شباب & بنات ولاية تنسي (مارتن)

وعليكم السلام ورحمه الله وبركاته
ياعزيزي انا ماقد جيت امريكا وأنشا الله جاي قريب بس المدينه اللي سألت عنها انا كنت أبجيب قبول فيها بس مالله كتب الزبده أني قد سألت عنها وبقولك اللي أعرفه يمكن يفيدك
أولا مارتن مدينه صغيره مافيها وسيله مواصلات فيها مول كبير ويمكن 7 أو 8 مطاعم ماتقدر تسكن عند عائله لأن سكانها مايجرون لطلاب المعيشه رخيصه مره الاجواء متوسطه ثلوج
في الشتاء والصيف معتدل اقرب مطار لها تقريبا ثلاث ساعات بالسياره .
هاذا اللي اعرفه وحبيت اقوله وموفق انشاء الله ولاتنساني من دعائك .

المدينه صغيره جدا ،، ومليانه سعوديين ،، لايوجد بها الا مول واحد فقط ،، ولا يوجد به جميع ماتحتاجه ،، أرى ان الكثير يغير الولايه بمجرد القدوم إليها ،،
لي إبن عم بها درس ترم بها وخرج بسرعة البرق ،

اولا السلام عليكم ورحمة الله وبركاته

انا الان في مارتن

طبعا المدينه صغيره جدا تلفها بربع ساعه

المعهد كله سعوديين انا في ليفل 1 كل الكلاس سعوديين

التدريس اوك اذا انت بتحل واجباتك اول بأول وتحفظ كلمات راح تمشي

ااما بخصوص المعيشه فهي رخيصه مره مره مره لأن مافيها اي ترفيه

ومافيه الا مول واحد الي هو ول مارت وهو زي بنده تقريبا

اما بخصوص السكن مافيه عوائل

عندك اكثر من خيار

اقرب سكن للمعهد هو القروف واجاره شهرياً اتوقع 400 دولار وانت الضاهر الي تدفع المويه والكهرب والنت مجاناً

وفيه واحد ثاني اسمه الكوبر وهو مسافه 10 دقايق مشيء للمعهد

وفيه احسن واحد الي هو مارتن بليس نضام روميتات مع اجانب

بغرفه منفرده بحمامها بس العقد حقه سنه والاجار شهريا اتوقع 400

المدينه تمتاز بالاشجار والطبيعه

السكان اغلبهم بيض بس مو فرندليين

السعوديين نسبتهم انا اقول 100 %

بس ارجع واقول اذا انت بتذاكر وتحل أول بأول وتحفظ راح تمشيء والله يوفقك يارب واذا بغيت اي شيء لايردك الا الكيبورد

نسيت شي مهم المدينه يجي فيها تورنيدو بعض الاحيان ..


دعواتك ..

نصيحه لوجه الله انا بولاية تنيسي بس ماني في المدينه هااذي هج عنه لاتجي ولايه خاايسه اعوذ بالله منها

يا الربع الله يجزاكم خير اولاً

بس جد احس اني تورطت بهل ولاية انا جبت القبول من المعهد والجامعة ودفعت الرسوم وخلصت اموري كلها

هلا تفيدوني كيف اغير وجهتي لولاية ثانية
هلا بامكاني ادرس ثلاث اشهر بالمعهد فقط بعدين احول ولاية ثانية ؟

اخوي منصور لاتورطت ولا شيء ايه يمديك تنقل اذا انت على حسابك سهل جدا لو تدرس بس ليفل واحد وتجيب قبول من جامعه ومعهد ولايه ثانيه وتنقل على طول بس عن طريق الملحقيه اتوقع صعب شوي

بس اذا انت ماتحب الروحه والطلعه بتعجبك المدينه اما اذا انت تحب الترفيه ماراح تصلح لك

لن كل السعوديين الي هنا يجمعون يجمعون واذا جات اجازه يروحون كالفورنيا او نيويورك يتمشون

يعني اذا بتجي انا انصحك تسكن في مارتن بليس مع اجانب وتحتك معاهم وتستفيد

واذا تبي تقرا عن المدينه كثير

فيه قروب في الفيس بوك اسمه شباب مارتن ادخل وراح تلقى رئيس القروب احمد الشمري تواصل معه

اخوي

ولاية تنسي عبارة عن هذي المدن ( منفس _ نوكسفل _ ناشفل _ شاتنوقا)

هذي المدن كبيرة جدأ وغيرالمدن هذي بولاية تنسي اعتبر نفسك تدرس بقرية .. ويفضل انك تنقل لانك طالب لغه .. ماتسوى عليك تدرس بقرية ومعك 1000 سعودي لان في القرية يكون الشعب جاف جدأ جدأ وقروي ورد نك .. يعنى تقوله 1 +1 كم مايدري .. غير كذا شوف الى درس اللغه في شيكاغو او مارتن (مع احترامى لهم) مثلأ وشف الفرق بين الأثنين


شوف نوكسفل او ناشفل بولاية تنسي ترى فيها معاهد ممتازة جدأ والمدينتين حجمها زي الرياض تقريبأ