الانحراف في مجتمع المبتعثين

كل ما ذكرته اخوي موجود بديرتنا ، ديرة الحرمين ..
بس اللهم إنه هنا شي ظاهر وبديرتنا خفيّ ..

لكن الكلام يكثر على المبتعثين ويركّز لانهم واجهة للمسلمين ولبلدنا خاصة ..
لذلك المسؤولية عليهم مضاعفة ..

و في الأخير حبيت أقول أن الي يراقب نفسه ويحط بباله ان ربي بيحاسبه على كل صغيرة وكبيرة يسويها ،
راح يختار الطريق الصواب ويعرف مصلحة نفسه ..


الله المستعان ..

وعليكم السلام ورحمة الله وبركاته

أنا ضد هالموضوع لسببين ,, الأول إنه راح تلقى نسب متفاوته في نفس المدينه وواحد منهم كذاب ,, من نصدق صاحب الأقل أو الأكثر ؟؟!
الثاني مو من حق أي طالب يضع ما يعجبه من نسب بدون دليل على كلامه ,, أنا الآن أستطيع أن أضعهم بالنسب اللي أبيها وأعكس النسب زي ما أبي لسببين ,, إما أني من الفاعلين لهذه الأشياء فراح أقللها حتى ما ننكشف ,, أو إني من المعارضين وراح أكثرها عشان يسوون تفتيش وأنكب غيري

نبي نسب من المسؤولين فقط ومتابعه لهم ,, ذاك الوقت كل واحد يأخذ حقه خاطئ أو صالح

بالتوفيق ...,

يا اخوان ويا اخوات حتى في بلاد الحرمين يحصل هالشيء لكن هنا يكون وجهة كما قال اخوي بسام لغير العرب في البلاد هذة

و الذين هم غير مسلمين ايضاً فلابد احنا نتمسك اكثر وننتبه للتيارات الجارفه يعني في السعودية مخدرات وبلاوي زرقه بس استر

يارجل كل الي عليك النصيحة وتقول للي يجاهر اذا بليتم فستترو لعل الله يتسامح عنك وان الله يمهل ولا يهمل!

وكلنا ننتبه لهذة النقطتين ان الواحد لما يبتلى في شيء يعرف انه خطأ خلاص يجب عليه ان يستر على نفسه لعله يهتدي

وكذلك يكون اقل شيء بالستر والله عليم فيك و بكل الحالات الي انت فيها مهما كانت وان الله ينظر لأعمالكم يأ اخوتي فانتبهو

فتحت الموضوع عشان نكتب نسبة ونحدد الجنس هذي انا اشوف ان ليس لها داعي لما اشوف فلان من الناس حتى

انا علي ان استر عليه ما استطعت والله يجزيني بذلك الخير والله سوف يجازيك بفعلتك يوم العرض يوم القيامة يوم لا ينفع

لا مال ولا بنون نسئل الله العفو والعافية فيكون لك من الله الستر كما سترت على فلان في الدنيا اليوم نستر عليك يعني يقولك

الله انا سترت على عبدي وانت جاي تبي نسبة وتشهير انا اشوف انه اخوي ما يصلح نكمل في هالموضوع لان المفروض ننصحهم

ونكتب نصيحة ونكتفي بذلك يعني شوف كم موضوع انت تبي تتكلم وتبي تحط اشياء هادفة واذا تبي تأخذ برأي تفضل تقدر

تتكلم عن الخمس مواضيع لكن بشكل نصحية توجها الى فاعل الشيء الفلاني وليس بأن تقوم بتوجيهها الى شخص بحد ذاته والنقطة

الثانية الي ابتكلم عنها مثل ما قلت لك وهي اننا ننتبه وهم ينتبهون ونذكرهم وننصحهم بأن الله لا تخفى عنه خافية ودبيب النملة

السوداء في الليلة الظلماء.. ألخ وان الله يمهل ولا يهمل وان الله يظن بنا الخير ويعطينا الفرص لكي ننتبه ونحاسب انفسنا ونعود

وهذا من كرم الله ومحبته لنا تقول انا اعصي الله والله يحبني نعم والله كريم رحمن رحيم ورحمة الله وسعة كل شيء كل شيء

والله يوفق الجميع لما يحبه ويرضاه تبي تكمل الموضوع انا اقول لك الحرية في الاول والاخر واتمنى كلامي ما يكون اساء لشخص

معين انا ابي اوضح نقطتين وتكلمت عنها والله يهدي الجميع لما فيه خير ويكتب لنا الهداية والصلاح انه القادر على ذلك وباب التوبة مفتوح..

انا لو تبي تكلمت عن اضرار كل فعلة ووش تؤدي اليه اما اني احدد نسبة فانا اسئل الله لهم الهداية واكتفي بذلك

واحسان الظن شيء مطلوب وان بعض الظن اثم وحتى لو راح تكون هناك اختلاف نسب لأن كل شخص راح يتكلم

بمنظوره ولن يكون هناك دقة ولا نتيجة ملموسة ومرجوه من الموضوع فاتمنى جعل المحور اكثر قيمة وايجابية..

ياخي انت ماتدري شتبي توصله بالضبط ؟ يعني موضوعك بيحل جميع هالمشاكل وتهديهم ؟

كل واحد ذنبه على جنبه @@

عطيت صورة للمبتعثين لـ الي تو مابتعثوآ ان الكل دشير !

