوبيل الصنائية يعني كلية الجبيل الصناعية هع
قلت ايه بس ماكتب لي نصيب وقدمت على قبول معهد وجامعه في نفس الوقت
وجاني ودخلت معهد لغه هنا صاري شهرين فيه

قال اها اوكـ

عطاني ورقة التأكيد قال روح فيديكس وادفع الرسوم
قلت خلاص موافقين قال يعني بس باقي اجراءات الجواز في امريكا خلال شهر بيجيك قلت اوكـ <<يعني بالعربي اذا اخذو جوازك 95% بأذن الله جايك الجواز مع الفيزا لان راح يشوفون اسمك و يتأكدون منه مشتبه فيه ولا راعي سوابق اذا لا تقين بأذن الله جوازك عندك مع الفيزا

ورحت دفعت لفيدكس قال الفلبيني اسبوعين او عشر ايام ادخل موقع فيديكس وحط الرقم هذا على الايصال وتشوف جاء جوازك ولا لا

وخلصت كل شيء ورحت اخذت لي كابتشينو

الا خويي تعال تعال وش قالو لك وقعد اسالف الا السودانية راعية الارقام فينش فينش؟ قلت ايه ايه فينش قلت لخويي يوم ثاني نتقابل

وانتهى كل شيء ويارب يوصل جوازي بأقرب فرصه مع الفيزا



واشكركم على حسن القراءة وشكرآ