تعال واكتب ماهو شعورك قبل لاتسافر

اخواني انا من الجزائر
و قدمت طلب للحصول على i20 و وامامي تحديات كبيره
ومع ذلك كل يوم افتخيل نفسي اخبر الاهل بالمفاجئه الكبيره و اتخيل نفسي احضر في اول درس لي
اين تخبرني الاستاذه باني هنا في امريكا.......
و الله مشارع غريبه ولكن كلها حماس وطموح
ربي يحقق الاماني

انا باقي لي 34 يوم وماشيه شايله هم المسؤليه الدراسه والعيال والغربه والله يسهل
بفقد اميمتي الله لا يخليني منها

اشكر كل عضو شارك بموضوعي

بس والله ماخفيكم سر انا بمى اتخيل نفسي انها اخر ليلة لي بالبيت احس بشعور غريب جداجد ( خوف وفرحة وارتباك مايعلم به الا ربك )
وفي فترة من الفترات جاني شعور اني راح افشل لكن ما اقول الا الله لايحرمني من الشخص اللي نصحني (الوالدة) وعطتني شحنة معنوية لدرجة اني حسيت نفسي برجع وانا معي دكتوراة مو بكالوريس

نصيحة اوجهها لكل شخص معنوياته هابطه شوي

لاتجلس مع اشخاص يحسسونك انك مو قد الموضوع يعني يصعبون عليك الامور ويقولون لك الدراسة صعبة واللغة صعب التعلم لا
انت قدها وقدود بما انك استطعت انك تجيب قبول من معهد وجامعه معناتها انت تقدر لاتقول مقدر لأنه هذي فرص من فرص العمر واذا تبي تعرف انت صح ولا لا تخيل نفسك بعد عشر سنوات بالضبط
وشوف وش راح تكون ووش راح يتغير بحياتك وتفكيرك

تحياتي للكل واتمنى لكم التوفيق
واتمنى التفاعل مع باقي الاعضاء

بـآقي على موعد ســفري 7 ايـآآم

بالنســبة لي مـشآعري جـدن متداخلة
عندي شعور قوي بالحماس .. لدرجة اني رايح قبل موعد دراستي بشـهر ^ ^
وبنفــس الوقت .. ما ودي اسـآفر واروح بعيد عن الاهــل
خصوصا ان لي حضـور قوي في الاوسـآط العائلية عندنا
لاني من يوم كنت صـغير وبحكم ضروفي .. عايش في بيت جدتي .. ربوني عماني وعماتي وجدي وجدتي بالاضافة الى والدي طبعن ولكن مو دايم موجود بحياتي بحكم سفرياته الكثيرة
.. عشت معهم اغلب حيـآتي
احس نفسي متعلق في جدتي اكثر من امي , لاني عشت معها كثييرر ..!!
راح افقد اصدقاء لي موب اصدقاء .. الا اخواني الي ماجبتهم امي .. عشت معهم احلى ايام العمــر .. لحضات حزينة وسعيدة .. كانت مغامراتنا مجنونة وسوالفنا خيآلية
لي مجتمع هنا - الحمد لله - يحبني بقوّة ورآح يفقدني وافقدهـ .. الكل يقول اني راح اترك فراغ كبير بالبيت
قـآعد اعد ما بقى لي من اياااام واحاول اقضيها بينهم .. واستمع بكل دقايقها ولحضاتها
\
بالنسبة للغربة .. ما راح تكون لي ذيك المشكلة .. لاني تعودت اسافر داخل المملكة واتنقل ودائما عايش حياة العزوبية
وحياة العزوبية غالبا ما تعلم الشاب الاعتماد على النفس والثقة وتحمل المسوؤلية ..

\

ما تدرون قد ايش عانيت .. قد ايش حملت هموم قد الجبال .. قد ايش سهرت الليالي ادعي الله سبحانه انه يحقق له ما اتمنى .. عشان احقق هالحلم .. عشان
اكمل دراستي في امريكا وادرس في جامعة مرموقة في مجالها لها سمعتها في العالم كلّه

\

قـبل الســفر .. اكيد دموعي بتكون قريبة .. والعبرة راح تخـنقني .. الله يصـبر
قـلبي على فرآقهم .. ويوفقني ويوفق كل طالب راح يطلع عشان يحقق حلم الدراسة والتحصيل المشرّف !

..

