مشرفين الملحقية .. (----------) الموظفين!

وعليكم السلام ..والله ياخوك كلامك 100 %

وانت اكيد ما أفتريت عليهم

وانت كلامه هذا جداً قوي

انسخه وألصقه .. وارسله لـ احد الصحف الالكترونيه

سبق ..مايصدقون يلاقون شي

عطهم وصدقني راح يلذعون

أشكركم يااخوان بالنسبة لشكواي للملحق فلقد وضعت تفاصيل قضيتي كاملة
أما بالنسبة للي ارسلته .. فلقد أرسلت لصحيفة سبق وتكلمت باسم عموم الطلاب وليس باسمي فقط .. وبصراحة جريدة سبق لها انتشار واسع ومتابعة من المسؤولين .. أتمنى من الجميع التفاعل والارسال لهم عبر رابط (اتصل بنا) الموجود في صفحتهم حتى لايعتبرون ان ماارسلته لهم شكوى شخصية فقط
بالنسبة لبقية الصحف سأرسل لهم بإذن الله
الله يعطيكم العافية ويجزاكم خير

يعني قصدك ي تفاكير .. كل طالب يرسل شكوى كل شوي الى صحيفة سبق .. يشكي فيها سوء خدمات الاجانب المشرفين في الملحقية
ولا ننسخ تقريرك وكل طالب يرسل كل شوي !!

وطبعن انت تمثل 45 الف طالب يدرس في امريكا !!

روووح والقلب داعي لكـ

.

نعم ياعبدالرحمن قصدي كل واحد يتكلم بالي في خاطره ويرسله .. لسببين .. الأول ليعلموا أن المشكلة يواجهها غالب الطلاب
والثاني لعل هناك طلاب لديهم قدرة على نقل الشكوى بطرق أفضل
والآن أضفت الشكوى لجريدة الوطن عبر موقعهم

شكرا للجميع

الله يوصلكم لمبتغاكم ومبتغانا
اخوي اذا صار شي حط مواضيع ونزلها لاني بكون متابع هالموضوع بدقه

المشكله اكبر من كذا بكثير ,,

انت تدري ان فيه مشرف صومالي الجنسية ياخذ نسبة على كل طالب سعودي يدرس بالجامعه من مدير الطلاب الدوليين في الجامعهـ قالبها تجارهـ الاخ ,,

والشي الاخر وصلني أيميل من المشرفهـ تقول الفم المليان ماراح ارد ولا على اتصال الي يبغى شي يرسل رسالهـ (لكن ألتمس لها العذر لان طلابها وصلوأ 500 )

والشي الأدهى من ذلك كل مشرف عندهـ نظام خاص فيه (يعني على سبيل المثال النقل ايام ماكنت ادرس لغه مشرف ينقلك عادي ومشرف يقولك لا ) ياخي سماجه واستهبال ؟؟

الضمان المالي وما ادراك مالضمان المالي .. اذ طلبت ضمان مالي لاي جامعه يجلس اسبوووع ليش ؟؟؟؟؟ الورق يطلب من اليابان مثلأ !!!!

إلى الآمآم , يابناء الوطن ضد الحثاله , نتائج الفساد الاداري , حتى في التعليم فساد اداري , حسبي الله ونعم الوكيل !!

انا قريب بساهم مع شباب ضد السفاره الكندية ومعاملتها السيئة لطالبين الفيزا الدراسيه نحسب نفسنآ نطرهم لجآوا يتآخرون على طلباتنا ويماطلونا ,,

,,

تفضل حكايتي لعلها تدعم الموضوع..

وصلت لأمريكا في شهر مارس.. وبعدها بأسبوع بدأت الدراسة.. في أول يوم طلبوا مني إرسال الضمان المالي من قبل الملحقية، فأرسلت لمشرفتي.. لكن ما وصلني منها رد..
بعدها بيوم جاتني رسالة بأن المشرف تغير وأصبح د. محمد السالم .. فأرسلت له وفي اليوم التالي مباشرة أرسل للمعهد الضمان وأرسل لي نسخة لأطمئن..
وبعدها بفترة أكتشفت مشكلة في التأمين الصحي.. وما قصر معي.. وانحلت المشكلة..
وبعد شهر تقريباً تجينا رسالة منه إنه لقى وظيفة أحسن وراح يترك الملحقية وحتكون لنا مشرفة جديدة..
ومرت الأيام..
وجاتنا رسالة من وحدة ثانية تقول انها مشرفتنا ..
" يعني 4 مشرفين خلال 3 شهور !!! " وتقول انها ما تبغى أحد يتصل عليها لأن عندها 300 طالب وهي تحت التدريب، وإنها راح ترد ع الايميلات خلال 48 ساعة..
ارسلت لها رسالة بخصوص الترانسكربت، وما ردت علي..
وشوية تجيني رسالة.. فرحت.. لكنها كانت رسالة تطلب فيها بأن لا يتصل بها أحد وأن نرسل بالإيميل فقط، وأن نرسل مرة واحدة لأنها مشغولة ومو ملحقة!!!
وشوية بدأت الجامعة تطالبني بالسداد، فأرسلت لها وما ردت علي!
مر أكثر من أسبوعين الحين وحضرتها ما ترد..

أنا الطالبة.. ايش دخلني بشغلها وزحمتها!!!! الفوضى والإهمال حق المشرفين مشكلة المفروض ما يكون لنا دخل فيها.. لكن بالعكس.. صايرة مشكلة إحنا المتضرر الوحيد فيها؟؟ طيب ليش؟؟ والله حرام!!

ممكن تعطينا الرابط إذا نشر الموضوع..

يصير ندعمه بالتعليقات..