تقرير موضوع جداً جداًرائع (( افــضـل البنـوك في امريكـا ))

July 13th, 2011, 10:56 AM

صباح الخير والاحساس والطيبه


الموضوع هذا للمبتعثين بأمريكا .. والي بيبتعثون لأمريكا وهم الفئه الأهم عندي

طيب خلونا نجي نتفلسف بمجال البنوك شوي ...

تقريبا جربت عدت بنوك منها العالميه فيها ومنها السياحيه عندهم ..

هناك عدة عوامل كثيره لازم تحددها علشان تختار بنكك .. مثل كثرة فروعه وكثرة صرافاته وحسن خدماته ..
يعني مو زي هنا بالسعوديه اي بنك تمسك معك تجي تفتح حساب ..
هناك لا ..

لو تتخذ قرار خاطيء راح تخسر ماديا
طبعا السبب انه لو اخترت بنك وصرافاته قليله او معدومه .. كلما استخدمت صراف بنك غير بنكك راح تتغرم fee تتراوح من 2 $ الى احيانا 4$ وبالمحطات احيانا 7$

مو زينا بالسعوديه بنكك سامبا وتروح تسحب من صراف الرياض عادي ...

هناك لا ... واكرر اي سحبه من غير بنكك راح تكلف غرامه ..

علشان كذا لازم نكون حذرين جدا بأختيارنا للبنك ولا ابالغ اذا قلنا لازم نتقصى عن البنك زين ..

طيب راح اريحكم شوي من التقصي واذكر لكم تجاربي .. لأني تنقلت في اعضم ولاية امريكا شمالها وجنوبها وشرقها وغربها ...

التقييم هذي حسب تجربتي طبعا وحسب عدة عوامل راح تقرونها عن البنك ,,,


بالمركز الأول ...

بنك اسمه wellsfargo



طبعا السبب في اختيار هذا البنك ان فروعه متوفره في كل محل ...تقريبا في الولايات المتحده
السبب الأقوى والأحلى انه اندمج مع بنك قوي وجبار اسمه wochovia ب
معنى اسهل لكم مستخدمين بنك walles fargo يسقدرون يستخدمون بالأضافه الى صرافاتهم وفروع بنكهم .. يقدرون يستخدمون صرافات وبنوك wochovia بعد

يعني تخيلوا عدد فروع هذا البنك الي هو wells fargo حسب اخر احصائيه ل2010 في ويكبيديا هي 3,327 banking branches (فرع للبنك )
و 12,000 automated teller machines (مكينة صراف )



فما بالك يوم اندمج مع wochovia وش تتوقع يصير


الخلاصه .. اذا انت لك حساب في walles fago لك فرصه تسحب في صرافات او تراجع في فروع بنك wochovia والعكس للبنكين .. يعني ماراح تنقطع ابد ابد تقريبا


لكن طبعا whocovia مايفتحون حسابات الحين لأنهم هم الي اندمجوا مع walles fargo يعني صار لهم الأم


طبعا قبل ماتقررون على هالبنك وتبون تتأكدون لازم لازم لازم تدخلون هالصفحه( صفحة البنك ) وتسوون بحث وتشوفون موجود فرع ل walles fagro او wachovia لأن كلها مكمله لبعض
https://www.wellsfargo.com/locator/

خلاصة تجربه / تجربتي مع هذا البنك ممتازه ...والي ريحني فروعهم واجد

لكن خلهم يرفعون حد السحب لك الى فوق 500 $
لأن خطأي ماشيكت وطلعت حد بطاقتي سخبها اليومي فقط 200$

وكذا خلصنا من اول نصيحه ...

ـــــــــــــــــــــــــــ



البنك الثاني / JPMorgan Chase او مايعرف بأمريكا بأسم CHASE



طبعا هذا البنك JPMorgan Chase has over 5000 branches يعني بالعربي عنده فوق ال 5000 فرع في امريكا
كعدد صرافات ماقدرت ابحث معلومه عنها بالظبط علشان اكون صادق معكم ...
بنك ممتاز صراحه وفروعه وصرافاته مزوده بأحسن تقنيات التكنلوجيا يعني مثلا تقدر تصور شيك وتودعه لهم عن طريق SCAN يالايفون ... غير برنامجه بالايفون البطل


طبعا هذا البنك اندمج او تزاوج باللغه البنكيه مع بنك JPMorgan يعني عطاه قوه زي البنك الي قبله ممايعطيه قوه وكثافه في تعاملاته البنكيه

وطبعا قبل ماتقرر لاتنسى تمر الصفحه علشان تتأكد هل هو في منطقتك او لا .. بس دخل ZIP CODE لمدينتك طبعا وحط بحث

https://locator.chase.com/


تجربتي لهذا البنك /// ممتازه ومريحه

ــــــــــــــــــــــــــــــ




البنك الثالث Bank of America



اوووووووووووووووووه كلنا نعرف هذا البنك او كلنا سمع به قبل مايدخل حتى امريكا ..لكن الحقيقه المره ما اعجبني ولا اعجب الي حولي

عليك وعلى الراجحي بأمريكا ... زحمه بفروعهم ... و تعاملهم مقرف...ابد ما ابالغ اذا قلت لك مثل الراجحي عندنا بالظبط .. كثير لكن مع كثرته بركته قليله

طيب .. نجي نتكلم عن هالبنك ..


