فيه تخفيض للمبتعثين على اسعار التذاكر الخطوط السعوديه ؟؟

انت تسال ههههه
احسبك منزل خبر جايه مليون طايرة لاني مابعد حجزت هههه

يارب يكون فيه

المبتعثين مايدفعون شي اصلا حتى يكون لهم تخفيض التذاكر على حساب الوزاره

واكيد بينهم وبين الوزاره اسعار خاصه

ادري التذاكر على حساب الوزاره لكن انا ما كملت 9 شهور لكني طالب اكاديمي بس ماعطوني

اختي والله انا سمعت فيه تخفيض للطلاب وعفوا الاسعار موب 2700 .. توني مشيك لقيتها 3700

خير يالخطوط السعوديه ؟

اقسم بالله اسعارهم ترفع الضغط تقول طايرين للقمر موب للرياض
5000
دولار ياعمي وين جالسين على هالاسعار الغاليه

الصراحه هالخطوط متخوف منها من كثر ما اقرأ عن بلاويها بسبق

مادري كذب ولا صدق عاد

انا كلمتهم اليــوم تقول مافيه تخفيــض خلص ,...!!

مفــروض حنا طلاب مافي شي اسمه خلص يعني مفروض لنا تخفيض والله حراااااام

عاد من زينهم ومن زين خطوطهم تسد النفــس بس الحاجــة ..

يارب تســهـــل الأمـــر


’’

’’’

يا اخوان الي مضطر يجرب باقي الخطوط مو الا السعودية في مو ضوع حلو تحجز وتختار الخطوط ويقارن لك الأرخص
طبعآ صاحب الموضوع شارحة للخطوط داخل امريكا لكن يقول بأنه يصلح للخطوط الدولية شيكوا على الموضوع وان شاء الله تتسهل تفضلوا الرابط
http://www.mbt3th.us/vb/forum8/thread284504.html

<<< مابقى خطوط الى الصينيه وصلت لها ..


بس الله يسهــل

في تخفيض للمبتعثين نعم ومش للمبتعثين إنما للدارسين على حسابهم الخاص أيضا . يعني أي سعودي يدرس في امريكا له تخفيض على الرحلة للسعودية .
سعر الرحلة 670 دولار رايح جاي للدرجة السياحية . ورقم الخطوط هو 8004728342
يطلبون منك فقط بطاقة الطالب .. يعني بطاقة الطالب من المعهد أو الجامعة اللي تدرس فيها .
نسيت أوضح إنه لازم تحجز قبلها بفترة عشان المقاعد على كل رحلة محدودة .. أظنهم مخصصين كذا مقعد بس في كل رحلة لتخفيض الطلاب .. يعني احجز قبلها أقل شيء بأسبوعين ثلاثة . والشرط الثاني إنه لازم تكون الرحلة ذهاب وإياب في اقل من شهر والله العالم . ولو تبغى رحلة بس ذهاب مثلا يعطونك كمان تخفيض بخمسمائة وشيء ولو تبغى كمان على درجة الأعمال كمان يعطونك تخفيض وأظن على درجة الأعمال ذهاب وإياب بألفين دولار .
لا أحد يجيني يقولي ما في .. ترى بأتوطأ في بطنه لأني شخصيا حجزت ورجعت السعودية قبل شهرين ورجعت لأمريكا بهالحجز وبهالسعر .
كنت اتوقع إنه الجميع يعرف بهالموضوع .