مبروك الانظمام للبعثة :)

بمعني الكلام الي جنابك ناسخة .. ولا اضن انك قراتة ولا تسمع بشي اسمه استثناء ( و قلت لك انا مو ضد غير السعوديين لكن ليش يجوا يفتوا بمواقع سعودية ؟؟ )

على كلامك الي انت ناسخة يعني مافي احد انقبل في البعثة " من الدارسين على حسابة الخاص " بمعني ان الواحد يا يجي يدرس على حساب اهله طول وقتة او انه يرجع بعد 6 شهور .
و بما انه فيزتك ما صدرت ، بالتالي انت منبطح قدام الابتوب ، بالتالي ما تعرف وش بيصير في امريكا ، بالتالي ابعد شي رحت له عن طريق GOOGLE MAP .. فليش يا سيدي مطولها بتخبطات مأخوذه من " موقع الوزارة او موقع الملحقية " ؟

اذا اخطيت عليك اعتذر منك وتأسف
لكن نصيـحه لك لوجـه الله / لآ تفــتي بما ليس لك بـه علم لإن فيه ناس هنا تاخذ معلوماتك على محمل الجد انا هنا ماكذبتك لكني وضحت الي عندي من معلومات وقد يكون كلامك فعلاً صحيح

كلف على نفسك و اقراء شوي ..

...................

بعدين ياخي ما يصير زي كذا تقول لي هنا " كذاب " و بالخاص تقول لي يعطيك العافية !!

ي اخواني انا وكل اصحابي في المعهد وولد عمي في اوداهوكلنا انضمينا
انا جيت قبل ٥٠ يوم وقبل امس ارسلو لي الضمان المالي ؟

جــزاك الله خير والله يهديك ويصلحك

انا الي يضحكني فيكـ انك لاحسيت بأنك ماتملك جواب
تبدا تدخل الف موضوع بموضوع واحد ويبداء تركيزك يقل هــهــهــهــهاي لدرجه اني احس بأن اليوزر نيم حقك يدخلون فيه 20 واحد كل رد بإسلوب ثاني يعني لآزم
اقولك اني رحت اجدد فيزه ثانيه ! وبعدين وش دخل فيزتي بموضعنا
وش دخل عيال عمي والي يقربون لي بالموضوع هــهــهــهاي
وش دخل السعوديين والي ماهم سعوديين في الموضوع هــهــهــهاي
اخر رد لي على موضوعكـ والله يصلحكـ بس
(( واتمنى تسامحني وتعذرني على الردود واذا تبي امسحها والله لمسحها ))

الله يجزاك خير اخوي على الجهود الجباره
والله يكرم اخوك بالالتحاق
الى الامام اخي فاغلب مواضيعك لدي في المفضله

بسم الله ،،
مرحبا إياد وأتمنى تكون بأطيب حال ،، وأتمنى لأخوك الأنضمام وتفتكون من مصاريفه ،،
النقطه الأخرى من ناحية الإنضمام وما إلى ذلك ،،
هي إذا ماكان عندك واسطه أو امر اركاب او مكرمه ملكيه تعتمد على الحظ ،،
تصدق يا إياد أن فيه واحد ضعيف من ربعي بمتشقن له 4 شهور ما أنضم مع انه كل مده متصل على الملحقيه يستفسر ،، وانت خويك بشهرين ،،
اضف إلى ذلك ،، بعض الناس تنضم على حساب الحكومه وتكون عندها واسطه بس ماتخبر احد حتى اقرب الناس لها وتقول بالحظ ،،
يعني مسالة الإنضمام تجي بالحظ ،، يعني نصيحه للطلاب ألي حظه زين ومتعود على حظه يكون معه يجي امريكا عشان ينضم بسرعه loool

اخ اياد هل الجلسات التي تقوم بها الملحقيه لها مواعيد محدده سنويا ام انها عشوائيه ؟
وهل جميع الطلاب الدراسين على حسابهم الخاص يتحولو على البعثه بموجب هذه الجلسه او هناك استثنائات

بعيد عن الاشكال المتناقضة الي تقول لي بالخاص و تلعن بالعام ..

الف مبروك . و عقبال اعلى الشهادات

جزاك الله خير

هههههههه .. فعلا هي الشغله تعتمد على الحظ او خلينا نصيغها بشكل افضل .. " بتوفيق من الله " .. خليه يجرب الحل الي فوق بالموضوع و بإذن الله يجية الضمان المالي في اسرع وقت ، في الفتره الاخيرة حتي قبل لا يجي الضمان لصاحبي فيه ناس انضموا خلال الشهر الي راح .

