مواقف وقصص مريت فيها عشان نستفيد ،،،،

الله يسلمك .. من ذوقـك ي اختي ..

المشكلة تدرين وين .. انو للاسف في الخارج .. اذا شافو اننا سعوديين .. يعتبروننا همج ما نفهم انظمتهم ولا حنا متطورين زيهم ولا قد سافرنا وطفنا العالم
باااقي عند البعض منهم ذاك الظن الي تخبـرينهم .. خيمة وبير بترول في الحوش ورا البيت !!

فـآ حبـيت ابين لهم من موقفي هذا اننا نـآس نقدر نطالب بحقنا وما نسكت عليه .. وما يستغلو ضعفنا في اللغة .. لان اللغة كانت عندي تمام ^ ^

\

موضوع جمـيل جدن .. للرفـع

اعلمك شي عاد والله مانلوم الي يفكر اننا عايشين بخيام ونسافر بالجمال لان الاعلام مصورلهم هالشي..

لكن ابكلمك عن نفسي والله العظيم ماكنت اعرف عن تونس قبل الثوره اي شي لكن بعد الثوره اكتشفت انه ممنوع الاذان عندهم ومايصلي الواحد الا بتصريح والحجاب ممنوع غير دولة الاحواز الي ماعرفتها الا قبل كم شهر..هذا وهم دول عربيه وصديقه

المشكله مو فينا ولا فيهم المشكله بالاعلام الي يصورلك الواقع حسب سياسته مثل الجزيره والعربيه وسي ان ان وغيرها..لكن مع الانترنت الواحد بدا يعرف الوضع

مدري وش تبغى يسوون مثلا واحد اول مرة يشوفك اش تتوقع انه يسولف معك لا وخاصة بالمشي يمكن بالباص لو فتحت موضوع معين اكيد حياخذ ويعطي معك ..



هذا رأي صراحة ,,

في الانتظــار ..

..

..

السلام عليكم،،،،

شكرا انكم تفاعلتو مع موضوعي وماوقفكم مررره تحفففه ههههههههههههههههههه
واشكركم مره ثانيه،،،،

الصراحه انا صرالي موقف بس افتخر فيه،،
كنت طالعه السوق انا و٣ بنات معي
وجا وقت صلاة المغرب ونبي نصلي
ومعروف ان ماعندهم غرف للصلاة
فاوقفنا في محل محد فيه وصلينا
يوم خلصنا الا الكل واقف يناظرنا ومستغربين احنا خفنا ومشينا على طووول
موقف مانساه

up


up


up

خخخخخخخخخخخخخخ مواقفهم خبال

لايوقف انت واياه

بس الله وعلى بركة الله نبدا

مريت بمواقف بس اعتبرها اثرا للتجربة

القصة الاولى)

اول يوم وصلت امريكا كان بشهر واحد وهي بداية الثلج في كولورادو طبعا اول الصدمات نزولي من الطائرة الدنيا بيضا ثلج المهم رحت للفندق وريحت ومن اليوم الثاني رحت ادور للعائلة اللي بسكن عندهم المهم رحت للعائلة ويستقبلني رجال طويل اصلع صراحة يخوف قلت ياولد من اولها استحمل وكان عنده ولد وبنت والله يعزكم كلب انا وراني الغرفة اللي بسكنها وحطيت اغراضي مالكم بالطويلة البيت مافية الا الرجال وعياله وكلبهم طلع الرجال مطلق وعياله يجونه نهاية الاسبوع واستمريت على هذا الوضع بعدين اكتشفت طويل العمر يسكر ويزعجني يبي يسولف وانا بيني وبينك خايف لايفقد ويفقش راسي !!
قمت اصرفه اني ابي انام ومن هذه التصريفات ..تحملت وبعدها طلبت اغيره من المعهد لكن رفضو قالو مالك الا ستيفن والا تعال نعطيك فلوسك طبعا بعد خصم 300 دولار المهم افتكيت منه بعد اربعة ايام مرعبة ...

**
القصة الثانية

ولد عمي ساكن بنفس الولاية طبعا بعد ماطلعت من عند الاخ اللي فوق قلت مالي الا ولد عمي مع اني قلت بالبداية بجلس عند عائلة على بالي اتاقلم على الحياة الامريكية رحت لولد عمي بعفشي وسكنت معه طبعا عنده سيارة ويداوم عليها بالجامعه وانا لازم اروح بالمترو لان دراستي بدري والاخ يسحبها نومه الى 11 المهم رحت انا وياه عشان يوريني المكان اللي اركب منه المترو قال وانت رايح اركب h line وانت راجع اركب f line المهم اول يوم داومت الصباح شايل هم الدوام وش راح يصير معي ومن هذه السوالف وغيرها وشايل هم شي اخر مخوفني وهو الله يعزكم ( الكلاب) مالية الارض حولنا والصباح اصحى واشيل اغراضي واروح على رجولي للمترو وفي نص الطريق ناس يمشون بجنبي ومعهم كلابهم ( هذا اللي ماتفقنا علية ) وانا مواصل مشيتي ولا ابي اطالع وراي اخاف الكلب يقطعني عموما واستمريت تقريبا على هذا الوضع لمدة شهر الصباح ثلج وكلاب وزحمة مترو فيها من المواقف اللي تضحك واللي تبكي ولكن تجربة تبقى راسخة بالذهن ...

