مبتعث مستجد Freshman Member
الولايات المتحدة الأمريكية
البنت الطموحه , أنثى. مبتعث مستجد Freshman Member. من السعودية
, مبتعث فى الولايات المتحدة الأمريكية
, تخصصى طب بأذن الله
, بجامعة جامعه نيويورك
- جامعه نيويورك
- طب بأذن الله
- أنثى
- نيويورك, منهاتن ان شاءالله
- السعودية
- Jun 2011
المزيدl June 20th, 2011, 10:14 AM
June 20th, 2011, 10:14 AM
السلام عليكم
بدخل بالموضوع على طول
قبل اسبوع جاني اتصال من ابوي وقال لازم اتجين ضروري قلت يبه انا ماعندي اجازه ماقدر أجي
قال حاولي الموضوع خطير قلت خلاص احاول..
قلت لاخوي الكلام اللي قاله ابوي قال اخوي عادي انا عندي اجازه قلت وانا قال اتركي التركي الدراسه هنا بغيت انجن
فرصه وقال خلاص انا حجزت التذاكر ماعلي منك رحت كلمت أمي وقلت لها قالت أمي يابنتي في موضوع ودنا انكلمك فيه بس لازم اتجين السعوديه قلت خلاص زين تركت الدراسه ورجعت مع اخوي يوم وصلت السعوديه الا اهلي يفاجؤوني ويقولون ولد خالك أخطبك وحنا وافقنا ومن شروطه انك ماتدرسين برا انا بهذا الوقت تمنيت الموت ولا اسمع هذا الكلام لانه قتل امالي كلها وانا بصراحه ما أطيق ولد خالي وأهلي يمدحونه ويقولون مانقدر انرده ........
ولد خالي مافيه عيب بس هو متكبر وشايف نفسه بس هو يحبني ويموت فيني وخواته قد قالوا لي هذا الكلام وحنا اذا جيناهم يسوي حركات علشان يلفت انتباهي...
وانا مجروحه من الداخل حلمي قاعد يتحطم قدامي وانا ساكته ..
تكفووووون اللي عنده حل يعطيني انا بموووت مو قادره أتخيل شكلي معا واحد حطم حلمي.....
وشكرااا
ادعولي ان الله يصبرني ..
أختي انتي مبتعثه يعني في الماضي أنتي دخلتي في نقاش مع أهلك في موضوع الأبتعاث وأقنعتيهم برأيك والأن حاجه أهم من موضوع الدراسه وهو الزواج في أعتقادي الشخصي أنه عندك الإمكانيه لتوضيح وجهة نظرك في هالموضوع وما اعتقد اهلك بيرفضون الإصغاء لك ونقطه ثانيه بما أن خطيبك مثل ما ذكرتي أنه يحبك ويموت فيك بديهياً انه ما يرفض لك طلب وانه بيحب لك الخير فاعندك حلين إما تناقشين أهلك في الموضوع مثل ما ذكرت أو تكلمين خطيبك وتوضحين له أهمية الدراسه بالنسبه لك
snipeer June 20th, 2011, 12:51 PM
7 " أختي الله يسهل لك أمرك أينما كان
ويكتب لك الخير بأي تجاه
أخي نبض المدينة أعتقد أنه كفى ووفى
زعيم المشاكسين June 20th, 2011, 08:34 PM
7 " فعلا وضعك اختي لا يحسد عليه ... ما املك الا اني اقولك الله يكون بعونك
كـان زمـان June 21st, 2011, 02:39 AM
7 " الله يكون بعونك ويساعدك
وصدقيني مافي احد يقدر يغصبكي على شي
لا تزعلين حالك
اول واخر هذي حياتك وهاذا قرارك
كل ماكنتي قويه وثابته وصامله قدامهم في حقك
كل مالانو هم معك واانتي ابخص باهلك
كل الي ابي اقوله لك و من قلب واتمنى انك تسوينه
لانه راح يخفف عنك كثير
هو انك تتوضين وتفرشين سجادتك
وتستخيرين بزوج
ثم تستخيرين بدراسه
بعد كذا صلي ركعتين
وادعي من قلبك
واطلبي اهلك انك تروحين عمره صدقيني
اذا مسكتي ستارت الكعبه ودعيتي
ووكلتي امرك لله
مارح تندمين ولا راح تزعلين مهما
سار بعد كذا
وتمسكي بمستقبلك
وعسى الله يفرجلك من عنده
رنونه June 21st, 2011, 02:44 AM
7 " من ترك شيأ لله ابدله الله بشيْ افضل منه اسألي الله الخيره لا تسألين الناس افرشي السجاده و صلي لك صلاة استخاره و الله يوفقك و يكتب لك اللي فيه الخير_(( وعسى ان تكرهوا شيْ وهو خير لكم ))_
xM7SENx June 21st, 2011, 02:56 AM
7 " الله يكون في عونك صراحة
السؤال المهم ٬ هل الزواج والدراسة تتعارض مع بعض لو اعتبرنها اهداف او احلام لاي فتاة طموحة؟
انا اشوف ما فيه تعارض. خصوصا لو اهلك ( اوبين مايندد ) ممكن ترفضي هذا الزواج وتصري تكملي حلمك باكمال الدراسة وربي يعوضك بزوج يقبل بوضعك الحالي.
