حلمي مااات:( تكفوون ابي حل

والله يا اختي من وجهة نظري لا تفرطين في مستقبلك ابدا حاولي وحاولي وحاولي
معاه اذا ما فاد معاه فخليه يروح بطريق وانتي بطريق والله يوفقك
ويهديه لك ويوافق ويروح معاك ايضا .
واعذريني على ردي اذا ما عجبك او ضايقك .

المشكله اكبر من موضوع الدراسه
انتي تقولين ماحبه واكرهه وصفاته من وجهة نضرك شينه لانك وصفتيه بي متكبر واناني وهذا كافي لأنك ترفضين الزواج منه
انتهي الزمن الي يجبرون البنت علي الزواج بواحد ماتبيه هذي حياة ابديه ان شاء الله مو لعب شهر وشهرين وبعدين تقولين ماقدرت احبه
عشان كذا خلي رايك قوي ومسموع هذا حياتك لاتعصين والدينك لكن فهميهم انك ماتبينه سواء درستي برا او جلستي بديرتك عشان مايفسرون رفضك بأنه بسبب حرمانه لك من الدراسه
وبكل الحالات شئ ماتبينه لاتخلينه يصير
الله يعينك ويسهل لك امرك ويختار لك الأنفع لك

شرعا لايجوز تزويج الحرة والبكر إلا بإذنها !!! أستغرب من موقف أهلك !
الله يعينك أختي وانتي ادعي ربي يختار لك الخير وين ماكان .
الله يسهل لك أمرك يارب ويسخرهم لك .

صدقتٍ ياأختي .
بعض الناس الظاهر يبغالهم ١٠٠ سنة ضوئية عشان يتطورون ويعرفون ينتقون الألفاظ .

صراحه لا تعليق على بعض الردود
دائماً ما أردد <( ابن آدم حكيم حتى ينطق )>

أولاً الأخ ما يهاب ما أدري هل كلمة عااانس كلمة تستحق أن تقال
أنا ما أنتقدك أخوي بس أنتقد كلمة عااانس يعني إيش معنى هالكلمه
يعني ربي مقدر لها ما تتزوج نطلق عليها عانس على طول ؟
بعض الرجال تقول له عااطل ينجن وينهبل ويوسوس ويسوي زحمه
بس عادي يقول لبنت عاانس شيء عاادي عنده

ثانياً الإسلام شرع للبنت موافقتها
يعني لمن ترفض ما فيه عقوق لوالدينها
يعني هم ما يعصون الله وما يفعلون اللي ربي أمرهم به وهو أخذ رأيها وهي تعقهم لما ترفض ؟!!!
ما هو منطق أبد
أنا ما أرضى أمي تختار لي كذا وتقول تزوج وأنا ما أبي
ولا أرضى أبوي يجي ويقول لأختِ تزوجي هذا ورأيك من رأيي وأنا أول واحد يكون بوجهه لو فكر بس في هالشيء
يعني نطبق من شرع الله اللي نبيه واللي ما نبيه ما نطبقه مو بالصح هالكلام
في حين فيه بنت تقول رأيي من رأي أبوي وتتزوج بدون ما يشاورونها
فيه ولد يقول اللي تختارها امي أوافق عليها على طول
الناس أجنااااس

ثالث شيء الأخوان اللي تتزوجيني واللي ما أدري إيش ومسخره هنا
البنت تبي رأي ووثقت إن فيه ناس واعيه وتأخذ منهم المشوره تجون تتمسخروا ؟
يعني الأخ اللي يقول تزوجيني وأخليك تدرسين
بتجي تتزوجك الأخت من باب للطاقه مثلاً ؟؟
ولا اللي يقولون الله يعينك عليه كويتي
خخخخخ يعني هالحين حنا شعب الله المختار ما فيه أحد فينا فيه عيب ؟؟؟
الرجل بأفعاااله مو باسمه ولا جنسيته
ياما ناس سعوديين وحريمهم أرجل منهم هع

