استفسار عن ولاية نبراسكا .... أفيدوني يا اهل الخبرة

هلابك يالغالي
انا بنبراسكا
وبصراحه احس العيشه فيها حلوه بس مشكلتها مافيها شئ
طبعآ انا في اكبر مدنها اللي هي مدينة اوماها
بس تبي الصدق نفسيه مافيه شئ ابد تصلح للي يدرس فقط لايوجد ترفيه والناس اشوفهم طيبين ولامانع من بعض العنصريه الغير ملحوظه
اي استفسار انا تحت امرك على العلم اني صار لي 4 شهور ولا اروح ولا اجي من المعهد للشقه ومن الشقه للمعهد فقط مع بعض الفرفره مع احد الأصدقاء
مدري يمكن عشان ماعندي سياره

هلا بك قلبي منووور

حبيت اسئلك يالغالي

بخصوص مستوى الدراسة فيها اللغة والمعهد يستأهل و لا مستواها سيئ

و الإيجارات كيفها و السواقة كيف شروطها

و المعيشة فيها غالية ولا لا

و الجو كيفة

و اعذرني على كثرة الأسئلة

لا وش دعوه تحت امرك

بخصوص الدراسه المعهد اللي انا فيه سيئ للغايه (همه الوحيد المال)
ولا بالله عليك كلاس فيه 14 سعودي؟ خير ان شاء الله
وتبي الصدق انا بالمستوى الثالث واللحين قسم بالله مامن معرفه يعني مستواي احسه سيئ صح ان المعهد يعطيك الأساسيات فقط
لاكن مشكلت المعهد ماعنده تطوير لك
يعني واحد من الشباب طلع من عندنا وراح شيكاغو يتواصل معنا ويمدح في المعهد بشكل كبير جدآ
شئ تطويري شئ يخليك تحس انك جالس تتطور

بالنسبه للإيجارات سعرها متوسط مابين 500$ إلى 900$ على حسب
بالنسبه للسواقه بصراحه للحين ماطلعت رخصه ولا ادري عن امورها
المعيشه لآبأس فيها احسها متوسطه( راحعه للشخص نفسه وصرفه )
بالنسبه للجو هذى يبي له صفحه لحالها
لحسة مخ برد حر مطر شمس ثلج رياح شديدهـ < كلها بيوم واحد ( مع وجود نسبة مبالغه )
يعني بصراحه الجو هو الوحيد اللي مافهمته
بس برضو احسن من جو السعوديه وبالنسبه لي مستانس مداما امطار يارب لك الحمد


وأي سؤال تحت امرك

الله لا يهينك حبيب قلبي

تعبتك معاي و لكن فيه احد الزملاء مدح لي أوماها

بس حبيت اسئلك اي جامعة افضل

وهل فيه معاهد ثانية في نفس المدينة افضل من تعليم من هالمعهد

والله لا يهينك