عموما عليك بالاستخارة وربي يكتب لك الخير.
Googler June 21st, 2011, 03:44 AM
7 " شوفي اختي باقولك اختي لانه لو اختي مرت بوضعك ماراح اقول لها غير هالكلام الي باقوله لكي الان
اول شي مثل ماقالت الاخت رنونه كلامها وربي كل العقل صلي واستخيري ترا الاستخاره اقوى من السحر في الامور وربك احن عليك من والديك وماراح الله يوديك لطريق مافيه خير لكي خاصه بعد ماتستخيرنه وتدعينه بخشوع وتضرع ودموع ربك ارحم الراحمين والي فيه خير لكي ربي بيكتبه لكي تاكدي تماما وثقي بالله وتوكلي عليه لانه من توكل على الله فهو حسبه
ثاني شيء
اذا ربي كتب لك ولد خالك معناها هو خير لكي ومافيه شر ابد واذا يحبك بيسوي اي شي عشانك اقنعيه انكم تدرسون انتي وياه بالخارج وتكملين دراستك وهذا من حقك وقبل حتى تكتبي كتابك عليه خلي تفاهمك معه مباشره وبدون تدخل طرف ثالث بالموضوع وتقدري قبل توقعي العقد تقولي للشيخ يحط الشرط هذا بالعقد ساعتها ولد خالك بيرضخ لانه هو مستعد يسوي اي شي عشان يتزوجك لانه يحبك
وبالنهايه لاتخافي استخيري استخيري استخيري وشوفي كيف الامور بتمشي لصالحك وتذكري كلامي وادعي لي
والله يارب يفرج همك وييسر لك ويقدر لك كل خير
احلام الغد June 21st, 2011, 04:53 AM
7 " لا تحكمي على حلمك بالموت! ثم تبحثي له عن حل!
أرجع وأقول لك تأكدي من أخلاقه بكل عقلانية، وإن ثبت لك سوءها فناقشي أهلك في مسألة أخلاقه، لأنه إذا هو فعلاً متكبر فمو من مصلحتك أبداً تعيشي معاه..
وغريب هذا الحب اللي بدايته كذا! كان أجّل شرطه الجميل لحين يناقشه معك.. لكن هذي سياسة فرض الأمر الواقع قبل ما يكون بينكم أي شي ..
وممكن يكون إنسان طيب بس ما عنده ذاك الأسلوب في التعبير.. المهم أعرفي هل هو مناسب لك أم لا..
ولا تشيلي هم لدراسة بإذن الله لاحقة عليها.. المهم الحين هو: هل هذا الإنسان مناسب لك أم لا..
لا تخلي حزنك على تركك المؤقت للدراسة يخليكي ما تفكري صح!! ركزي .. لأنه إذا تزوجتي فحياتك كلها راح تترتب على هذا القرار المصيري.. عشان كذا قرري صح.. ولا تخلي أحد يقرر عنك ، لأن هذي حياتك..
Reem Hasan June 21st, 2011, 05:08 AM
7 " 
LinkBack URL
About LinkBacks
June 20th, 2011, 10:14 AM
السلام عليكمبدخل بالموضوع على طول
قبل اسبوع جاني اتصال من ابوي وقال لازم اتجين ضروري قلت يبه انا ماعندي اجازه ماقدر أجي
قال حاولي الموضوع خطير قلت خلاص احاول..
قلت لاخوي الكلام اللي قاله ابوي قال اخوي عادي انا عندي اجازه قلت وانا قال اتركي التركي الدراسه هنا بغيت انجن
فرصه وقال خلاص انا حجزت التذاكر ماعلي منك رحت كلمت أمي وقلت لها قالت أمي يابنتي في موضوع ودنا انكلمك فيه بس لازم اتجين السعوديه قلت خلاص زين تركت الدراسه ورجعت مع اخوي يوم وصلت السعوديه الا اهلي يفاجؤوني ويقولون ولد خالك أخطبك وحنا وافقنا ومن شروطه انك ماتدرسين برا انا بهذا الوقت تمنيت الموت ولا اسمع هذا الكلام لانه قتل امالي كلها وانا بصراحه ما أطيق ولد خالي وأهلي يمدحونه ويقولون مانقدر انرده ........
ولد خالي مافيه عيب بس هو متكبر وشايف نفسه بس هو يحبني ويموت فيني وخواته قد قالوا لي هذا الكلام وحنا اذا جيناهم يسوي حركات علشان يلفت انتباهي...
وانا مجروحه من الداخل حلمي قاعد يتحطم قدامي وانا ساكته ..
تكفووووون اللي عنده حل يعطيني انا بموووت مو قادره أتخيل شكلي معا واحد حطم حلمي.....
وشكرااا
ادعولي ان الله يصبرني ..