أتمنى إن ربي ييسر لك أختي وتأخذي الرأي السديد اللي إنتِ ترتاحين له
وأتمنى أن نرى ردود عقلانيه مو ردود طلاب في الابتدائي
وأتمنى لكم التوفيق جميعاً في دراستكم وحياتكم اليوميه

الصراحة كلامك يحطم !!! جد يحطم وخيارات صعبة.
بس اولا وقبل ما اقول اي شي الجئي للخالق وصلي إستخارة .
انا قصتي قصة ، بس ضحيت بكل شي علشان الدراسة ، ولو حطينا ميزان : الزواج، الدراسة، اقولك الدراسة لاننا اول انا وخواتي رجحنا الزواج بس لما فشلنا ، ماكسبنا شي. لان مو كل زواج يعتبر (نتيجة مضمونه) بس لو درسنا وشهادة وعمل صح ، اعتقد (تغيرت الموازين) واصبح الزواج بعد الدراسة غير.
في شي ثاني، الان ابي اعيد حياتي، وفي بنت عرضت عليها الزواج والله يكتب الخير بس قلت لها: لازم ندرس برى وخواتي معي طبعا، لو هي إنسانه تحب تدرس بتوافق، وبرضو الدراسة ما ادري لاني بأخطار بس هل هي عندها طموح وتدخل معي المغامرة. !! ام لا. بالنسبة لخواتي، قلنا ادرسو اول وبعديييييين العرسان يجون . هذي تجربة عائلة شخصية يمكن غيرنا وضعهم يختلف ويمكن الحظوظ تختلف بس قلت لك بداية كلامي الجئي لربك الله سبحانه وتعالى هو الي يعلم مالا (نعلم) والله يفرحك وياشين الجرح لاصار بالقلب . محد يدري عنه ويجلس طول حياتك يمرضك. الله يعين.

سبحان الله في ناس الى الحين تزووج بالطريقهـ هذي
البنت طالعه تكمل دراستها بررا يرجعووها ولا بدوون ما يقولولها بنزوجكـ
الله يعينك على اهلك ويصبركـ الدراسهـ مو كل شي لكن الزواج بالطريقهـ المتخلفهـ هذي لأ

" المشكله هذي عقول المتعلمين عندنا !! "
نعم صحيح
( حالمه ~ ) أخطأت عليك

و المعذرة لأنني لم انتبه

طَيبْ أَهْلِكْ بِيزَوجُونِكْ وَلَدْ خَآلِكْ تِسأَلِينْ هِنَآ وِشْ رَآحْ تِسْتِفٍدٍينْ ؟؟

مِنْ مِنَآ يَعْرِفْ وَلَد خَآلِكْ عَشَآنْ يِقُولْ تِزَوجِيهْ أَوْ لآ ؟؟؟

مَنْ مِنَآ يَقْدَرْ يَحْكُمْ هَلْ يِنْفَعْلِكْ أَوْ لآ ؟؟



أَنصَحِكْ أُخَيَتِي بِآلمُنْتَدَيَآتْ الأُسَرِيًهْـ والإِجتمَآعِيَه فَهُنَآكْ مُتَخَصِصِين لمِثِلْ هَذِهـ المَشَآكِل ,,

لأنَهُمْ هُمْ قِد مَرَتْ عَلِيهٍمْ مِثِلْ هَذِهْـ المِشَآكِلْ وَ وَجَدُو لَهَآ حُلٌول فَيِفِدُونِكْ بِشَكِلْ أَكْبَر

وَ هِنَآ كُلْ وَآحِد يُعْطِي رَأْيُهْ وَوِجْهَةْ نَظَرُهْـ بِشَكٍلْ عَشْوَآئِي < مو قِصُور بِآلأخْوَآن والأخَوآتْ ولَكِنْ بِدُونْ دِرَآسَهْ لِلْمٌشْكِلَهْ بِعَكْسْ المُخْتَصِينْ ..


وَأسَألْ اللَه أنْ يَكْتُب لَكِ الخيرَهْ فِيْ أمْرٍكْ