افكار تأتــيني تـطالبـني بألـغاء بعثـتي....

اقرا صحيفه عاجل يوم الاحد عن الشاب اللي حصل ع ماستر بتقدير ممتاز تربيه خاصه من امريكا و10 جامعات لم تقبله ..؟

انا مااقولك لاتكمل هذا شي ربي رح يهديك اليه ويكتب لك مافيه الخير والخيره

بالنهــايــة







(((حيــاتنا واسطــات ...)))

تكوين المستقبل موسهل ومحد مرتاح واذا ماعندك هدف قدامك ارجع ديرتك عند اهلك وانبسط وابسطهم
ثاني شي الله يهديك مااسمهم الكفار
اسمهم المسيح او المشركين
وترا شعبهم كلو يكرة الحكومة وموعاجبهم الحروب والبلاوي الي بتصير

جزاك الله خير نقطه مهمه

الله يوفقك وكلمات كلها حكمه وخير

ماشاء الله عليك
الله يوفقك ومثلك يستاهل كل خير
احييك على الطموح .....

ههههه الصراحه جيت على الجرح البرزنتيشن يسبب قلق خصوصا اذا كان في بداية الدراسة لكن البرزنتيشن مقدور عليه بس المشكله في أسئلة الداكاتره بعد ماتخلص ، وماتدري من وين تحلها صعوبة الاسئله ومشكلة اللغه..
لكن صدقني حتى الأمريكان يواجهون نفس المشكله والله اذكرهم شوي ويبكون قبل موعد البرزنتيشن يعني مو بس أنا وانت ولا الطلاب السعوديين فقط..

وبالتوفيق*

احس شيطاني وشيطانك يقربون لبعض ههههههههههههههههه نفس تفكيري

اخوي ..
افكار الإنسان تتغير تبعا لظروفه النفسيه ..

بالسعودية ودك تبقى مع اهلك وتتزاحم عليك هالافكار ...
لكن العن الشيطان وانت مثلك مثل عشرات الالاف من الطلاب المسلمين هنا اتينا لاخذ علم نخدم به ديننا ..

جميعنا لا نعلم ماهو وضعنا بعد العودة للوطن ولكن نسال الله ان يكتب لنـــا الخيرة ..

ليه ماتاخذها من الجانب الثاني ...انك ترجع أمريكا تكمل دراستك وتشوف فرص مناسبه للتجاره الخفيفه ( ماتحطك بمشاكل مع الهجره ) توسع خبرتك وتقبض راتب توفر منه متطلباتك الخاصه بدون مساعدات من الوالد والاهل ..ومنها اذا سمحت لك ظروفك تجمع لك راس مال مشروع بسيط

واذا انت شاطر في مجال معين اخدم الامريكان وخذ عليهم مقابل ...

توكل على الله وعزم والارض كلها فرص ..ماوقفت على السعوديه ولا أمريكا ..شد همتك واستفد من كل وقت وان شالله ماترجع ديرتك الا وعندك مشروع قايم ...

ممكن تقعد هنا وتستفيد ..وممكن تقعد هناك و تستفيد من الشهادة وتستغل فرص ماهي متاحه بالسعودية ..

خذها تحدي وتوكل على الله ...وتأكد رزقك محد بياخذه غيرك

اخوي شف البنات مو احسن منك خلك افضل منهم ونعم فيهم يحمسون للدراسة لاقالو امي ولابي ولا اهلي صحيح يعانون لوكن لو اي وحدة مكانهم راح تقول ليش اتعب نفسي وخصوص المتزوجات راح تقول الرجال هو المسؤل عن المصروف


وانا مالي شغل يدبر نفسة ولكن ما اكتفو انو احد يصرف عليهم فوق كذا يجون ومعهم ازواجهم وعيالهم ويمكن ماشاء الله البيت كلة ويدرسون ويتعلمون ويتحدون الحياة

صدقني كل ماضاقة عليك تذكرهم راح تزيد همتك شوف العوائل بالاخير رجعو يدرسون هم وعيالهم ليش انت ماتقضي الموضوع من الحين ليش انت ناوي تزوج وتستقر وبعدين ترجع تذكر الدراسة وتشيل عيالك وتدرس وبدال امسؤلية تكون مسؤليتين

وتتبهذل صحيح من الناحية النفسية ويكون عمرك من جد كبير ويكون بذالك الوقت يبيلك فترة عشان مخك يشتغل بعد سنين من التعطل

الله يهديك فرصة بيدك الالف الشباب يتمنهوها وايضا العوائل وبعدين لو رجعت للسعودية وش راح تسوي اذا انت تقول شركة في حالة انك تخرجت من امريكا اجل طيب وش بعد الشركة وانت بالبكريوس ناوي تشتغل بالثانوية وش استفدات

طيب اشتغلت موظف حكومي صدقني راح تشوف مديرك افضل وخصوص النوع الي زيك عندة طموح وراح تقدم على بعثة ويمكن تطلع ويمكن لا

ما اقول الا مالك بالطويلة تراني قابلت واحد بالفندق يمكن عمرة 34 سنة وجاي يكمل بكالوريوس المهم محد ياخذ بالدنيا غير نصيبة وزرقاك الي مكتوب لك صدقني محفوظ ولا تستعجل علية جاي لك ولو طال الزمن محد ياخذ رزق غيرة

وانت اسع والله راح يوفقاك