تكفون ياطلاب امريكا طلبتكم شوفو لي حل

انا نفس وضعك بالظبط
وصار سبوع الثاني الحين ماحصلت شي
كلمت فيهم يومين من بداية الدوام الى نهايته بدون فايده
صرت ارسل لهم ايملات مثل ما نجحت مع بعض الي معاي

بس الى الحين ما حصلت شي

ارسل لكل موظفين الملحقيه حتى الملحق بنفسه ،،
علي وعلى اعدائي خلها ،

خلاص عندهم إجازة إلى يوم الثلاثاء
---------------------------------------
ما كانو يردون لأن كان عليهم ضغط تلفونات يعني فيه عندهم 8 موظفين حجوزات وكل موظف على تلفونه 20 خط على الانتظار وموظف الاستقبال هو اللي يحول المكالمات للموظف المختص اللي صار انه موظف السنترال ما عاد صار يرد من كثر التلفونات لأنه لو رد بيقولك والله كل الموظفين مشغلوين اتصل بعد ساعة لأن كل طالب يبغاله 15 دقيقة على الأقل عشان يخلص حجزه والتلفون الواحد عليه اكثر من 20 لمبة حمرا كلها انتظار والدوام كله 8 ساعات على بعض فيا دوب يخلصون

طبعا يمكن واحد يقول ليه طيب الملحقية متعاملة مع المكتب الزفت هذا بهالإمكانيات و الجواب انه هذا المكتب فيه موظفين عرب ( يتكلمون عربي سودانيين ومصريين ) وطلاب كثير خاصة الجدد ما يعرف يوصل المعلومة صح بالإنقليزي وعاد ابلش به


تروا فيه 40000 طالب في أمريكا وفيه نسبة كبيرة جدا منهم تم الحاقهم مه المكرمة السابقة اللي توهم يكملون 9 اشهر وكلهم يبغون يحجزون تذاكر

الحل تتصل الصباح عليهم قبل ضغط التلفونات وراح يردون عليك وعاد حط التلفون على السبيكر وامسك سرا

الله يعين

هذا نموذج لتخلف بعض العقليات ..

ياخي ليه تزعج ناس مالهم دخل؟

ياخي تخيل ابوك يشتغل محل واحد منهم او تخيل انت بنفسك الملحق وكل يوم ايميلك يمتلي بسبة ناس (مزعجة) و (متخلفة) كأننا قاعدين في مدرسة ابتدائية الواحد ما يعرف وين يوجه سؤاله أو طلبه أو مشكلته بس ينسخ كل الإيميلات لكل الموظفين في الملحقية ويرسل لا وياليته يسوي كذا وبس لا يرسل عشر طعش مرة نفس الايميل

الحمد لله ياربي على نعمة العقل

قال ايش علي وعلى أعدائي؟ مين هم أعداءاك؟ موظفين مساكين في الملحقية غلاباء رواتبهم نفس المكافأة اللي تستلمها انت يا طالب تزيد قليلا ولكن شغالين من الصبح إلى آخر النهار!

عمرك رحت الملحقية وشفتهم يفصفصون وشاهي وقهوة؟

كلمة حق وتقال اقسم بالله زمان قبل الضغط اللي صار على الملحقية ان أغلب الموظفين حبايب وعسل لكن انتقل اليهم مرض الحقد والكراهية والعصبية من بعض العينات اللي احتكوا بها في خلال السنتين الأخيرة

^
^
يا أخي ،، انا لاحظتك تثير المشاكل كثيرا في المواضيع ومن ثم تهرب ،، لذلك سأطبق مقوله (لاتجادل الأحمــق فيصعب على الناس التفريق بينكما)

الأحمــق من يرسل الإيميل أكثر من 10 مرات للطرف الآخر

الأحمــق من يرسل ايميل إلى 30 شخص كلن له اختصاصه وكل له مهامه

الأحمــق من يشجع على عدم سلوك الأسلوب الحسن في التعامل مع الناس وانما يجري في دمه حب الفوضى والإزعاج

الأحمــق يعقتد انه على جميع موظفي الملحقية التفرغ التام له ولطلباته والرد عليها في نفس اللحظة

الأحمــق لا يستطيع ان يدرك لو ان فقط 1000 طالب من اصل 40 الف طالب في أمريكا أرسل ايميل واحد فقط لكل موظف قد يسبب ربكة وإزعاج لا داعي له من الأساس

لا أريد أن اجادلك لأنك جادلتني وتبين من هو الأحمق ،،

كل واحد بيمر هنا عنده عقل ويعرف يميز بين الصح و الغلط إن شاء الله و كل واحد يمر هنا له حقه يعتبر ما قلته أنا من كلام وخبرة يدل على حماقتي أم الذي تدعي له أنت هي الحماقة بعينها!

لا انتظر من الناس الخروج بالموضوع عن فكرته الأساسية لكن أتمنى ان تؤخذ النقاط اللي أنا ذكرتها في أول رد قبل ان تخرج علينا انت (بفلسفتك) بعين اعتبارهم واتمنى اني وضحت لهم اسباب الضغط الحاصل وذكرت لهم الحل بالاتصال صباحا يوم الثلاثاء قبل ان تكثر الاتصالات على المركز

انا اقول الي رجله في الماء مو مثل الي رجله بالنار

لمى تحصل على موعد سفاره بعد عناء طويل وفي النهايه يضيع عليك بسبب عدم الرد هذا المفروض يصير في الحسبان

لمى تذهب الى الملحقيه عدة مرات لانجاز اشياء بسيطه هذا المفروض يصير في الحسبان

وكان على الموظفين مخلينهم كلهم عرب فهذا شي طيب بس في نفس الوقت ترى فيه منهم ما يتكلم العربي

وكان على صعوبة إيجاد موظفين يجيدوا العربيه فهذا شي غير معقول

" 3000 طالب مبتعث متخرجين السنه واغلبهم يتمنوا ان يحصلوا على وظيفه"
ظغط في الاخير اعلم ان كثير من الموظفين عليهم ظفعط , بس فيه منهم يتعامل معك كانك طالب روضة

للتوضيح: اقصد في مكالماتي واميلاتي الموظف المختص