تعال واكتب ماهو شعورك قبل لاتسافر

هذا الكلام الصح حاول تبعد عن الناس اللي تخليك تتحسف خلك مع الناس اللي تشجعك

أنا والله شعوري عادي بس اللي موجع قلبي شيئين : ما أدري كيف بودع الوالدة (الصراحه ما أتحمل أشوف دموعها على طول انفجر) الشيء الثاني أول ما أوصل مدينتي مدري كيف أبتصرف لأن المعهد ما راح يستقبلني بالمطار والنادي السعودي أرسلهم وما يردون علي والصراحه متوتر .. لكن إن شاء الله تساهيل .. سفرتي بعد شهر ونص ولا شريت شي

الله يسهلها ويفرج كربت كل مسلم قاصد وطالب للعلم ...

انا قبل مااجي كنت متحمسه جدااااا
طفشت من البطاله كل اهلي ودفعتي توظفوا وانا جالسه مع ان معدلي احسن منهم

وقدمت على امريكا وجاني القبول ولله الحمد واستخرت كثييير وكنت مرررره مرتاحه

ويوم جيت امريكا تغير كللل شي
توني من دقايق مودعه بنتي راجعه السعوديه مع ابوها

والله اكتب لكم اللحين ودموعي ماتنشف لي 3 ايام ليل ونهار وانا ابكي تندمت على اليوم اللي قدمت فيه على البعثه
مع ان موجود عمتي وبنت عمتي وعمي
وجايني اخوي
بس وداعي لزوجي وبنتي مدري هو السبب ولا كرهي لامريكا

انا لي 10 ايام من جيت امريكا

ماودي احطم احد
بس هذا شعوري وان شالله بدايات وتتغير الاوضاع
لان ماعمري ابتعدت عن زوجي او بنتي يوم واحد
الله يحفظهم لي ياااارب

اللهم اني استودعك زوجي وبنتي واهلي ونفسي ومالي فانه ماخاب من استودعك


ادعوا لي الله يشيل الضيقه والهم اللي في قلبي فراقهم والله صعب

تعوذي من ابليس وانا اخوك وكلها فترة وترجع الامور عادية وتكون مرة حلوة لك لكن عندي لك حكمة مرة قريتها وانا بالمتوسط وولحين اتذكرها

( من كانت بدايتة محرقه كانت نهايتة مشرقه)

اتوقع الحكمة هذي فيها فايده كبيرة للي يفهمها وتقبلي مروري وتحياتي