عشان اخوياك دشير لازم كل السعوديين دشير ؟

وبعدين الخمر بامريكا بس ؟ كندا وبريطانيا واستراليا وباقي الدول وين راحت ولا حلال هناك ؟

مواضيعك كلها تحطيم للمبتعثين ، سو موضوع يفيد المبتعث مو يحطمه

سخافة !

الابتعاث فوائده كثيره واللي حق دشره ما يطول في الديره يرجع 6 شهور ويرجع بلده لأن الصقور تعرف من مراقيها والهمل تعرف من خطاويها

واللي نزيه يبقى نزيه ما يأثر عليه ابتعاث ولا عشرين ابتعاث

يعني انت يامصري !

تبي تقنعني ان كل المصريين ملائكة ؟

ليش ماتتكلم عن مبتعثين بلدك ؟ ليش ع السعوديين ها ؟

هدي حبيبي وهونها الرجال الحين هو يحتاج مننا ايضاً نكلمه

بأسلوب حتى لو كان موضعه مو جيد بالنسبة لي او لك او لأي

شخص يزور الموضوع احنا نحترم كل من لديه وجه نظر ومبداء

ثم ننظر ان كان سليم وافقناك عليه وعززنا من شانك وقلنا انت

كلامك صائب روح الله يوفقك ويكتب لك الخير ويسهل امورك ويثبتك

على الصواب اما ان كان خطأ فانت تحاول ما تجرح امتلاكه للمبداء

وتحاول تخليه يقتنع بس بصورة مختلفة جميلة دون ان تحوله الى

شخص قد يفهمك بشكل خاطئ وقد يضيع وقتكتم جميعاً في لاشيء

يعني عنده مبداء نحترمه واذا كان خطأ تبداء في رحلة النصح والتصحيح

والتوضيح ان كان جهل نقطة او ان غفل عنها فكلنا نخطأ وليس من فينا

ملاك وجل من لا يخطئ او من لا يسهو والكلام للعموم ابداء بنفسي انا و

الي يرد بشكل قاسي على الفكرة والموضوع وبالكل ثم اصحاب الافكار الي

ذكرو في الموضوع الي يدخنون والي يشربون الخمر ويتعاطون المخدرات

والافعال الي غيرها بما فيه من وجهات ومبادى فقط اما التوجيه والتحكم كل

انسان هو ادرى بتصرفه دعه ينظر للسعودية بنظرته وانت احتفظت بنظرتك

وكل شخص لديه معنى النظر في عقليته وحس البصر في جسمه..!

وكل شخص ادرى بتصرفه ان كان ينظر هذة النظرة فأنا انظر نظرة واتمنى

ان تتلاشى الظاهرات السئية ويبقى لنا فقط الظاهرات الحسنة اتمنى ذلك...

80% !!
عفوا منو هالشيخ هذا اللي أفتى بمعلومه هو لايعلم صحتها من عدم مصداقيتها؟
الشيخ ذهب إلى أمريكا؟؟
كم استغرق من بحث ودراسة واستقصاء وكم من الوقت استغرق للوصول إلى هذا الاستنتاج وهذه النسبة الهاائلة !
ولا وهو قاعد في بيتهم او بصفحة في "الفيسبوك" عمل استفتاء؟؟

أخي الكريم, ليس كل ماتسمعه تصدقه, يا اخي عيب والله عيب كل من جا تكلم عن المبتعثين بسوء أو أفتى له بفتوى وهو لايفقه بشيء
والحجة؟ "شيخ قال هالكلام"
يا أخي الشيخ صار "باحث, عالم, مفتي, مفسر, طبيب نفسي, طبيب اجتماعي, طبيب بيطري" !!
يا أخي هذي مو فتوى, هذي "دراسة" و"بحث" ونسبة وتناسب, مايصير تجي وتقولي شيخ قال هالكلام!
والمشكلة حتى اسم الشيخ ماقلت لنا.
هالشيخ ما يعرف "إن بعض الظن إثم"؟
وأنت ماتعرف تشغل مخك شوي بس ..
خلينا نقول 100 ألف مبتعث ..
80 ألف يشربون خمر؟؟

الظاهر وزارة التعليم العالي جمعت الصيع وابتعثتهم !!!
والله شي غريب ..
استحوا على وجيهكم وهالكلام ماينفع, كثرانة المواضيع عن المبتعثين والمبتعثين وايش يسوون وايش يقولون وايش يلبسون ماباقي الا تحاسبونهم على ايش يفكرون فيه!
والحين الطامه الكبرى, يجي شخص ويحط نسبة كبيرة وخياليه!
حتى الشعب الأمريكي بكبره اللي يشربون فيه يمكن مايوصلون 80% لول !!!

في شيء اسمه منطق.
كونه شيخ أو مو شيخ, نسبته "بدون دلائل ولا دراسة مبنية على أسس صحيحه وموثوقه" ما أعترف فيها نهائيا.
وكفاكم سذاجة ياناس . أستغفر الله العلي العظيم.

في العصر الحالي تعلمنا أن لا نصدق كل ما نسمع ،، بل أن نحلل قبل كل شئ ،،،

والشيخ الي تكلم على المبتعثين كلامه وطعنه فيهم مردود عليه ،،،، لا يعني أنه شيخ أنه يملك الحق في قول ما يريد

والشرهه على أهالي المبتعثين والمبتعثين أنفسهم الي تركوا له الحبل على الغارب يطعن في أخلاقهم