استفسار كيف اخذ فلوسي من البنك فوق 7000 دولار !! الله يوفق كل شخص ساعدني آمين

امممم بصراحه التعامل مع البنوك دائما معقد . . بس بالنسبه لمشكلتك طبيعي يسئلونك اسئله دقيقه عن حسابك علشان يتأكدون اذا انك انتي صحيح راعيه الحساب .. فيه حلين في بالي الحين :

1. اذا انتي داقه على الرقم الصحيح للبنك مو رقم الموظف الشخصي فما عندك مشكله جاوبي عليهم علشان ينفذون لك العمليه والمكالمه مسجله.. وخصوصا انك بتحولين المبلغ كامل على طول بعد المكالمه ..

2. اذا باقي حسابك في موقع البنك الالكتروني ما تقفل .. تقدرين تحولين من حسابك الامريكي الى حسابك السعودي عن طريق الانترنت .. بس طبعا فيه رسوم خدمه بسيطه .. واكيد فيه حد اعلى من التحويل كل يوم ( يختلف من بنك الى بنك) .. اذا عمليه وحده ما كفت .. احتمال تسوين الحواله على دفعتين..


الله يعينك ويسهل امورك

هلا والله
اول شي المكالمهـ مسجلهـ ولازم يتأكدوو ان انت صاحب الحسساب ما يصير اي احد يدق عليهمـ يطلب معلومات
بعد ما تفعل حسسابك سوي اكاونت اون لاين وحول المبلغ لحسسابك بالسعووديه
وووبس
بعدين اشحن حسسابكـ بسكايبي ارخص المكالمات بدال ما تدق كل مرهـ ب 100

موضوعك سهل ياعسسل

شوفي احد موثوق في امريكا وروحي للسفاره الامريكية وسولي للشخص الموثوق فيه توكيل .. ولا يحتاج موعد ولا شئ نفس اليوم تخلصي كل شئ من السفاره.

انا اخوي سوا لي توكيل من السفاره باني اسوق سيارتو واحول ملكيتها لي.

بالتوفيق

مشكورين ويعطيكم العافيه لكن الى الحين ماتوصلت لحل لإني ماعندي حساب إون لاين وماقدر استخدم حسابي اون لاين

ساعدوني طلبتكم ايش اقول للبنك عشان يفتحون حسابي وكم راح يشرجوني لو اسحب الفلوس من صرافه سعوديه وايش افظل طريقه لسحب المبلغ دون ماخسر كثير !!
وشكراً

بس شوف لك صراف يقبل بطاقة البنك...اتوقع اي صراف يسحب..جرب صرافات البنك العربي...لان فيها دولارات..وريح بالك

طيب موضوع الوكاله ..اذا الشخص بعيد عن السفاره ..
اختي .. انا اشوف افضل لك الرجعه لــ امريكا ..70 ألف مبلغ كبير
..
او تحاولين بالاتصال .. عليهم ..

أنصحك ياأختي ماتسوين شيء

لاتستعجلين على شيء .. فلوسك ماراح تضيع بس الموضوع يبي له اجراءات وصبر .

روحي للبنك اللي انتي متعامله معاه بالسعودية وقولي لهم المشكلة وشوفي وش الحلول اللي دايما يعملونها بمثل هالمشاكل .

وشوفي فيه موضوع للأخ إياد العنزي عن أفضل طريقة لتحويل الفلوس يمكن تفيدك ان شاء الله بعد ماتنحل مشكلتك مع البنك اللي بأمريكا.

والله يوفقك ان شاء الله .

الطريقة المناسبة الي انا اقترحها :

* اشحني بدال الـ 100 - 300 " عشان مايقطع الخط "
* إدخلي موقع البنك وشوفي حسابك واحفظي جميع التفاصيل من إيداعات وسحب " ( عشان بيسألوك اسأله دقيقة )
* لما يفتحونه .. شوفي طريقة تحويل دولي من حسابك .

الأمر ابسط مما تظنين ..~ ولا تعتلين هم

السلام عليكم
أختي هنا أغلب البنوك حتى لو كان عندك حساب اون لاين ما تقدري تحولي ع طول
لازم تروحي فرع البنك وتعملي اضافة للحساب اللي تبين تحولين له
وبعدها تقدري تحولي عن طريق النت

يعني هذا الخيار انسيه

الخيار الثاني
تبين تسحبين من البطاقة الامريكية في السعودية المفروض تعملين التالي
قبل لا تطلعي من امريكا تتصلي على البنك وتقولين لهم
انا ابي اتسخدم بطاقتي في الدولة الفلانية والفلانية ... الخ
عشان ما يوقفون البطاقة اذا تبين تسحبين من خارج امريكا
لان يتوقعوا انها انسرقت منك ويعملوا عليها HOLD

وبما انك ما عملتي هذا الشي
يعني كمان انسيه


باقي حل واحد ويعتمد على الحظ والثقة

الحظ المطلوب يكون معاك الحين دفتر الشيكات تبع البنك
الثقة المطلوبة يكون لك شخص في امريكا تثقين فيه تكتبين بأسمه شيك بالمبلغ
وترسلين له الشيك عن طريق شركات الشحن
يصرف الشيك ويحول المبلغ لك

اتمنى اكون أفدتك
بالتوفيق يارب