مواقف وقصص مريت فيها عشان نستفيد ،،،،

لحد الآن لم أواجه شيء ابداَ ،،
لا شيء في امريكا يعرضك للصدمه ،،
الذي استغربته وبالعاميه اقولها انه شي غريب ،، الاسعاف اذا مرت كل واحد يوقف في مكانه وكل السيارات توقف الين تمر حتى لو واحد ماله دخل يوقف بعد ،، عكس عندنا اذا مرت الاسعاف تلقى عشرطعشر واحد وراه عشان يفتح السير لهم ،،
وفي الاخير نقول ليه حطوا لنا ساهر !
ادري ان موقفي مدري وش يبي بس عادي ماجتني صدمه حضاريه ماشاء الله حنا متعودين على الأبراج الطويله في السعوديه والمملكه تشهد ههههه
سلم لي على برج خليفه بس

العجيب النظــافه اللي هم فيهــا انا اقصد نظافه شخصيه

يعني لما يقـرب منك احد او يجلس جنبك تنصــرع من ريحته ويجيك غثيــان

يعني اذا ركبت البــاص احسن شي كمــامه ههههههههههه

انا ولله الحمد مافي موقف اتذكر اني تعرضت لة عشا الوعظ
بس اتذكر موقف مضحك فهمتة غلط:

انا اول كم يوم جيت في مدينتي
لازم كل ساعة تمر اسمع صوت انذار ياسيارة اسعاف او سيارة اطفاء

بالبداية اتكلم مع اللي معي وحنا مستغربين هاللجة
وخصوصا انة شقتي تطل على شارع من اهم الشوارع الرئيسية بمدينتي
واقول لصاحبتي ممكن عندهم حريق بمنطقة معينة و لا قدروا علية لين الحين
ومر يوم ويومين وثلاثة واسبوع واسبوعين وشهر واصوات الانذار شغالة
كل ساعة تمر لازم تسمع صوت انذار

و في يوم من الايام واحد عندنا بالعمارة حرق لة طبخة
و طلعت ريحة و ولعت الانذارات
على بال مانزلت الا القاهم بوجهي رجال المطافي والاسعاف جايين عشان يشيكون
ويطلعون يشيكون على العمارة عشان يتاكدون

وبعدها عرفت ليش كل ساعة نسمع صوت انذار لانهم كل شوي يجيبهم بلاغ
ويطيرون

لاتضحكون علي بس اعذروني وحدة ماتعودت على هالسرعة


عندهم امااااااااااااااااانة لابعد الحدود
لو هم ربعنا كان ماشفناهم اصلا

من مواقفي .... طلعت انا وخوياي بالباص من ماديسون لشيكاغو

بس قبل لانطلع الباص واحنا في الموقف ننتظر الباص لقينا بنتين وحدة منهم سمراء والثانية بيضاء سألناهم عن موعد حضور الباص لانه تاخر علينا واحنا اول مرة نسافر بالباص علموناا وكانت الساعة ٢ بالليل وسئلناهم عن احسن اسواق شيكاغو وعن السكن وماقصرو علمونا

المهم جاناالباص وركبنا فيه وركبوا هم جمبنا وكان الباص مطفي الانوار ومظلم وانا ولعت اللمبة اللي فوقي ومشينا في صمت مطبق بعد مامشى الباص بثلث ساعة

الا ويقومون البنتين يتبادلون المقاعد وتجي البنت السمراء تسالين طبعا احنا قولنا لهم انا من السعودية

سألتني البنت وقالت: إذا جيت السعودية لازم اتحجب طبعا انا داج في اللغة بس الشقردية إللي معي لغتهم حلوووة

وشوي شوي ندخل في الدين ثم سالتنا عن القران قلت للشباب قولو لها تبي اسمعها قالت ياليت

طبعا معب ايفون واشغل لها سورة مريم واعطيها السماعة وانا تاخذ وحدة وتعطي خويتها وحدة ويسمعون لمدة ٧دقائق بعدين توقف وانها ترد لي الجوال سالناها وش حسيتي به قالت احس براحة داخلية قالنا لها عاد تبين تسمعين نطت خويتها وقالت ايوة واشغل لهم سورة ثانية ويقعدون يتسمعون لمدة١٠ دقايق

قالوا حلو مررررررة المهم اخذنا وعطينا معهم وطلبناهم يقرون عن الاسلام بالنت


المهم قبل لانوصل قالوا ماتوقعنا العرب كذا طيبين ...... هذه القصة اللي مرت علي *

لان الاعـلام يشوه صورتنا ماتشوف تلفزيونهم كيف ؟؟

فيه برامج كثيررره ضد الاسلام وتجيب المسلمين وكأنهم متخلفين او رجعيين ولاثقافه لنا

يعتقدون ان الاسلام مقيدنا او معقدنا البعض منهم يقول انتم مظلومين بهذا الحجاب ونقولهم احنا سعيدين فيه ومرتاحين

ننتظــر المــزيــــد

’’

’’’

ما شاء الله .. موقـف يستحق الشكر
بصررآحـه آخوي مثلك وشرواك يشـرف الاسـلآم والله يهديهم على يـدك
لآن فيه نآس تشوهه صورة الاسلآم بعآداته يكذب ولآ يسرق ولآ يسوي آي شيء
يجعل الغير مسلم يآخذ صوره بشعه عن الاسلآم ..
آشكرك اخوي على هالموقف وآلله يوفقك ويرجعك بالسلآمه ..~

بحكي لكم قد صار لي موقف .. جـبت العيد فيه

برب

..

