مساعدة تحدث مع اقربائك با امريكا وكندا على هاتفه الجوال اول الثابت با اقل الاسعار جهاز خيالي

جميل ،، سيتم البحث عنه ،، لكن كم سعر الدقيقه ياعزيزي ،،
شكرا لك ،،

الاتصال مجانا لا يوجد رسوم عليك اطلاقا
مجرد انك تدفع قيمه الجهاز وتاخذه من الرجال وتركبه احسب سنه كامله من الاتصال مجانا

بعد ما تخلص السنه تقدر تشترك مره ثانيه

انا له شهر عندي لحد الحين وشغال كويس

والصوت واضح وكل شي واضح ،، وتنصحنا به ،، ترا باشتريه لو ماكان كويس اخليك ترسل لي القيمه اللي دفعتها ،

واضف الى ذلك احس انك تسوي دعايه له ـ!

اهلين عزيزي
بدون ما اسوي له دعايه ولا شي هو الجهاز معروف من عام 2009 بس المشكله حنا شعب ما نفكر شوي لو نفكر بحلول بديله بنحصل كثير
وبا النسبه لضمان هم يضمنونه لك انا اقول لي شهر الحين ما فصلته وشغال عليه ميه ميه

انا فعلا اسوي له دعايه بس مالي مصلحه ابد مصلحتي انه اخلي كل اب ولا كل ام على تواصل مع عيالهم في امريكا ولا كندا بدال ما يدقون عليه من جوالهم ويصرفون
زي ما قلت لك انا كنت مشتركه بخدمه التميز عارف ليه ؟ عشان اعطي الشخص اللي با امريكا الجوال السعودي عشان يستقبل التجوال الدولي مجانا
بس طبعا انا تحسب علي مكالمه عاديه واضف على هذا اني ادفع الف ريال شهريا عشان خدمه التميز!!!
وحصلت الجهاز هذا وحبيت انه اخدم الاهل اللي مغلوبين على امرهم

وشاكر لك تفاعلك

كلام سليم اخوي صاحب الموضوع

الجهاز ممتاز جدا من واقع تجربه سابقه

مشكور على افادة الكثير ..وخاضخ الي ما يعرف الجهاز

تحياتي لك

مدري احس الموضوع مفبرك وفيه دعاية وحركات ونصب ..!!


والا تتوقع يـ plato

ان فيه شي اسمه مجانا

وتجديد اشتراك ومدري ايش

الصراحة صاحب الموضوع ماقنعني

احس نفس الحركة الي يسوونها الهنود تمرير مكالمات والخرابيط ذي

والي يزود الطين بله صاحب الموضوع توه مسجل ومشاركاته 4

والاخ الي يقول مجربه نفس الكلام توه مسجل ومشاركاته 2

انا ماتهم احد والا اشكك << كل ذاه ولاتشكك هههههههههههههه

لاكن مانصحكم ياعضاء مبتعث تنجرون خلف هاذا الموضوع الا لمن يعطينا صاحب الموضوع فكرة كاملة عنه ونقتنع

الصراحة الوضع مايطمن

الي نزل الموضوع على عيني وعلى راسي وانا ماقول انه كذاب او نصاب لاكن اتمنى انه يوضح اكثر

لا مانع انك تسوق لكن مو بالطريقة هذي
انت تقول اول المشاركة تدفع الفين للتميز بعدين قلت الف

رحما بعقولنا يا اخي

انا عندي جوال تميز وخدمة التجوال امريكا مجانا لا الف ريال ولاهم يحزنون

وفكرة جهازك كويس للي ماعندهم تميز

سلام

اول شي عزيزي شكرا لك على ردك ..

بحاول انه اجاوبك على كلامك
كنت اتمنى منك قبل ما تشكك با المصداقيه بس انك تدخل قوقل وتكتب فيها كلمه( ماجيك جاك) وبعدين تشوف المواضيع اللي موجوده وبعدين تجي تكتب مرئياتك عن الموضوع
انا مثلك اول ما شفت الاعلان في جريده الرياض ما صدقت وكلمت عليهم ولا قلت لهم انتم كذابين ولا شي با العكس سمعت منهم لحد ما اقنعوني
اللي استغربه انه تقول اسوي دعايه وبعدين تقول منت مقتنع با الجهاز غريبه !!
لو انا صاحب الجهاز سويت زي اللي في المواقع الثانيه جبت صور وحطيتها ونسقت الموضوع وسويت له دعايه فعلا
بس انا هنا شفت خدمه خدمتني كثير ووفرت علي كثير وحبيت انه اجيبها لكم هنا لانه عارف انه فيه ناس هنا راح تستفيد منها خاصه اللي عندهم عيال في امريكا

لا وبزيدك من الشعر بيت .. اذا عندك جهازين منه يكلمون بعض بدون اي رسوم مجانا


وشاكر لك ردك ..