شكرا لك

و الله يا اخي ماعندي خلفيه لاني انا نفسي ملخبط فيها .

لكن بمجرد ما تقدم اوراقك و يرسلوا لك رقم الملف على الايميل ، ادخل على هذا الرابط و حط رقم الهوية و شيك كل فتره :

http://app.mohe.gov.sa/newscholarships

و الاهم انك تشيك مع اصحابك الي دخلوا بنفس الوقت علشان لو فيهم واحد انظم للبعثة ( بدون واسطة ) تعرف انه فيه مكرمة او فيه الحاق للطلاب بالتالي تروح تزعج الملحقية الين تاخذ اوراقك

الدعوة فيها شيء من الحظ لاكن هذا لايمنع انك تبذل جهدك وتسوي المستحيل عشان يضمونك للبعثة
من واقع تجربة شخصية أنا كنت ادرس في بريطانيا على نهاية عام 2008 وعلى حظي أوقفو الأبتعاث نهائيا لتكدس الطلاب لكن مافقدت الامل فتحت ملف وانتظرت وبعد فترة لحقني ولد عمي وفتح ملف هو الاخر وبعد فترة والده الي هو عمي كل فترة وفترة يتصل يشوف التحقنا ولا لسة وبعد مدة سألنا موظف في الملحقية كان يعرفه واحد من الشباب قالنا طول ما ملفاتكم موجودة في الملحقية احلمو بالبعثة قلنا ليش قال لازم الوزارة يطلبون ملفاتكم واذا انرسلت للوزارة 99% مبتعثين بأذن الله اهم شي الوزارة تطلب ملفاتكم فكلمنا عمي وقال خلاص انا اروحلهم بالوزارة وانشبلهم عاد عمي كبير بالعمر تقريبا وحنا طبعا من الشرقية فسافر للرياض ودخل على الموسى وقاله عيالي هناك ومتبهدلين وانا جايكم من الشرقية ومن هالكلام ويقعدله عظم بالبلعوم وكلمنا عمي واخذ رقم ملفاتنا وعطاهن الموسى وقال ان شاءالله خير وانا وولد عمي نشبنا للملحقية يعني حنا في الملحقية وعمي بالوزارة صرنا نحارب على جبهتين الى ان كلمنا عمي وقال الوزارة اطلبت ملفاتكم ومباشرة طيران على الملحقية وقعدنا على روسهم
طبعا الموظفين اجانب ماهم سعوديين ومقهورين قامو يماطلون لين ماتلاسنت مع لبناني الي عنده ملفي لانه قاعد يماطل وبدون نفس ورافع خشمه وقليل ادب حتى وصلت المواصيل انه يبي يطردني من المكتب واشب فيه وانت يالي فيك ومافيك انت هينا موجود لخدمتي تستلم راتب لخدمتي انا يالطالب يعني لحم اكتافك من خيرنا تطردني من مكتبك ويتدخل موظف سعودي ويهدي الوضع واخر شي بكل برود يطلع الملف ويعطيني اياه طيب من البداية يعني لازم الواحد يسفل فيك وبعدها اخذنا الملفات وعطيتهم الموظف المختص وبدوره ارسلهن الوزارة أسبوعين تم الالحاق بالبعثة توتة توتة وخلصت الحتوتة
المقصد يا اخوان من قصتي انه لاتقطع الرجاء ابدا وخل عندك امل وحاول ويفضل انك تحارب على الجبهتين واحد بالوزارة وانت بدورك من الملحقية وبأذن الله تنظم للبعثة لا والف لا للأحباط ونعم للتفائل خلك متفائل ولا واسطة ولاخرابيط انا والله العظيم انضميت بدون واسطة والابتعاث كان موقوف بعد لاكن اشتغلت عليها شوي وصبرت مافتحت ملف وسحبت سيفون وقلت الي يبيني يدق علي لا الدعوة يبيله صبر وواحد ذيب ونشبه مايمل يسنع نفسه بنفسه (ان لم تكن ذئب اكلتك الذئاب).
وفي الختام اسأل الله العلي العظيم ان يلحق كل من هو على حسابه بالبعثة ويوفقنا واياكم الى مايحبه ويرضاه.