وين وين ووووووووقققققققف الموضوع شكله بطل

بحكي لكم قصتي اللي تكسر الخاطر ويحن له القلب الشجي

في يوم من الايام انا وام نفر قررنا نروح بعثه وشلنا عفشنا وقلنا توكلنا على الله وركبنا الطياره متحمسين ومتشققين وهيييييييياااا احلى نووومه 14 ساعه ما حسينا بالخط ابد رحنا واشنطن واستقبلتنا الملحقيه من اروع ما يكون وكل شي مزبووط وكل شي مرتب يالله لك الحمد لين واحد الله يستر عليه نشب لي الا يبو نفر ما اخلييييك بحجز لك سكن بديرتك لين ترتب امورك يبن الحلال عدل بدل انا برتبها بنفسي الا عياا وقال لا واللله اببببببددددددددن لا تشيل هم

الرجال على نياته وما قصر لكن الوهقه مو هنا الوهقه معنا شناط وحالتنا حاله مثلنا مثل اي سعودي ااخر معه سعوديه
ونروح ونركب الطياره بعد احلى يومين في فيرجينا و دي سي وصلنا ديرتنا وقلت للتاكسي صديق ادعس على فندق ابو دعسه خوينا خلنا نريح فيه ونروق ونحط هالشناط اللي كأنها اوادم على راسي ناظرني وقالي متأكد يبو نفر !! قلت ايه وش دعوه امزح معك انا !! قال لا بس ما عليه يالله بوديكم وامرنا لله وانا يا عين امي مدري وش السالفه وعلى نياتي واحسب الفندق شي عليه الكلام ابو الشباب ملزم اكيد انه مودينا لواحد مثل بودل الله يجزاه خير ومافيه الا سواليف انا وام نفر وكيف الديره والديره كيف وكيف الديره والديره كيف كان موضوع جدا شيق مالكم بالطويله يا حلوين السالفه كل مالها الاحياء اللي تجينا اخيس من الثانيه والوجيه اللي بالشارع مااااش الوضع ما يطمن وندخل ذيك الحاله ونلقى والله الفندق واسمه !! والله صحيح هذا هو !! وحنا بطوننا تمغصنا والله عالم غريب اول مرره اشوف زي كذا ولا حتى بالافلام ما قد مر علي بهذي القذاره والانحطاط الاخلاقي الخوال بكل مكان وجايين على شكل عصابات والفندق زي الموتيل وكلن واقف برا غرفته وشكله اعوذ بالله طبعا السديق سواق التكسي لخمني ونزل الشناط بالشارع وانا قاعد افكر وش اسوي !! وقال اخلص يبو نفر حاسبني خلن افارق !!!!!!!! وانا والله من قوة اللخمه حاسبته وقلت يحلها االله واكلم الرجال خوينا ومافيه كلمه زينه ما قلتها له والضعيف الله الهادي ما كان يدري عن وضعه يقول بالصور غير ! حسبي الله ونعم الوكيل طبعا ريحة ماريوانا وعالم سكرانه وكلمه تجيك من هنا وكلمه تجيك من هناك وحتى الريسيبشن حق الموتيل ما تقدر تدخله من الخوف لكن دخلت وقلت ابي تكسي !!! لاحظو جاي ويك اند والكلام ذا الساعه 11 ونص !! قال طيب بعد ربع ساعه قفل المكتب وراح !! صار فندق بلا امن ولا مكتب !! يخرب ابو بيت الدجه اللي بتصير اخر الليل ههههههههه
ابي ارجع اقوله وين التكسي ما قدرت وطبعا لا تنسون ام نفر !! وصياااااح وصيااااااح وبتعييييييييط وهووووووونت وابببببببيييي اررررررررررجججججججععععععععععع وانا وقف مخي ما عاد افكر مدري وش اسوي من الضيقه !! يخرب بيت ابوها مسؤوليه وش السالفه يبو نفر وش تسوي يبو نفر !! وكل التكاسي اللي تمر حنا على الشارع الرئيسي بشناطنا الساعه 12 وزياده ويمر تكسي وماااافيييه امل يناظر فيني حتى !!!!!!!!!!! لين جانا ذاك اللي هاديه ربي وقلنا يالله يا رب وانحلت
والوضع ويك اند والعالم فالتها !! يالله الهادي بس والبقيه كثيييير لكن احس اني ابثرتكم

هذا من اسوأ المواقف اللي صارت لي حتى الان بصراحه عسى ان شاء الله ما تصير لولا واحد فيكم

والسلام ختام .. واحد نفر

اغبي موقف عدى عليا بحياتي .. اول يوم مع العائلة ، الولد القلق ابو دم كتشب اسمه " روبورت " .. فجا الاب يوريني الغرفة و طبعا جا الغثيث هذا و دخل معانا ، فقال لي الاب هذا اسمه روبورت ولكن بالاسم ( الدلع ) رابر ، و انا من فلتي الزايده افكرة يقول عن ولده انه حرامي !! فصرت اقول له it's ok, he look like good guy !! كلهم طالعوا فيني و جلسوا يطالعوا ببعض ..