متى يكون للمرافق الحق في الانضمام للبعثة

بسم الله والصلاة والسلام على اشرف الانبياء والمرسلين ..

الامر بسيط اختي اذا المرافق يصرف له طيلة فترة اللغه مكافأة مرافق تعادل 977 دولار / في حالة وفر قبول جامعي ( غير مشروط ) أي قبول جامعي مباشر لدراسة الجامعه عند ذلك يتم ضمه
ويصرف لك مكافأه تعادل مكافأة المبتعث مع البدلات أي ما يقارب 1849 .. اما بالنسبه للقبول المشروط لا ينضم للبعثه حتى ينتهي من اللغه ويأخذ من الجامعه قبول ( غير مشروط ) عند ذلك يتم ضمه
بالنسبه للقبول الجامعي له لازم يكون في نفس الجامعه اللي تدرسينها او في نفس المدينه اللي تدرسين فيها .. والملحقيه طبعا تتكفل بدراسته للغه ولكن زي ما قلت لك فترة اللغه راتبه بيكون 977 تقريبا

اتمنى اكون افدك

نفس السؤال ....

الله يوفقنا وياك ان شاءالله ..

محتاجين معلومات ...

يلعن ام القهر الحين كل المرافقين يجلسون على 977 لين يدخل الجامعه قمة الظلم
تصدقون انا بجي مرافق وقال لي واحد ليتك جاي بدون ماتكون مرافق لها لان عملية ضمك تكون اسهل لكن بما انك مرافق اجلس على وضعك لين تدخل الجامعه

الاخت سين جيم !! شكلك مطفيه النور بقوه .. ردي فوق بهالخصوص !! وش المعلومات اللي تحتاجينها اضافيه ان شاء الله اقدر افيدك

طيب المرافق العسكري هل له مكافاه ام لا علما بانه صدر مرسوم ملكي قريب بعدم احتساب فتره الخدمه وكذلك الراتب ما ينزله ..

السلام عليكم ,,,

طيب انا واخوي عندنا قبول من معهد جامعة كيف اعرف اذا قبوله مشروط او غير مشروط
ياليت تتكرم تشرح لي كيف اعرف من ورقة القبول لو تقدر
المكتب قالي انه هذا قبول لغة وفي حالة جاب الدرجة المطلوبة في الاختبار يدخل الجامعة ع طول .....
يعني بهالحالة تكاليف دراسته اللغة علينا او عليهم ؟
وإذا علينا الافضل نلغي قبوله ويروح معاي محرم بس وبعدين من هناك تكون اسهل , ولا كيف

ماادري كنت مفهمه الكل ان الرسوم على الوزارة وحاسبه حسابي على هذا ,, من الخوف احس تلخبطت مره صعبة تكاليف المعهد علينا
انا لسى ماسافرت ...
وقبولاتنا موجودة كنت فاهمه ان اذا وصلنا هناك نفتح ملف لي وله سوا وتكون الاجراءات زي بعض
لانه محرمي و معاه قبول زي قبولي من نفس المعهد التابع للجامعه

انتظر ردك ... عشان نفهم وضعنا قبل نتورط
الله ينور دربك

عادي اختي الملحقية تتكفل بدراسته اهم شي انه مو موظف ،واذا موظف يجيب لهم اجازة بدون راتب
القبول الغير مشروط يعني اختبر وجاب درجة ايلتس او توفل اللي يبغوها
المشروط انهم يقبلوه بشرط يجيب الدرجة المطلوبه
ان شاء الله فهمتيني للايلتس او التوفل

- - - مشاركة محدثة - - -

عادي اختي انتي نفس وضعنا والحمدلله زوجي يدرس على حساب الملحقيه لانها اجازة استثنائيه بدون راتب ولاخدمة ،وبالتوفيق