رفع قضيه على الداعيه القعود من قبل اعلاميين مبتعثين

أختي لا تخلطين الحابل بالنابل


كلامه واضح ,, اتهم 80% من المبتعثين بشرب الخمر !

ماقال عنف اسري ولا قتل ولا من الكلام هذا


اتهم 80% !!


بعدين للمعلوميه ماكان عندي علم انه يقصد طلاب بريطانيا !!


وحتى لو كان بهالطريقة واضح من طريقة كلامه استفز المبتعثين جميعاَ



عـ العموم بسلامته كلن يعرف مصلحة نفسه والله يهدي الجميع

اول شي هو تكلم عن طلاب بريطانيا وليس بلدان الابتعاث كلها ومع ذلك لا اوافق الشيخ على كلامه لأن النسب تعتمد على دراسة علمية دقيقة وليس مجرد كلام من اناس لهم ثقلهم على قولت الشيخ فأذا كان لهم ثقلهم فهذا لايعني ان كلامهم صحيح هل هم اعتمدو على دراسة علمية؟؟ بالطبع لا فأذا كيف لنا ان نصدق كلامهم اين الدليل ان لم تكن هناك نسبة تستند على دراسة علمية دقيقة حتى ذلك الحين فالتهمة باطلة حتى تثبت وعلى قولتهم المتهم بريء حتى تثبت ادانته وياليت يأخذون بالعلم ان هناك السائح والذي يدرس على حسابه والمبتعث عن طريق وظيفته يعني مو شرط اي سعودي يشرب صار مبتعث من قبل الوزارة ياليت يحطون هالمعلومات في راسهم قبل ان يطلقون التهم جزافا.

هو فعلا نسبه كبيره تعتبر ولو قلنا شوي لو قال 40% بقولك صحيح وتتصدق

لكن 80% يعني معقوله 20 % فقط صالحين من المبتعثين!

اما انا لدي رساله للمعارضين مادمت لستم من الـ 80% اللي ذكرها ليه تنزعجون اعتبروا نفسكم من الـ 20 % المنضبطين

وعموما الله يهدي الجميع

اجل دعوه قضائيه
ضد من اتهمكم ؟
ماشاء الله عليكم
اجل انتم إعلاميين المستقبل هاهـ؟
اقول الركاده زينه بس
بعدين انا اشهد ان 80% من السعوديين بالخارج يتعاطون الخمور
وذا انت انسان صالح خليك جهة الـ 20% وبكذا ريحتنا من القروشه
وبعدين ليش زعلان ياخي روح البارات وشوف كلها سعوديين
مسوين لي ملائكه اقول كلهم دشير وانا تحملها احطها بذمتي بعد وازود 81% من الطلاب اللي قابلتهم في امريكا يسكرون وينكرون ومافيه شي مايسوونه ليش نضحك على بعض
لاكن الطلاب المجتهدين والمتفوقين 19% هم الصالحين ومع ذالك تحسهم منبوذين

فئات تتهم فئات ومالجديد ؟!
ليس على الفئات المتَّهمه ((او بعضها))الا ان تكمل مسيرتها وتطمئن لنفسها لانها تعلم ما يتوجب عليها فعله متجاهلة ماقد يسيء لها سواء بقصد او بدون
تذكر ان ان تكمل مسيرتك وتحقق اهدافك
ففي نهاية المطاف سيتبين لهم انك كما تريد وليس كما تريد اوهامهم وظنونهم((اتحدث بصوره عامه))
والاهم ان لا ان يكون هدفك رايهم بل ان يكون هدفك طموحك التي جعلتك من تلك الفئه
بغض النظر عن النِسب والحديث عنها ,لا اجد وقتا للامتعاض ساكرس تفكيري واهتمامي و اعصابي ومشاعري لما هو اولى

بندر ههههههههههههه

ماقدرت امسك نفسي حطيت نسبه 81%

والله جايز كذا صادق اتذكر الله يستر علينا وعليهم بالمدينه اللي انا فيها يقولون فيه ديسكو لسعوديين! من كثرت السعوديين
على نياتي عرفت الكلام بالكلاس من المدرس.