Bank of America has more than 6000 branches and 17000 ATMs across the United States of America

يعني عنده اكثر من 6000 فرع بأمريكا ومايقارب 17الف صراف بولايات امريكا

طبعا بالحقيقه ... انا حطيته الثالث لأن تعاملهم كان سيء معي وعادة اجلس بالفرع نص ساعه علشان اخلص موضوع لي عندهم + وقت طويل باللاين علشان اذا بغيت اودع !!

بصراحه ... البنك فروعه كثيره والله ماعدى جنوب امريكا .. زي ولاية الاباما ماشفت فيها فرع له بصراحه ..



كتجربه له / سيئه ولا انصح فيه ... وليس فقط تجربتي .. بل تجربة كثير من الزملاء حولوا وابعدوا عنه ..


طبعا اذا بغيت تقرر على هالبنك مع اني ما انصحك خش على الصفحه هذي وشف وش وضعه هل هو عندك او قريب عنك

http://locators.bankofamerica.com/lo...catorAction.do

ـــــــــــــــــــــــ

البنك الرابع citybank

ياعيني بنك عالمي لكن لم اجربه للأمانه في اغلب دول العالم
لكن الي يهمنا عن امريكا هنا صح

حسب صفحة البنك عدد صرافات البنك في امريكا اكثر من 3200 ATMs
وعدد فروعه over 1000 Citibank branches

قبل ماتقرر مره هالصفحه

https://locations.citibank.com/citibankV2/Index.aspx

كتجربه للبنك / بصراحه ماجربته لكن سمعته سابقته بصراحه

ــــــــــــــــــــــــــــــــــــــــــــــــــ ـ هدية الموضوووووووع ـــــــــــــــــــــــــــــــــــــــــــ

تبون تشوفون وش احسن شي بولايتكم بالأحصائيات وبسهوله

خشوفوا هالخريطه وريحوا نفسكم



ومفاتيح الخريطه هي /

Bank of America

CitiBank

JPMorgan Chase

Wells Fargo

OTHER ,,, بنوك اخرى محليه (سياحيه) وتكون خاصه بالولايه يعني ماتلقاها بولايه اخرى

شوفوا الخريطه بشكل اكبر وادق على هالموقع

http://www.bankinnovation.net/profil...p-2010-bank-of

طبعا الي حس ان اختياره سيئ لبنكه لايظيق صدره .. صح فيه تعب بس يقدر يغير انه يراجع البنك ويسحب كل رصيده ويعطون 3 ايام مايستخدم البطاقه عادة وبعدها يقفل حسابه
ـــــــــــ
للأمنــــــه / المــوضوع منــــــــــــــــقول ولكـني اوافق صاحب الموضوع في جميع ماطرحه لإني كُنت بأمريكا ولحظت الشيء هذا لكن فيه نقطه احب
اوضحها للجميع خصوصاً الطلبه المستجدين نصيحـه لك اول ماتوصل مدينتكـ لآ تستعجل وتفتح لك حساب في اي بنكـ اول شيء تسـويه
اسأل اهل الخبره من شباب السعوديين والأجانب عن اكثر بنك لـه فروع في مدينتك عشان تحصل الصرافات في اي مكان تبغاه ولا تظطر انك تحط بطاقتك في صرافـه بنك اخرى ويغرمونك دولارات انت بأمس الحاجه لها انا صار لي موقف وراح اذكره لكم طبعاً اول ماوصلت مدينه الدراسه رحت على طول من ثاني يوم وفتحت حساب في بنك اول مره اسمع فيه هــهـــهـــهاي عقدني هالبنك وتعبني في كل شيء في الانتظار وفي صرف الفلوس وفي فروعه الي فقط فرعين في المدينه وعلى ماضن في امريكا كلها !!
لكن للآمنه يوم نقلت الى مدينه ثانيه وتجولت في امريكا لحـظت انـه بنكـ CHASE هو اكثر بنـك احصل له فــروع في كل مدينـه او قريه ازورها وغير كذا جداً جداً جداً
متساهلين وطيبين في التعامل ويخدمونك على طول وتعاملهم جداً راقي دائما مبتسمين بشوشين وهذا شيء لاحظت بكذا مدينه مو في فرع واحد ويخدمووونك
ويوفرون لك مترجم اذا تحتاج سوا عن طريق التلفون او الفرع نفسه انا وقفت حسابي في بنك CHASE من الرياض !!
كلمت البنك وطلبت منهم مترجم وفروا لي مترجم وترجم لي كل شيء ابيـه عموماً
خلاصت الموضوع اذا جيت تبي تفتح حساب في اي بنك شوف له كم فرع في مدينتك بعدين توكل على الله وفتح فيه حساب
بالنهايه //

اتمنى بأن تدعوا لي بأن فيـزتي تصدر في اقرب وقت ولآ تنسوا الدعاء لصاحب الموضوع
وشكراً لكم

• نشر عبر تويتر
• نشر عبر فيسبوك
• نشر عبر جوجل