الآيلس .. والتوفل .. أيهما في أمريكا ؟ وكم سؤال عنهما ..

الايلتس الدرجة من 9 وهو نظام بريطاني ولكن يوجد مراكز اختبار في امريكا ويتكون من اربعة اقسام القراءة و الاستماع والتحدث و الكتابة ويوجد كثير من الجامعات الامريكية تقبل الاختبار والغالب تطلب من 5 الى 6ونصف
التوفل الامريكي يوجد ثلاثة انواع
النوع الاول على الورق وهو من 677 يتكون الاختبار من ثلاثة اقسام القراءة والاستماع والقواعد وكلها اختيارات واغلب الجامعات تطلب من 500 الى 550
النوع الثاني على الكمبيوتر ibt وهو على الكمبيوتر وهو من 120 ويتكون من اربعة اقسام القراءة و الاستماع والتحدث و الكتابة واغلب الجامعات تطلب من 61 الى 80
حسب تجربتي اختبار الايلتس ابسط واختبار التوفل ibt صعب جدا ويحتاج الى لغة قوية جدا

الف شكر لصاحب الموضوع ولدلوع الشرقيه والله استفدت الف شكر..

جزاك الله خير ..

وألف شكر ..

فعلاً توضيح مفيد ..


طيب ..

عندي في إيرلندا ما أسمع طاري لشي اسمه ( توفل ) ..

باقي السؤال الأخير ..

السؤال :

هل الملحقية أهم شي عندهم انك تجيب قبول في جامعة معتمدة وما يسألونك عن درجة أيلتس أو توفل ... الخ .. ؟؟

الملحقيه اهم شيء القبول
جبته يآيلتس بتوفل أخوي ما لهم خص
لانه الدرجه ذي الجامعه اللي تطلبها مو الملحقيه

بالتوفيق

كلكهم مستخدمين بس انصحك بالايلتس اسهل التوفل يعتمد على الحظ مع المهارة وقوة التركيز

الله يسعدكم ما قصرتوا

اوكي كم مره اقدر اختبر التوفل ؟
وكم مره اقدر اختبر الايلتس ؟
لاني سمعت ان لك اعداد معينه !

ماعندي علم أكيد ..

بس سمعت إن الحد 754265813254 مرة

يعني هم وش خسرانين ؟!!

فلوس وتجيهم ..

ثانياً : ترى الفائدة تحصل لو إنك تتطور بين كل اختبار واختبار 1% ..

أنتظر جواب أهل الخبرة

انا اختبرت مرتين ايلتس وجبت 5ونص والثاني 5

الحين جربت التوفل واختبرته الاسبوع الماضي

في نظري قبل ماتطلع درجتي في التوفل , ان التوفل اسهل لعدة اسباب الاول الريدنق الوقت طويل ساعه وعشرين دقيقه وخلصت منه قبل نهاية الوقت بينما الايلتس الريدنق صعب والوقت فيه ساعه وماتكفي واغلبه يعتمد على اكمال الفراغات بينما التوفل اختيارات يعني حتى لو ماتعرف الاجابه ممكن تخمن وتظبط معك

اللسيننق في نظري التوفل اسهل بكثييييير لانه الايلتس يعتمد على اكمال الفراغات يعني لو سمعت صح وكتبت الكلمه باسبلنق مختلف بتحسب اجابتك خطأ بينما التوفل اختيارات

السبيكنق الايلتس اسهل لانها مقابله حقيقه مع شخص يمديك تبربر عليه وبنفس الوقت على مزاج اللي راح يسويلك المقابله الشخصيه انا قابلني في المره الثانيه واحد هندي الاكسنت رايح فيها وسألني سؤالين والله ما ادري وش يقصد لاني مافهمت نطقه للكلام ورفض يعيدلي السؤال بينما في التوفل السبيكنق صعب ان وقت السبيكنق كل اللي في القاعه يتكلمون مع بعض وهالشي يفقدك قليل من التركير وبرضو الوقت قصير اقل من دقيقه وهذا الشي اربكني خلاني اضيع في الكلام لاني الوقت يداهمك وانت تتكلم وتضيع بين ترتيبك للكلام وبين سرعة الوقت وبرضو فيه محاضرات تسمعها وتقراها وتتكلم عنها يعني يعتمد على سماعك وقرأتك + كلامك

الرايتنق تقريباً متساوين الاول في الايلتس اسهل من التوفل
والتاسك الثاني في التوفل اسهل وارتب لانه بالكمبيوتر على ان الوقت اقل 30 دقيقه و300 كلمه والايلتس 250 كلمه في 40 دقيقه , بحكم اني سريع في الكتابه على الكيبورد كتبت 320 كلمه في 25 دقيقه بينما الايلتس خلص الوقت وانا ماكتبت إلا 200 كلمه

في النهايه اعجبني في التوفل ان الاختبار منظم ومرتب وعلى كمبيوتر عكس الايلتس اوراق وخرابيط واقلام ومسجل

نصيحه جرب الاثنين وشوف وش ترتاح وركز عليه والملحقيه راح تدفعلك بغض النظر عن العدد, بالتوفيق