رد من مبتعثه على موضوع ( عفوا المبتعثون ليسوا صيعا )....!!!

الله يهدي اولادنا وبناتنا ويبعد عنهم كل شيطان رجيم

اختى الفاضله كلامك عجبني وفعلا في كثير من العينات يخجلو في بلاد الغرب واعتقد هذول يلي بيعملو كدا ما شافو الخير طلعو وشافو الدنيا وانفجعو وغرقو في المعاصي دا يدل انهم في وطنهم ما عندهم اي اخلاق فما بالك في بلاد الغرب دا كله يرجع للتربيه والوازع الديني وعدم مخافة الرب والله يهدي ما خلق

ياخي كيفي انصحها هنا ولا بالخاص ولا بالشارع وش دخلك انت

الله يهديك .. كان الافضل رسالة خاصة .. مو امام الملاء ..

بالنسبة لصاحبة الموضوع ..

ليش عممتي على الشباب .. وماتطرقتي للمبتعثات ..

ترا احنا مانقول كل الشباب صالح وكلهم خيرين ومايفارقو المسجد .. وفنفس الوقت مانقول المبتعثات محجبات .. ومحترمات ..

من كل جنس فيه الصالح والطالح .. يعني .. ولكن برضو نكون عيال دولة واحدة يعني .. ٨٠ بالمية ٪ شي خيالي ..

انا من الناس الي اروح قهاوي عربية اجلس اشيش الاقي سعوديين كثيرين .. وسعوديات كمان للعلم .. ولا حجاب ولا شي .. هل اني الحين سرت صايع .

اغلب الويكند اجلس سهران ل٥ الفجر .. هل معناتة اني كنت سكران طول الليل ...

يعني خلاص اقول ما اروح القهاوي العربية لان فيها ناس سكاري .. لا ما احرم نفسي الخرجة عشان غيري ..

ترا طفشتونا مبتعثين مبتعثين مبتعثين .. سلسلة .. سكران .. مايصلي .. يحضن بنات .. وشم .. تاتو .. مدري ايش ..

بالعربي (( الى مو عاجبة الابتعاث ومو عاجبة الوضع هنا يرجع ))

لاتجلسو تغثونا .. كلنا عارفين بالوضع الي يبي يروح مع الصالح يروح والي يروح مع الطالح يروح ..

والله يهدي الجميع ,,

القعود اعتذر عن اقواله والخبر منشور في سبق
صاحبة الموضوع كلامك تمام لكن فيه بعض الاخطاء الفادحة
والاخ اللي ينصح تراني انفلتت ضحك لمن شفت نصيحتك اقسم بالله

السلام عليكم انا ما راح اعقب على كلام اي اشخص بس نصيحة ... لصاحبة الموضوع لاتدعين ادعي بالهداية لان بالمقابل تقول الملائكة ولك مثلها والله اعلم ...وترى هذى مغريات اذا انا ربي ثبتني اليوم بكرة الله اعلم نسال الله لنا الهداية والثبات ....

والله المصخرة وقلة الحيا ماجت الا من ابتعاث المبزرة من بنات و عيال !
لا و حطوا لهم منتدى لا مراقبين ولامشرفين .. و كل من هب و دب من شيوخ 2000 دخل هالمنتدى وقرا موضوع سخيف مثل هالموضوع وازعجنا بخطب الجمعة بالسعودية 80 % من المبتعثين يشربون الخمر !!
الحين انتي شفتي كم داشر و صايع قلتي 80 % ! سويتي بحث سويتي دراسة على هالموضوع ؟ والا من راسك افتيتي !
اذا انتي عينة للابتعاث فماربح البلد لان اذا المبتعث مارجع باخلاق الامريكان - اللي هي بالاصل اخلاق الاسلام والمسلمين - فما راح ينفعه علمه اللي راح يرجع به وانتي الله يهديك موضوعك هذا مايدل على اي اخلاق او حتى حسن ظن باخوانك المبتعثين لمجرد انك شفتي عشرة عشرين ثلاثين واحد صايع ويروح بارات خليتي 80 بالمية راعين بارات وداشرين .. يقول احد الحكماء : لا تثق بالشخص الذي يرى الشر في كل شي ولا تثق بالشخص الذي يرى الخير في كل شئ وحذاري من الشخص الذي لا يبالي بشئ !
الحين حنا ابتلشنا باللي بالسعودية يفسقون الناس ويكفرونهم بعد يطلعنا ناس من المبتعثين اللي مفروض انهم افهم الناس وافضلهم عقلا و حكمة وخلقا لكن مع الواسطات وضم كل من هب ودب للبعثة صارت الدعوة سايبة حتى ان فيه واحد من قلة الحيا منزل موضوع هنا بالمنتدى يقول عبدالله الموسى واسطتي هل اقدر انضم للبعثة !!
الصحابي ابو محجن كان يشرب الخمر و بنفس الوقت كان بجيش عثمان بن ابي عفان يجاهد في سبيل الله ولافسقه عثمان ولا منعه من الجهاد و هو يشرب الخمر بالجهاد ! بعدين يعني المبتعثين عينة من السعوديين اللي في السعودية عاد روحي سوي لنا نسبة واحصائية عن الدشير اللي بالسعودية وعن اللي يشربون خمر هناك بعد !!

بعدين ماشاء الله احسن 2 اخوك و اخو صديقتك المقربة غيرهم كلهم دشرررر !

::
::

الاخوان اللي ازعجونا انصح على الخاص ولاتنصح قدام الناس هي منزلة موضوع وش كبره وش عرضه قدام الله وخلقه تروح تنصح برسايل خاصة ! خل النصح يصير قدام الناس بعد

عادي خلوهم يكسبون الاكسنت وينسون هم الغربه

مابي اكثر بالكلام لكن بيض الله وجهك والله يجزاك خير بنت رجال

اولا مشكورة ويعطيك العافيه

وبعض الشباب زعلوا بس هم عادي يتكلموا على بنات بلدهم كلام ماليه داعي خاص واحد هنا في المنتدى في كل موضوع يخص البنات يكتب كلام زي وجهه

مايريدوا احد يطلع بلاويهم اني الي معاي في المعهد كل حاطين صورهم في الفيس بوك ويا بنات مادري اهلهم مايشوفهم ماينصحوهم وغير عيني عينك يقولوا يشربوا خمر

ونسبة كبيرة ماهي نسبة صغيره

وماعليك من الي يهينك لان هذا موضوع عن الشباب لكذا حبيبتي تضايقوا يبوا موضوع عن البنات