بس في قصه بقولها لان تقهرني كل مااذكرها كنت على نياتي اول ماوصلت الدوله اللي درست فيها انجليزي اول سعودي تعرفت عليه وطلع بزر عمره في 17
قلت جايز صحيح عمره صغير لكن لاتحكم على السن العقل ممكن كبير خصوصا واهله مسفرينه! اكيد معتمدين عليه, لكن الصدمه الاخ لمن تتكلم معه بالمعهد خذ التفكير ويعد الايام اقوله وشفيك يا اخ فلان تعد يقولي ابي ادخل البار وانا مايدخلوني عمري ماوصل لسن القانوني!! وجالس يعد الايام متى يوصل 18 الظاهر ! وهذه غير التحرش بالبنات واعطاء صورة سيئه للسعوديه بطريقة غير مباشرة بالكلاس يحاول يسلم على البنات بالسلام السعودي يعني انه بيحيب خشوم وهو مقصده شي ثانيه

الله يعين بس والله من قهري على اهله كيف تجيبونه .. اقسم بالله مدري وش اشبهه فيه تقول كانه كان مسجون له سنين وطلع للحياه.. يلهث لكل حاجه ويشرب ويسوي كل شي

الله يهدي اللي يشرب يارب واللهم احفظ المسلمين كافه يارب من الشر

ياحبايب قلبي الي يقول الداعيه اتهم طلاب بريطانيا فقط .فاقول له في الوهله الاولى اتهم طلاب بريطانيا بحجة زيارته لبريطانيا اما الوهله الثانيه اتهم جميع الطلاب المبتعثين في دول العالم وتحدث استاذي العزيز محمد ال زلفه في احدى الصحف وطالب الداعيه بالاعتذار للطلاب ولكنه تكابر..

^
يحق له يكابر
لأنه يقول الصحيح
اغلب الطلاب اللي بالخارج دشير


اوهـ نسيت صح السعوديين ملائكه
اقول ول ماجيت قسم بالله انصدمت صدمه ماتوقع اقوم منها لين اتخرج

اوبس < على قولتهم
جعله دوم هالضحك
بس انتبه لايجيك واحد الحين يرفع عليك دعوه قضائيه لأنك تقول ان فيه ديسكو فيه سعوديين

والله ياخوك انا معك بالكلام الي قلته لاكن لو كل شخص حسب نفسه من ظمن ال20% صدقني راح تتضاعف النسبة قد تصل الى 80% مجرد توقع لا أقل ولاأكثر
ولاكن الأنزعاج ليس من ناحية كم تبلغ النسبة فليس عندي فرق 80% ام 1% والله المستعان
الأنزعاج كله من ناحية مصدر النسبة فليس هناك اي مصدر موثوق عدا انه مجرد كلام لأناس لهم ثقلهم على قولت الشيخ يعني اتهامه لم يستند على أسس علمية وبحوث ودراسات
بل استند على مجرد كلام لا أقل ولا أكثر وهذا ليس بدليل يستند عليه لا أعرف رؤساء الاندية الثمانية كيف استنتجو هذه النسبة هل يعرفون كل طلاب بريطانيا شخصيا والذي يصل عددهم الى 16000 طالب وأكثر والمنتشرين في جميع مدن بريطانيا هل استنتجو هذه النسبة بمجرد النظر فقط وبعض التخمينات أوهل وقفو جميعا امام البارات في جميع مدن بريطانيا ليعدو الطلاب الذين يشربون وهل يسألونهم واحدا واحدا هل انتم من ظمن برنامج خادم الحرمين الشريفين للأبتعاث ام على حسابكم الخاص ام عن طريق وظيفتكم لكي يسجلو اسمه ام كل طالب قبل ان يشرب يتصل على رأيس النادي ليبلغه ان يسجل اسمه من ظمن الطلاب الذين يشربون طبعا مستحيل وهل كل رؤساء الأندية على علاقة شخصية مع ال 16000 طالب وأكثر أم ان هذه الأتهمات لأغراض أخرى شخصية الله وحده أعلم لن أدخل بالذمم ولكن انا اتكلم من باب الواقع وليس التخمينات لانريد اطلاق التهم جزافا بدون دليل مثبت علميا الدليل اولا ثم ينشرون مايريدون نشره وغير ذلك فل يصمتون والله الهادي الى سواء السبيل.