الانحراف في مجتمع المبتعثين

آلسلام عليكم ورحمه الله وبركآته

انا آعتقد ان النيه لصاحب الموضوع صآفيه لكن وجهة موضوعه خأطئة من عدة نوآحي

1- قوله تعالى "فَمَنْ يَعْمَلْ مِثْقَالَ ذَرَّةٍ خَيْرًا يَرَهُ وَمَنْ يَعْمَلْ مِثْقَالَ ذَرَّةٍ شَرًّا يَرَهُ" آلمراد من الايه ان كل شخص محاسب على فعله لا على فعل غيره .
2- التوعية والارشاد هو المفروض السؤال عن كيفيته بالحسنى مو انك تسال عن النسب . طيب نقدر نحسب نسبتهم وكل شخص مآنعرف مدى مصداقيته غير تعدد الولايات وآلخ
3- انت اللي حطيتها كلها اشياء معروفه وماهيب غايبه عننا لكن آنت بهذي الطريقة جآلس تزيد في توسع فكره ان المبتعث لابد انه يسوي واحد من هالاشياء هذا اذا مو كلها يطيح فيها وانا اقولك مجتمعنا يكفيه تشبع عن فكره ان المبتعث بيروح برا وبيرجع بعادات غريبه او انه لازم يسوي كل مايغضب الله هناك . المفروض علينا اللحين نحسن هالصوره وان كآنت هناك صورة عليها غبار على المبتعثين نحاول نصلح ولا زلت آكرر بآلحسنى وبالاسلوب الطيب وبالنهاية ( آنك لاتهدي من احببت لكن الله يهدي من يشاء )

مآ آشكك بالموضوع وبصاحب الموضوع لكن انا اشوف ان الموضوع لا يعالج بكتابته في هالمنتدى ولا بحساب النسب ان شفت غلط حآول تنصح بالطيب وان ماقدرت آلله يهدي لكن آلله يجزاكم خير حآولو تبعدون عن هالمواضيع اللي مالها تاثير الا سلبي على المبتعثين القدامي والجدد تخوفونهم وانا بالنسبه لي عندي آخوي بخاف عليه من هالاشياء كل مره آقرا هالمواضيع تاثرون على قراري لكن الحمدلله اللي يقويني ويعطيني الثقه في تربية اخوي

آلمعذره اذا اساءت لكن وجهة نظر تقبلوها بكل صدر رحب ,,

ساطي

الشيخ القعود إعتذر أمس إعتذار رسمي على جريدة سبق .... أنا ما أدري الله يهديك وش فيك على السعوديين بشكل عام (مكروهين و منبوذين و و و ) وعل المبتعثين بشكل خاص

دائماً مواضيعك فيها تحطيم و نقد سواءً لبرنامج الابتعاث أو السعوديين أو المبتعثين

أنا ما أدري وش في صدرك و لكن ترى مبتعثين كثير قاعدين يقرون مواضيعك اللي كلها تحطيم ... و إحنا هنا ترى ما إحنا ناقصين تحطيم (غربة, ودراسة, وصوم رمضان مع الكفار) وانت قاعد تكتب إنتقادات ... ساطي !!! إنت ما راح تذوق اللي ذقناه إلا لمن تجئ هنا !!!!؟

تحياتي ساطي

انت بالذااااات كلااااااااااااااامك فوق راسي
بس صدقني كلاامي مافييه تحطييييم ابدا بل بالعكس تشجييع<<<< وراجع ردودي في الموضوع هذا وشوف انا ايش كنت اقصد من كتااابتة

مو معنى ان فيه مثيرات انهم بيرتكبون الحرام

1- عدم الصلاة ما اتوقع بيتركوها الا بيتمسكو اكثر فيها
2- شرب الدخان يدخنو هنا وش بتفرق هناك
3-شرب الخمر لو اغلبهم يشربو كان قفلو الابتعاث لانهم بيفشلون بدراستهم وبيرجعون ال 80 %
4-تعاطي المخدرات الي يصير مدمن حده شهر ويرجع السعوديه مع خيبته
5- التردد على البارات والدسكوهات والمراقص والاماكن المشبوهه اتوقع يترددون كثير بس عني اشوفه عادي
6- الزنا والعلاقات المحرمة ما اتوقع انسان نسبته 95 يعني ذكاءه بيغلط هالغلط الي ممكن يضيع شبابه
7- عدم الالتزام بالاخلاق الاسلامية ((( يعني قصاات شعر غريييبة لبس غريب ووشوم على الجسم واللبس القصير بالنسبة للبنات والخروج بالملابس العادية من دوون عباية)) تصير هنا بعد عشان كذا ما تفرق هناك

السلام عليكم ورحمة الله وبركاتة

بسم الله الرحمن الرحييييييييييييييييييييييييييييم

في واحد من الاعضاء جزاه الله خييييير
ناقل خبر عن شيخ يقول ان 80% من المبتعثيين يشربوا الخمر
الصراحة انا فكرت في الامر وحسييت انه مصيبة حتى لو ما كانت 80%
فلنفرض مثلا انها ربع تلك النسبة يعني 20% << والله تصيييير مصييييبة
طيب هذا الخمر بس........ كيف باقي الاشياااء
شغلني الموضوع كثييييييييييييييييييييييييييييييييييير
فقلت خلينا نسوي موضوع يشمل كل العادات السيئة للمبتعثين في امريكا خصوصا
وكل واحد يعطي نسبة تقريبية استنتجها من مايراه من زملائة السعوديين المبتعثيين
والعادات السيئة اللي راح نحط نسبها هي
1- عدم الصلاة
2- شرب الدخان
3-شرب الخمر
4-تعاطي المخدرات
5- التردد على البارات والدسكوهات والمراقص والاماكن المشبوهه
6- الزنا والعلاقات المحرمة
7- عدم الالتزام بالاخلاق الاسلامية ((( يعني قصاات شعر غريييبة لبس غريب ووشوم على الجسم واللبس القصير بالنسبة للبنات والخروج بالملابس العادية من دوون عباية)))

طبعا نسبة الشباب راح تكون مفصولة عن نسبة البنات كل جنس لحالة << يعني كل عادة سيئه راح نحط نسبة البنات اللي يمارسوها ونسبة الاولاد اللي يمارسوها<<<< لا احد يحط نسبة واحدة انتبهوا لكل عادة سيئة نسبتان لانها مقسمة على حسب الجنس نسبة للاولاد ونسبة للبنات
واللي يبغى يضع عادات سيئة اخرى لم اذكرها انا مو مشكلة الموضوع مفتوح

ولا تنسوني من دعائكم
سبحان الله وبحمدة ؛؛؛ سبحان الله العظيم