الثالثة :

جت اجازة الربيع وقررنا نروح فيقاس انا وولد عمي المهم انطلقنا بالسيارة من ( كولورادو ** يوتا *** اريزونا وصولا الى نيفادا ) الطريق طويل شوي وفية موقفين صارت لنا الاول تقريبا على صلاة المغرب وحنا في استراحة على الطريق قبل ندخل ولاية يوتا عبينا بنزين واخذنا اغراض من البقالة وحنا داخل البقالة دخل 3 شباب امريكان بين من اشكالهم ملاقيف من اللي كل واحد على ذراعه درزن وشوم المهم اخذنا اغراضنا وطلعنا وهم يطالعوننا بنظرة حقد لكن شطفناهم وطلعنا قال ولد عمي وش رايك صلاة المغرب نصليها هنا ولا قدام قلت لا نصليها هنا احسن المهم بعدنا شوي من محطة البنزين وصلينا قدام سيارتنا وحنا نصلي نسمع واحد يدوس على سيارته كنه يفحط المهم اول ماسجدنا على الارض والله ياناس مرو من جنبنا بغو يطيروننا من الارض من قوة صوت السيارة طلعو الملاقيف اللي كانو بالبقالة المهم صلينا وركبنا سيارتنا ومشينا وتجاوزناهم على الخط والموقف الثاني قبل ندخل لاس فيقاس فيه مطعم واستراحة وقفنا عندها واول ماوقفنا كان بجنب السوبر ماركت جمس بيكب فية حرمه ورجال نزلنا واخذنا لنا اغراض واول ماركبنا سيارتنا جاتنا الحرمه وقالت احنا هنا لنا تقريبا اربع ساعات وماعندنا فلوس تعبي لنا بنزين ولا اكلنا وكل من كلمناهم ماعطونا شي المهم تعرفون حنا يالسعوديين ( اهل فزعه ) عبينا لهم سيارتهم وعطيناهم فلوس وجينا نمشي نزلت الحرمه وسالتنا انتم من وين قلنا ( من السعودية ) قالت مسلمين قلنا نعم قالت بارككم الله اعطوني ارقام حساباتكم نرجع لكم الفلوس اذا وصلنا بيتنا قلنا لها احنا مانبي ترجعون لنا الفلوس هذي مساعدة لكم منا وديننا يامرنا بمساعدة الناس امريكي او هندي قالت لنا ياليت اذا رجعتو كولورادو تتواصلون معي المهم مشت الحرمة واخوها منزل راسة منحرج ولا يتكلم بس كاننا طحنا عليهم من السماء
هذي بعض القصص واتمنى انني مااطلت عليكم ...

السلام عليكم
الموقف اللي مريت فيه انا اول ما وصلت لمدينتي اللي هي بوسطن
قبل ما اوصل لأمريكا كنت مخطط أني أحولها من الملحقية ولا سويت اي شي في بوسطن لا حجزت سكن ولا حاجة
ولا اعرف فيها شي مرة مرة ليه لأني كنت اتوقع اني بأحول
رحت الملحقية رفضو اني احول مرة قالو تبغا تحول لازم تباشر في بوسطن على الأقل سبوع ولا سبوعين وبعدين نحولك
انا أنصدمت اش اسوي هناك ما اعرف شي ابدا
رحت هناك مثل المسطول ما اعرف وين الله حاطني اول ما وصلت مع الخيل يا شقرا مع اللي نازلين من الطيارة اللي انا فيها ما ادري وين موجهين
بس كويس راحوا يستلمون شنطهم من الشحن واخذت شنطتي حصلت الكفرات قدهي مكسرة وحالة امها حاله هههههههه

طلعت عند باب المطار واجلس ساعة ونص عند الباب اتفرج في الرايح والجاي ما عرفت وين اروح واللغة ماهي ذاك الزود ما اعرف اتكلم ولا أسأل
تذكرت ان معي عنوان المعهد خذيته ورحت لتاكسي واعطيته حتى ما تكلمت ابدا كان واحد ما اكبر منه وأسود ووجهه يخوف يعني قااااااامط ههههههه
وصلنا المعهد قابلت شباب سعوديين لغتهم كويسة قلت ابغا لي سكن سألوا المعهد قالو مافيه قلت للشباب طيب انتو ما تعرفون سكن شي سكن قالوا الحالك وتبغا سكن اقل شي شقة ب 1500 دولار
شوي جاني ابن حلال الله يستر عليه اسولف معه شوي قال انا عند عائلة وعندهم غرفة فاضية . واااااو يا الفرحة . اتصل على المدام حقته اللي هو ساكن عندها ووافقت وانا الحين ساكن عندهم ب 700 دولار
اااااااااااااه الله لا يعيد هذاك اليوم وبعد كان مطر وانا اشيل الشنط وحالتي حاله ..

هذا كل شي ولكن خذوها عبره يا اللي ماقد جو لأمريكا اذا احد بيجي مدينة مثل المدينة اللي انا فيها السكن فيها غالي وشبة نادر تحصله ضبط امورك من السعودية
ولا خل المعهد يدبر لك لا تجي هنا وتنشب بعدين

وسلامتكم اووووووويه تعبت