بالله يا جماعه وش رأيكم في معلمة أمريكية قالت لي ....

السلام عليكم ورحمة الله وبركاته
الاخ الفاضل ... إبراهيم
ردك من رايي بان فيه نوع من الانفعالية فلقد بان من ردك بانك غضبت
ولنفرض بانها كانت تعتقد ذلك وان هذا الاعتقاد السائد عند اغلب الامريكيين فمن واجبنا ان
نبين الصورة الحقيقية لبلادنا واننا لسنا مصدرين نفط فقط وليس لدينا معرفة بالامور الاخرى او ان بلادنا مجرد صحراء قاحلة
فكان الاجدر بك ان تناقشها بحديث العقل والمنطق وتسألها لماذا سألت هكذا سؤال وهل هي تعتقد حقا" بما تقوله وماهي خلفيتها الثقافية بالنسبة للملكة العربية السعودية
وكم هو جميل لو قلت لها بانك سوف تريها بعض الصور للملكة ومافيها من تطور عمراني هائل وطبيعة جميلة وتراث نعتز به
ولايأخذ منك الاندفاع والغضب كل هذا المأخذ وليكن قدوتك دوما" حبيبنا وسيدنا محمد بن عبد الله علية افضل الصلاة والتسليم حيث وصانا بـ " لاتغضب "
لاسيما انها تحترمك وتحترم جميع الجنسيات فلا اعتقد انها قصدت الاهانه بقدر ماكان سؤالها تأكيد لصورة عالقة في ذهنها وكثير غيرها
أعتذر على الاطاله ...

وفقك الله وبارك فيك ونفع بك وبعلمك ...،،،

عزيزي ردك شوي هجومي

يعني ماعندنا مواصلات وسيارات احس مالها داعي

لان احنى عندنا سياره صناعه سعوديه على يد مهندسيين سعوديين وجاري صناعة العديد منها (اسمها اصيله=ابحث عنها بقوقل)

وبالنسبه للباصات عندنا باصات ابو ريالين بس قول احنى مانستخدمها

تقبل تحيتي

هلا أخواني

حبيت أقول لكم موقف صار لي اليوم وأسمع رأيكم ^_^

كنا في المحاضرة اليوم ونتكلم عن الحر والبرد و فصول السنه!! المهم هي عارفه بأني أنا جيت لأمريكا في شهر 2011/1 يعني قبل 6 شهور... يعني أنا أول ماجيت كانت الدنيا ثلوج وبشكل هائل جداً .. المهم سألتني وقالت: هل كنت منصدم أول ما جيت لأمريكا من الثلوج .. قلت لها (لأ) لأني مُطلع على أحوال الطقس بأمريكا وكنت عارف بأن ولاية إلينوي من أكثر الولايات بتساقط الثلوج .. ثم قالت: هل عندكم في السعودية ثلوج .. قلت: لأ .. بعدين قالت كم درجة الحرارة بهالأيام بالسعودية .. قلت لها: في المدينه اللي أنا كنت ساكن فيها (الرياض) درجة الحرارة حالياً ما بين 47 الى 51 .. قالت: واااو حررر ... ثم سألتني سؤال رفع ضغطي وقالت: عندكم أشجار هناك؟ قلت لها: إيه عندنا ... بعدين قالت: أشجار كثير أو شوي .. (المهم حسيت بأني جاي من كوكب آخر) ثم قلت الأشجار قليلة جداً .. بعدين قلت: إحنا عايشن في صحراء وعشان كذا يسمونا "السباع" .. ابتسمت وقالت: إنت تمزح .. قلت: لا, ما أمزح وما عندنا سيارات و لا مواصلات نقل , إحنا فقط أقوى دولة مصّدره للنفط ...

على فكرة: هي تحترمني إحترام كبير جدا وتحترم الناس بكل أجناسهم

بس يا جماعه, هل تشوفون بأن ردي كان هجومي؟ أو عادي؟

تحياتي لمن يقرأ الآن

ردك كان متخلف جدا
لازم تقبل حقيقة ان بلدك مجهول للغير

و عاداتك يشوفها اغرب من الخيال

زي مهم حياتهم اغرب من الخيال بالنسبة لنا

اللي مقرب الصورة لنا

انه فيه عندهم اعلام قوي قدر ان يؤقلمك مع العادات و المجتمع الامريكي
حتى قبل وصولك لامريكا بسنين

عشان كدا لما احد يسألك حاول توضح له طريقة العيش
خليه يكون عنده تصور عام عن المكان
و هو يحاول يحكم عليه بنفسه

مو تحاول تعطيه اوهام و انطباعات كاذبة

تحياتي

الله يعطيك العافيه

فعلاً .. كلامك صحيح

ولكن أنا بنهاية كلامي قلت لها: إحنا فقط أقوى دولة مصّدره للنفط ,, "واللبيب بالإشارة يفهم" يعني هي المفروض تفهم ...

وعلى فكرة: أنا كنت أكلمها بصوت هادئ وكنت مبتسم معها على طول