ماهي فوائد الـ Social Security Number ??

هذا الرقم ينفعك باستجار السكن وشراء بعض الاشياء هذي الفكرة اللي انا فاهمها عنة وياليت لو فيه احد واثق من معلوماته يوضح لنا اكثر لو تكرمتوو

رقم الضمان الاجتماعي هذا مثل السجل الاجتماعي عندنا ويخزن كل شي عن الشخص مثلا الوظائف والدخل للشخص والكروت الائتمانية حتى كل تاريخ الشخص وهذا الرقم يكون في معدل يطلع وينزل على حسب اسنخدامك والتزامك بالتسديد سواء في الايجار او الفواتير مثلا انا عندي سوشيل من 2006 طلعت بطاقة فيزا من البنك وملتزم بالتسديد للفيزا وحتى كل سكن اسكن فيه حاط السوشيل هذا فادني كثير ليش لان ارتفعت عندي معدل النقاط في السوشيل لكن من مساوء السوشيل انه كماذكرت كل شي مسجل فيه مثلا في مشكله مع السكن والزمك انك تتدفع على خراب معين او لعانه حطه على السوشيل بس ماراح يضرك كثير اذا ماتبي تعيش في امريكا لان كل ماتجي تبي فيزا او قرض او تشتري بيت او تسوي مشروع وتبي تمويل اول شي يشوفون السوشيل ومدى التزامك وتسديدك للفواتير هذي نقطه
النطقة الثانية تقدر تستفيد من السوشيل بان تستعيد جميع الضرائب الخاصة بالتعليم وهذا تتم مره في السنة تعبي فورم اسمه تاكس ريترن وهذا عادتا يكون من شهر 1 الى شهر بداية شهر 4 وتحصل على حسب اذا كان معك عيال وزوجه تحصل اكثر ممكن يجيك من 500 الى 3 الاف طبعا فيه شروط وهيا انك تكون موظف في الجامعه لو ساعه طبعا تختلف على حسب الولايات وكل مدينة في لهم مكتب ويتكلمو جميع اللغات يعني راح تلاقي موظف عربي يشرح لك كل اللي لك وعليك وطريقة تعبيئة الفورم

الف شكر وماقصرت على الايضاح الرائع والكافي والوافي

على الرحب والسعه

فائدة اضافيه هي : الرخصه : في حال قدمت على رخصة فيكون مطلوب منك ( مو شرط) بامكانك تجيب ورقة رفض. لكن حط في الحسبان انه اي جهة تعطيها هذا الرقم بإمكانها تستخدمه ضدك

تنبيه : جريمة انتحال الهوية في امريكا هي من اسرع الجرائم نموا وانتشارا في امريكا ( يعني هي الجريمه الرائجه حاليا) ال: Social Security Number هي احد الوسائل الشائعة التي يستخدمها مجرمو انتحال الهوية في تنفيذ جرائمهم التي ممكن تكلفك كثير ـ......كيف؟؟ والله مادري بس كل موظف قابلته فامريكا يقولي هذا الكلام.

It is weapon with bisharpen ... SSN has some advantages and disadvantages