د.محمد العيسى في اول حوار صحفي له منذ توليه مهامه:هناك تقصير من بعض المبتعثون

يعطيك العافية اخوي محمد , والرجل عليه مسؤوليات كبيرة وتحديات اكبر , ونتمناله

التوفيق في مهمته القادمة , لكم منا وافر المحبة......

الله يعافيك ونورت الموضوع بمرورك

لعل سوسة المؤسسات الحكومية التي تنخر في اي مؤسسة هيا عدم وجود أي رقابة ذاتية على منسوبيها مما يجعلها بعد مرور الوقت مؤسسة فاسدة...
لاحظة ان الدكتور جعل من أولوياته تطوير الملحقية وأنشاء أنظمة جديدة تساعد وتسهل وتسرع من إنهاء إجرائات الطلاب وهذا شيء حسن. ولكن نتمنا ان لا يغض النظر عن إختراقات منسوبي الملحقية انفسهم على النظام فقد سمعنا ما سمعنا ولا نريد ان يستمر هذها لأمر, فمراقبة الإتصالات لن تكون مجدية مالم يكون هناك لجنة رقابية تقوم بمراقبة كل مخترق للقانون ومهدر للمال العام...

مشكور أبو رعد على نقل الخبر الحصري وبداية قوية لمجلة مغترب ,,, تمنياتي لكم التوفيق

مشكورين جميعا على المرور

نسأل الله التوفيق للرجل و ان يعينه على مهمته اللي بالـتأكيد ليست بالسهلة و تحتاج لجهد كبير و تعاون من بين جميع الاطراف بما فيهم الطالب المبتعث ...

والله انا اشوف انه ماشي صح زيارتي للملحقيه لها انطباع خاص في كل مره مع اني ازورها تقريبا اسبوعيا كل اسبوع حاجات جديده ظهرت على ارض الواقع الرجال مسوي شغل جامد والله يوفقه

طيب سؤال محيرني
ليش الواحد عشان يخلص اموره لاااااااااااااااااااااازم ينجبر يروح الملحقيه عشان يخلص اموره!!!!!

قالولنا في الملحقيه لا تجوننا الا للامووور الهااامه فقط او اذا الواحد خلااااص حس انه بيموت!!!!!!

اذكر قالو استخدمو كل الوسائل 1 بريد الكتروني
2 اتصال هاتفي
3 فاكس
طبعا كل واحد و يكون اتصاله مع المشرف حقه.
بس اهم شي لاااااااااااااااااااااااااااااااا تجووووووووووووووون!!
طيب اذا هم مايردون على مكالماتنا,,ولا يردون على ايميلاتنا,,ولا على فاكساتنا
ايش نسوي؟!!

انا واحد من الناس اللي قفلت اخلاقي اول ماجيت كان عندي مشاكل و ابي اي احد يسمع مني لو الفراش حق الملحقيه اذا كان عنهم فراش ,,لكن لا حياه لمن تنادي!!
الطريقه الوحيده اللي قدرت اكمهم لما اتصلت على مكتب الملحق نفسه و بعد التطنيش و انواااع التصريف من الكرتيره حقته اخير رد علي الملحق الله يجزاه خير لكن للاسف ما قدر الجهد اللي بذلته عشان اوصله قاطع كلامي وقالي انت واجهتك عندي المشرف حقك انا اكلمه الحين و اخليه يحل مشكلتك

طبعا اخيييييييرا قدرت اكلم المشرف حقي و حسيت ان عندي مشرف

موقف ثاني صار لي كنت اراسل المشرف على الايميل وكان طبعا مطنشني لمده اسبوع كاااااامل
والله كل يوم ارسل نفس الايميل
تدرون متى رد علي؟؟؟ لما ارسلت نسخه من الايميل له ولقسم الشكاوي!!!!


طيب سؤال بريئ؟ ليه كذا؟

هذولا اللي خايفين علينا؟ هذولا اللي حنا امانه في رقبتهم؟
والله اعرف واحد له لحد الان شهر و اكثر والى اليوم ما نزلت له مكافأه مع انه له شهر بس جاي من السعوديه!!!!!

بصراحه شي يحز بالخاطر,, قهر اكبر ملحقيه سعوديه في العالم ووين؟!! في امريكا
و بهذا السوء صراحه شي يقهر,, اناا عن نفسي لي معامله لها شهر والى الان مادري حتى وش صار عليها؟؟؟

طيب هذولا الناس المساكين اللي ما يقدرون يروحون كل شوي يمين ويسار ولا عندهم مواصلات او اماكنهم بعيده من الملحقيه,, وش ذنبهم اذا كانت حالتهم كذا,, والله الكل يقول اي شي تبيه روح لهم و يخلصونه لك في نفس اليوم .. والكلام هذا صحيييييييييييح وانا تاكدت منه

معي ناس في نفس الولايه و غيرهم الكثير والله مرات تكون شغلاتهم تاااااااااااااااااااااااااافهه
و لما يروحون الملحقيه يحطونهم فوق راسهم,,
طيب من البدايه ليببببببببببببببش؟؟؟؟َ!!!

واحد يقولي موقف راح هو مع زوجته الملحقيه لما عرف مكتب المشرفه حقته راح مكتبها ودق عليها,, يحلف يقول والله العظيم اشوفها قدام عيني تشوف الكاشف حق الارقام و تطنش ولا ترد و ترجع للكمبيوتر حقها تشيك على النت,,, بالله شي يقهر والا لا,,
هذي امااااااااانه المفروووض يكووونون قدها

اسف على الطواله بس اللي ودي اقوله ان الملحق جالس يسوي اللي يقدر عليه و يحاول انه يحسن قد ما يقدر و الفتره اللي مسك فيها المنصب الى الان قليله
لكن للاسف في ناس تحته يخربووون عليه و بقوه,,
الله يوفقه لما فيه خير لنا لجميع المبتعثين و عساه على القوه,,