هل السعودي غبي اجتماعيا ؟

اخواني إدارة المنتدى ..

لا اعتقد ان موضوع مشاهديه فوق 1700 والإعجابات 100 يستحق ان اتلقى عليه تحذير ..

ان كان القصد ان الموضوع في غير قسمه " فهذا افضل قسم لاني اقصد به طلاب امريكا " ...

والا اراء للتحذير اي داعي ..

عموما ... ان كان هنا مايستدعي الحذف لكم ذلك ... ولكم احترامي ولكل من تواجد هنا ..... والله العالم وراء المقصد

[QUOTE=ساطي كرار;2871832][/CENTER]
هههههههههههههههههههههههههههههههههههههههههههههههههه ههههههههههههههه
الله يقطع شيطانك انا احسب بتقول عندنا مصانع سيارات زي اللي بدبي ولا بتقول اقتصادنا صار اقوى من الكويت (اثرك متمسك بالتوقيييت ) صح الاجانب مابيحسدوا الاقتصاد القوي للكويت
ولا راح يحسدوا التقدم الهائل لدبي (فهم شغلهم الشاغل التوقييت مع مييييين الله يرج ابليسك)

والله اذا انحذف موضوع ثري زي كذا وطرح محترم من الجميع حتى وان كان هناك خلاف فهذا شي مؤسف

اول مره ادري الكويت اقوى اقتصاد بالعالم ( فيه فرق بين الدخل والاقتصاد )ورب النعمه (عندهم ناس داقهم الفقر والديون اكثر من اللي هنا ) ياحرام اجل راحت فيها امريكا وبريطانيا واليابان وغيرها
انت تبي تقول اعلى دخل في العالم وهذي ترى قطر ولكسمبورغ والسويد والامارات وغيرها اقوى مداخيل افراد من الكويت
اما وانا خوك الامارات تعطي 750 الف درهم للي يتزوج مع احترامي لك اللي قال لك ماصدق انا اعرف الامارات اكثر من السعودية ونصف الشعب الحين يطق مشوار عشان يعبي بنزين سياراته من منفذ البطحاء ولاتجي حتى نسبة 3% من هذا المبلغ اما الامور الثانية لاتحكم على شعب كامل بالتعميم لان كلامك هذا يعني حين تنسرق محفظتي في مصر ( شعب مصر حرامي ) او تكسر سيارتي في دمشق واروح استلمها من الشرطة ( سوريا حرامية ومرتشين ) وحين احاسب بالبطاقة هنا في امريكا واكتشف انه اضاف مبلغ زايد عن الفاتورة( اقول الامريكان غشاشين وحرامية )
لغة التعميم ( لغة ...)

طيب الراجال الامريكي قال شوية ايجابيات حلوه ليه مركزين على السلبيات

خلينا نتكلم عن السلبيات مت دام انه الموضوع كذا
جميع ما ذكره الامريكي أمور تتعلق بالمادية ... انا اقولك صح انه من السهل انه ينضحك علينا وخاصة في الامور المادية ... لكن باين على خويك انه كاااش او على الاقل مرتاح بزيادة ماديا ... كيف واحد يدفع في سيارة 30 الف دولار ويصرف بالشهر اكثر ما تصرفه العائله
يعني مالها دخل في الغباء الاجتماعي

بالنسبة لسكنه مع عائله لو كان بسؤال بسيط للياباني عن السعر كان عرف ... بس مشكلتنا ما نهتم ... اذا ارتحنا في مكان حتى لو وصل الاجار الى 1500 واقفنا ... بس لو انا محله ودريت انه فيه فرق كان ... عطيت الامريكي خبر يا انه ينزلي السعر زي الياباني وإلا بطلع ... لكن مشكلتنا نقول ياشخ اشتري راحتك وباقي تنقل وباقي ووووووو

ممكن اقول اننا ما نحسن التصرف افضل من كلمة غبي اجتماعيا

اخــواني ..
اشكركم جميعا على مشاركتكم ومداخلتكم ..
ولكن للاســف خرج الموضوع عــن مراده ..

مــاكنت اريده هنــا هو " ان نتناقش لنعرف ماهي اخطائنــا التي قد لا نلاحظها ويلاحظها غيرنــا ... تعطيني ماتراه واعطيك ماراه ليخرج القاري بشي يفيده ويغيره باتجاه إيجابي " ..

ولكن للاسف خرج النقاش كــ العاده " البعض اتهم الاخر في وطنيته - البعض دخل في اقتصاد الدول - البعض واجه الاخر مواجهه شخصية وابتعد عن الموضوع " ....

لا اتمنى ان يتضايق مني اي شخص ولكن فعلا مازلنــا نفتقد ابجديات الحوار ..
مازلنــا تحت مظلة ان لم تكن معي فانت ضدي .

" الا تعلم اخي انك ترى بعين وغيرك يرى بعين وجميع الوجهات تجتمع لتعطي غيرك مايراه هو الانسب ؟ فلمــاذا تريد ابداء وجهة نظرك وتحرم الاخرين من ذلك ؟ لماذا تعتقد انك الصواب وغيرك الخطاء " ..

عموما ... راسلت الإدارة لسبب التحذير ... وللاسف عندما راجعت الردود وجدت ان بعض الردود خرجت عن حدود الموضوع ... والا يحق لنا ان نطلب من المشرف يصفي المواضيع من الاخطاء التي للاسف تصدر من طلاب اغلبهم دراسات عليــا " ...




