مساعدة أنقذوني الشنطة ضيقة صدري

وش الاغراض اللي اخذتهم علشان نقولك الاغراض اللي تشيلهم من الشنطة وموجودين بامريكا

طاحونة قهوة صغيرة.. ثلاجة شاي وثلاجة قهوة صغيرة(ثلاجة = زمزمية) .. 3 كيلو قهوة.. 2 كيلو هيل .. 3 علب تمر نحاسية.. بريق فواح صغير للقهوة .. بيلات وفناجيل .. زعفران ـــــــــــــ هاذي اغراض القهوة والشاي

2 شيرت كم طويل 3 شيرت كم قصير 1 جينز 1 جزمة 1 شبشب (أكرمكم الله) 1 ثوب وملابس داخلية للثوب 1 شماغ وعقال وطاقية 2 منشفة وحدة صغيرة ووحدة كبيرة ـــــــــــــــ هاذي الملابس

أدوات للصيدلية و أدوات تنظيف شخصية + سجادة صلاة + دفتر أبو 100 + كرتون الآي فون ... غير شنطة الحلاقة (ماكينة --أمواس ...الخ).. مبخرة كهرب ..2 كيس مخدة

طيب يا اخوي انت لك شنطتين مو شنطة وحدة وكل شنطة حوالي 23 كلغ بالاضافة الى الشنطة الثالثة اللي بتاخذها معك بالطيارة حوالي 9 كلغ
انا انصحك تحمل شناطك وتروح اي مكتب فيدكس قريب منك وتوزن شناطك عندهم وتشيك عليها هل هي الوزن المطلوب تراهم حبيبين انا رحت شيكت عندهم مرتين

بالتوفيق

طيب شف كم وزن الشنطه يمكن تكون في وزنها مسموح فيه

نصيحة اخذ لك ميزان للشنط
اذا انت بالدمام رح سيكو وتحصله باي مكان للبناء سعره 15 ريال .. تحمله بيدك وتعلق فيه الشنطة وتشوف كم الوزن
واذا طلع اكثر انصحك تخلي شي من الاجهزة لانها موجودة هناك وماهي باهمية كبيره

يحق لك شنطتين كل وحده 23 كيلو ,, وشنطه تحملها في يدك 7 كيلو

إذا مره ضقت تزود شنطه ثالثه بـ 23 كيلو ويأخذون عليك ضريبه 100$ ,, لكن لو تكون الكيلوات 24 بالشنط المتاحه لك يأخذون عليك على هالكيلو 25$ وكل كيلو بعده زيه
يعني الشنطه الثالثه أفضل

بالتوفيق ...,

الحين هاذي الشنطة بتدخلها معك الطيارة والا كيف ...؟

اذا لا فالافضل انك تاخذ شنطة فيها كفرات عشان تفحط فيها بالمطار ههههههههههه << اطلع برى

لا بس عشان ترتاح من الشيل والحط

وزي ماقال اخوي داندي اذا انت انزنقت اخذ شنطة ثالثة 23 كيلو وادفع الغرامة 100 دولار

احس انه الأخ صاحب الموضوع طالع طلعة بر مو مسافر امريكا خخخخخخخخخ

حبيبي انت عندك شنطتين مو وحدة كل وحدة وزنها لايتعدى 23 كيلو هذا غير الشنطة اللي بتطلع فيها الطيارة

روح المحلات حقت الخردة عندهم ميزان ذهبي تشيله بيدك وتعلق فيه الشنطة خذ واحد تراه مرررة مهم

بس نصيحة مني خذ ملابس زيادة معاك احس ان الملابس اللي انت اخذها حقت واحد مسافر اسبوعين وراجع

مشكوووووورين على ردودكم الأكثر من رائعة ...

خلاص تقريباً أنحلت المشكلة قسمت الأغراض على شنطتين ومشت الأمور بس فيه وحدة وزنها تقريباً 25كيلو والثانية 15كيلو عادي كذا والا لازم تكون الشنطتين متساوية في عدد الكيلوات

ثانياً وش رايكم في بنك سامبا ودي أفتح فيه حساب بس ماأدري هل يشتغل في أمريكا ؟؟ وهل تنصحوني أفتح حساب بالريال والا الدولار ؟؟

ألف شكر على مروركم الروعه،،،