السلام عليكم

بالنسبة لتجربتي لدراسة لمدة سنه

* شعوري قبل ما أسافر كنت ''' متحمس بقوه''' وأبغى امشي بس وكنت متخيل ان الامور فله ووناسه!!!
* بعد ماوصلت كانت الامور لاباس فيها وبعد كم يوم اتضح لي أني كنت مخطئا في تخيلي للوضع وانصدمت في البداية وكانت من اصعب اللحظات اللي مريت فيها ، لكن ولله الحمد وبعد توفيق الله والاستعانة بالصبر تيسرت الامور مع الوقت وصار الوضع طبيعي

نصيحتي لكل مبتعث جديد: اول شي التوكل على الله والاستعانة به سبحانه،، وثانيا لا يتحمس الواحد كثير بس يبغى يمشي بأسرع وقت ويتوقع ان الامور راح تكون فله ووناسه حتى اذا راح هناك ماينصدم وتاثر عليه خصوصا في البداية "الأسابيع الاولى" لانها مرحله صعبة وتحتاج مجاهدة للنفس حتى يتأقلم ويصير الوضع طبيعي .. فالأفضل ان كل شخص ياخذ الوضع بشكل واقعي وانه رايح لغربه ويركز على الهدف اللي هو رايح عشانه وبالتالي صدمة الغربة في البداية راح تكون اخف عليه بعد مشيئة الله ..
واعرف أشخاص رجعوا لسعوديه بعد ايام من ذهابهم والسبب انصدامهم بالوضع وعدم التحمل والصبر..

الخلاصة : التوكل على الله ثم الصبر ثم الصبر (الصبر مفتاح الفرج) خصوصا في الأسابيع الاولى

والله يوفق وييسر أمور الجميع،،،*

أنآ وأنآ توي مآسويت شيء ولآجبت قبولات بس مجرد إني مخطط ومقبل على مرحلة القبولات والفيزة والحوسة هذي
خآآآيف ومتحمس وقلق واخاف تتاخر الفيزا < وانا ماقدمت على السفارة و جوازي منتهي اصلا هع
بس الله يعين وانشاء الله اشوف ردي هذا وانا محقق اللي كنت احلم فيه ومخطط له < يآآآرب

موضوع رآئع جدآ وبوركت عليه

يوووووووه , الله يسامحك والله إنها دمعت عيني ,,

سرحت بأفكاري وجلست أتخيل هذا الشعور علمآ أن فيزتي باقي ماطلعت ..

رغم إن قلبي قوي إلا إنني تخيلت الوالده والوالد وقت الوداع , جاني شعوووور غريب ...

احس إني بأكون يوم الوداع ضعييييييف للآخر ..

الله يعدّي يوم الوداع على خير ..


(( أقسم لكم بالله أنا الان أكتب هذا الرد وأنا أبكي ومرتبك وأعصابي متوتره , لأنني أحببببببببب أهلي وهم يحبوني لكنني رسمي معهم لدرجة إني محتاج فلوس قبل لا أسافر وإلى الان ماقدرت أكلم الوالد رغم إنه يقول لي دائمآ إذا بغيت فلوس كلمني ولا تستلف من أحد لكنني أرحمه لأنني عارف إنه راح يستلف المبلغ اللي بأطلبه ويعطيني ))

اخخخخخخخخخ والله راسي مصدع الان ...

الله يسامحك يا العضو يالبى كندا خليتني أبكي وأنا شايف نفسي إني قوي ....

اااااااااااااااهـ ااااااااااهـ ( رحماك يارب ) ...

باقي على رحلتي شهر تقريباً ..

ما أخفيكم فيه أرتباك شوي .. و فيه يقين بان الإرتباك طبيعي يمر أي شخص مقدم على خطوة جديدة .. سواء ( دراسة ،، زواج ،، تجارة ،، حتى شراء سيارة ) ..

متخوف شوي من الأيام الـ 3 الأخيرة خصوصاً انها بتكون في رمضان .. و أنتم عارفين لمة اللأهل فيها ..

يزداد إصراري وثقتي بخطتي .. كل ما تذكرت أني طلبت الخيرة من الله و إستخرته قبل أقدم رجلي فيها .. فلا " تنسوا الإستخارة " .. وتوكلوا على الله حق توكله ..

أسأله جل وعلى أن يوفقنا ويسهل لنا دروبنا و أن يزيد أعمالنا في طاعته ،،

السلام عليكم
موضوع جميل ويخليك تكتب وانت تنطر السفرة باقي عليها ثلاث اسابيع وانا مشكلتي مع نفسي محب احد يشاركني همومي يعني قدام الناس قوي ولايبين علي بس بيني وبين نفسي اتوجع وخاصة امي اللي متعوده علي بالخدمات ودايم رحت جيب انت مو اخوانك لانه ترتاح لما أنا اخدمها اللي احاتيه شلون بعد سفري لكن الحمدلله على امر وعسى الله ان يجعلني بارا بها ويوفقني ويوفقكم يارب ولاتنسوا نصايح الشيخ المغامسي الثلاث لايمر يوم دون ان تضع وجهك بالقران وتقرا وان تتصل بامك يوميا وان تصلي ولو ركعتان باليوم نصايح جباره اتبعوها وادعولي

ناقله هم البعد عن امي


وناقله هم زوجي هل راح نتفق بالغربه انا وانا بدياري اذا صارت مشكله تافهه ضاق صدري وتخربطت اوراقي اجل كيف بالغربه ربي يستر بس