اخيرا :
" من جد اخواني .... تقبلوا وجهات النظر .... خذوا ماتريدون ... واتركوا ماتريدون ..... ولكن لاتمنعوا الاخر من التعبير .... والا تجرحوا الاخر نتاج كلمة هو قائلها لم تنال رضاك " ..


احترامي ومحبتي لكم ..

واكرر لكم عظيم الشكر وفائق التقدير ..

لم اود ان ارجع للموضوع ولا كان بودي اني اعلق بصراحه بس استفزني الدفاع الكثير عن الاجانب بالسعوديه

للاسف بعض السعوديين يذكرون مساؤونا على الاجنبي . ولايذكرون مساؤوهم علينا وتسلطهم!.. مع علمي بأن الموضوع انحرف عن مساره

لكن حبيت الرد لان جاني الضيم من الاجانب.. وخصوصا العرب الجرب لان كنت شغالب بشركه وارى التسلط منهم والمراقبه وتصيد الاخطاء علي وكلهم بدون استثناء مصري& شامي
لا اريد اسبب فتن ولا قصدي اهيض الامور لكن من قهري.. تخيل اشتغل واعمل بـ 2500 والراتب هذه مايأثر على الاجانب في الشركه اللي توصل رواتبهم 30 الف ومع ذلك اجد تسلط منهم! لا اعلم هل راتبي الضعيف راح يأثر عليهم أو يزيدون الاجانب بالشركه ويطردوني!

اتمنى زي ماتذكرون اننا ساطين وعابثين بالاجانب تذكروا مايفعلونه فينا.. للمعلوميه انا مبتعث ولاكان ودي بالابتعاث نفسي بالوظيفة .. لان امي وابوي فيهم امراض الدنيا من سكر وضغط وكل شي ومحتاجين احد جنبهم ويساعدهم ويوديهم المستشفى! حسبنا الله على من يزاحمنا بارزاقنا

وشكرا

الموضوع بطبع .. لا يستحق الحذف

المشكله ان الاعضاء الرافضين قول الامريكي انا السعودي غبي اجتماعيا .. اكدو صدقه بردودهم
الى متى يصعب علينا الاعتراف بأخطائنا
الى متى لا نستطيع مواجهة اخطائنا ومحاولة اصلاحها
الاعتراف بالخطأ اول خطوه للاصلاح ..
نعم واقولها باعلى صوتي .. نحن شعب ثلاث ارباع منه يستحقر العماله ..
وهم يحقدون يحسدون .. ليس من باب حسد النعمه فقط بل من باب "السعودي لا يستحق النعمه التي ينعم بها "
ونحن كان لنا السبب الرئيسي لحقدهم .. هم يكرهونا بالاصح ثلاث ارباع الشعب مكروه
والذي يخالفني / يذهب الى اقرب محطه وياخذ معه برادي شاي بعز الظهر .. ويشاهد مايفعله اغلب السعوديين
السعوديين .. يتعاملون مع الجميع بتعالي كأنهم شعب الله المختار / حتى بسفرهم لا يسلم احد منهم
كيف تريدونهم يحترمو السعوديين .. وهم كاشفي عرضهم ؟؟ فكل من سافر تزوج سياحي او علاقه غير شرعيه ومن بار لاخر
لا تقول لا ... فهذا الامر رايته بعيني .. في سفراتي لم يقل احد لي
وهم ايضا .. اصبحو يتعالون على كل سعودي يعمل ويكون احدهم مشرف عليه ... << وهذا مر به ابن عمي وكان المشرف مصري وترك العمل بسببه
.......

اتركو الاجانب اصلحو نفسكم بالاول ...

1- ومن لا يصدق خدامات سعوديات " قبل سنه وعليها فتح مكتب بقطر واغلقته امير من الاسره المالكه نسيت اسمها "
والان وزارة العمل .. تفتح باب لكل سعوديه اجبرتها الظروف ان تعمل خادمه . تحت مسمى" مدبرة منزل " . بشروط احداها عدم المبيت ..

في ناس تدور اللقمه ماتشوفها كيف بتاكلها ؟؟
2- صاحبه لي عزيزه علي ذبحتها احرجتها وانا مادري قبل ثلاث سنين
راحت عليها درجة البحث / قتلها فكرة الكنكت وانه 100 بشهر مو الف
قالت ومن وين لي الميه .. اذ بيعطيني ابوي واخواني كيف بيعطيهم ..
قلت ميه مو الف ؟؟ كرهت نفسي
صاحبتي سعوديه اب عن جد / مكافأتها تعطيها ابوها عشان يا كلون

3- يبدو ان الاخوان نسو ماحصل بكارثة جده !!
4- على شنو ننحسد .. على التعليم العالي ببلدنا ؟؟
روح لاي مدرسه بالثانوي اسالهم جدول الضرب من 100 طالب بيجاوبك 2 بس
اذ طالبه بصف الثاني متوسط .. اسالها استخرجي الفاعل تستخرج الفعل ؟؟
كيف تجاوزت رابع وخامس ؟؟
الشعب امي للاسف .. وللحين ماشفنا جيل التقويم
والمدارس الخاصه تجبر المدرسه ع تلخيص لطالبات
اذ اسال قريبي ايش اخذت للحين .. " يقلي والله مادري المصري يبربر مادري ايش يقول !!!
الاملاء غلط .. اذ عضو مبتعث من برنامج خادم الحرمين .. يكتب هاذا = هذا / لاكن = لكن

الامريكي غبي لانه متوقع مستقبل


انا لا اعمم التعميم لغة .... <

الى اني ارجو الصحوه القريبه

الحقيقه توجع .. لكن تقبلوها اذ تحبون الوطن بصدق