رحت لهم وقالو ماراح يقبلونك ... وش الحل ؟

أذكر هناك جامعه في ولاية واشنطن سياتل ،، تقبل المعدلات المنخفضه ،، لا أعرفها بالتحديد لكن أعرف انها في مدينة سياتل بولاية واشنطن ،،

طيب انا ابي اضمن المكاتب فالرياض الي تجيب لي قبول هل فيه مكاتب اظمن من خلالها انه يجيني قبول على معدلي ذا ولا لا

جرب مكتب ناجب بالرياض شارع ابن سينا المكتب جيد
ولو تعامل مع معاهد وجامعات كثير وانت جرب وماتخسر شي
اما بالنسبه لكلام اخوي بلوتو اسماء الجامعات في سياتل
جامعة واشنطن
جامعة سياتل
جامعة سياتل بيسيفك
والله الموفق
تحياتي

السلام عليكم ..

اخوي انا بحثت في المنتدى ولقيت احد العضاء جزاه الله خير وضع بعض الجامعات التي تقبل المعدلات المنخفضه...
وهي ...


روح للمكتب وقوله انك تبغى وحده من هالجامعات وخليه يراسلك ....وان شاء الله خير.....بالتوووفيق

التخصص اللي طلبته من المكاتب وشو ؟ كان التخصص اداري فكل المكاتب تقريبا تقدر تجيب لك لان التخصصات الادارية موجودة تقريبا في كل الجامعات الامريكية ... عندي لك رجال يجيب قبولات ومايقصر ان شاء الله تعاملت معه شخصيا , ان بغيت رقمه كلمني على الخاص .

السلام عليكم

الحل يا عزيزي كالتالي

( و هو من وجهة نظري فقط)


تجيب قبول معهد و قبول مشروط لبرنامج ماجستير

القبول المشروط غير ملزم للجامعة, لكن الملحقية تنظر فيه من اجل الحاقك بالبعثة

بعد ان تلحق بالبعثة و تخلص لغة تحاول تعيد بعض المواد الدراسية
كمان تحاول تختبر اختبارات القبول المطلوبة و تجيب دراجات عالية من أجل رفع قدرتك التنافسية مع المتقدمين الأخرين

في أسواء الأحوال راح تقضي مدة دراسة اللغة على حساب الحكومة ( و هي كافيه لإجادة اللغة)
و اللغة الإنجليزية تعتبر مهارة جيدة
و مكسب حقيقي لك

في الأخير نصيحة أخوي

( معدلك جدا منخفض, إذا لم تكن نظرتك و إقبالك على العلم قد تغيرا, ففرص نجاحك في الدراسة ضئيلة جدا, خصوصا و إن الدراسة بلغة أجنبية قد تكون جديدة عليك, فلا تغامر بمستقبلك و سنين من عمرك من اجل أهداف شبه مستحيله. السفر لأمريكا كسياحة ليس مكلف كم يظن الكثيرين, في أسواء الأحوال قد تحصل على سكن مفروش لمدة شهر بما يعادل 7000 ريال إضافة إلى تذكرة سفر بحدود 8000 ريال. و الباقي معيشتك خلال الشهر و ممكن قيساها بمكافاة الطالب الوحداني 7000 ريال في شهر, فلا تخاطر بمستقبلك و حياتك المهنية من اجل السفر لأمريكا فقط )

^^^^^^^^^^^^^^^^^^^^^
يبو ماحبيتها منك اما سكن في الشهر ب ٧٠٠٠ الاف ريال والله لو بيرمت مع اوباما في البيت الابيض اتوقع اقل من هالمبلغ
والتذاكر بعد ب ٨٠٠٠ ريال انا ماخذ تذكره من جده لواشنطن ب ١٨٠٠ بس قبل موعدها بشهر ومن التذاكر المخفضه ومن واشنطن الى الولايه اللي يبيها راح يحصلها من ١٠٠٠ او اقل
والمعيشه ٧٠٠٠ ريال هذي المكافئه كلها ٧٠٠٠ ريال وتكفينا سكن واكل وتسوق كمان
طبعا كل هالكلام اللي كتبته موجه لاخواني الطفارى اللي مثلي لاكن اخونا جمال شكله من الطبقه المخمليه والفلوس تلعب ماشاء الله عليه
مو مهم
المهم اخوي في راسك دراسه اطلع ترا مافيها هجوله ولا شي وهذا احنا ملعن جدفنا نداوم من ٨ ونص الى ٥ وانت وحضك والمعهد اللي بتطيح فيه
طبعا انت حاول تحط في رسك مبلغ ١٠ الاف ريال شهريا يعني اكلك وسكنك ولبسك وحساب معهدك لين الله يفرجها وتلتحق + ٢٠٠ دولار سيكل جنط ٢٤
والله يوفقك
للمعلوميه انا في ميامي واشوف انها رخيصه والسيكل افرفر فيه الحاره كلها واحيانن اقلبها ترفيع وتلميع في هالسيكل الجميل << مجرد معلومه للي يقولون امريكا غاااااااليه مره مره وكانه بيطلعك على حسابه
وبالتوفيق اخوك رائد

ياصاحبي يا مندفع

سكن مؤقت حق إجازات ( زي نظام الشقق المفروشة)

حتى ما يصير لبس

عند الأخ اللي سأل و طلب المساعدة

شهر سياحة في امريكا يكلفك حدود 21000 ألف ريال ( تقديري الشخص)

مو معيشة شخص من الطبقة المخملية زي حالاتي

مجددا لا تغامر بمستقبلك فقط عشان تسافر امريكا

تراها ارخص مما يتوقع البعض بكثير
و زي ما ذكرت بالتفاصيل فوق ( 21 ألف تخليك تسيح هناك شهر)

والله اسف على التدخل القوي مانتبهت ان الموضوع يخص مكاتب الطيار
ياحبيبي انا لفيت الموضوع مرتين مالقيت احد يسال عن سياحة
بس اهنيك على كلمتك ((((شهر سياحة في امريكا يكلفك حدود 21000 ألف ريال ( تقديري الشخص)

المصدر: http://www.mbt3th.us/vb/forum8/threa...#ixzz1SQPHyK7y
حفاظاً على حقوق الكاتب نرجو عدم حذف المصدر مبتعث))))
والله حاسس من اول انك من الطبقة المخملية <<<< تصير صديقي *