حوار الابتعاث أم التعيين ... ارجو المساعده

اذاانت حاب للدراسه اتكل على الله

والوظيفه تجي وتروح

ما شاء الله تبارك الله

طبعا انا ما ادري عن ظروفك اذا كنت تجبرك على الوظيفه او لا

لكن انا اقول لو تكمل دراستك يكون احسن لأن بعد كذا الماجستير راح يوظفك غصب وتخصصك حلو ومرغوب في اماكن كثيره

الله يوفقك وهذي نصيحتي لك
وشوف الشباب وش يشورون عليك ( وما خاب من استخار ولا ندم من استشار )

شف حبيبي ، أحسن وظيفة لك من ناحية الراتب هي التدريس ، في تخصصك مالك إلا التدريس أو ظيفة إدارية ، تخصصك ما له مجالات حرة ، وبالتالي إذا ضيعت هذي الوظيفة فأنت ضعيت كل شيء ..
إذا رحت أمريكا ورجعت بعد ثلاث أو أربع سنوات وكانت الوظايف خلصت ، فأنت على أحسن حال بتلقى وظيفة إدراية بعد سنة من البحث وبتكون على المرتبة الثامنة ، وراتب المرتبة الثامنة وراتب المرتبة الثامنة يساوي راتب المعلم أول ما يتعين يعني إذا رجعت وتعينت بعد أربع سنوات بيكون زميلك اللي تعين الحين ولا سافر راتبه أعلى من راتبك بكثير ، بالاضافة إلى أنه سلم الخدمة المدنية يوقف فعليا عن المرتبة العاشرة واللي ما راح تحصل عليها إلا بعد ثمان سنوات إذا كانت أمورك تمام ، وما بعد المرتبة العاشرة كله على الشفاعات والواسطات وكثير ما قدر يتجاوزها .

أنصحك بالتدريس ، وتحاول تقدم على الإعادة في الجامعات خلال تدريسك لأنهم بحاجة لهذا التخصص وبالتالي تبتعث وأنت موظف .

أتمنى لك التوفيق .

انصحك بالاستخاره

الله يوفقك ان شاءالله

انا اعرف قريب لي ، صار له نفس وضعك بس هو تخصص انجليزي .. ومبدع فيه ماشاء الله عليه
وبعد البكالوريوس عرضت عليه وظيفه بـ 11 الف .. ورفضها وكمل ماجستير في جامعة الملك عبدالعزيز اتوقع
ولقى وظايف بـ راتب افضل واريح


كمل والله يوفقك

استخير ربك



والله مااقدر اقوول شي لاني ماادري عن ظروفك

بالتوفيق

أشكركم لأنكم شاركتموني همومي , بالنسبة لظروفي المادية الحمد لله ميسره , إنا ما انظر للمادة بشكل كبير. ولكن شي يحير !!
هل أكمل ماخططة له منذ سنتان وأطور من نفسي وإمكانياتي أم اقبل على الوظيفة وأوقف عندا هذا الحد
أرجو من لديه تجربه سابق من المبتعثين الذين كانو مدرسين إن يشاركوننا .

والخيره فيما اختاره الله

اسمع ونخوك .. تصيحه اخويه

امسك على الوظيفة .. وخلك من البعثه .. راتب المعلم ممتاز .. تقريبا تاخذ 8000 وشويه .. وترتاح وتستقر نفسيا

ان شاء الله ماتندم .. اسمع نصيحتي واستخير .. وبرضه راتب المعيد ممتاز جدا جدا .. لاتنسى تقدم على الاعاده

شف جامعة ام القرى .. وظائف الاعاده تفتح شهر عشره بعد العيد

رح وظيفتك ونخوك وخلك من الكلام الفاضي .. لا وبعد على حسابك البعثه

انا اتحدى اي مبتعث ضامن وظيفته الا اذا عنده واسطه ..

والله العظيم والذي لااله الاهو اني اعرف واحد شخصيا عنده ماستر من استراليا وماتوظف الى الان

تستطيع ان تتوظف اي وظيفه .. لكن مو الوظيفه الي تتمناها .. وتحسها تناسب تعبك وغربتك

هذا مجرد رأي من واقع خبره متواضعه.. لاتنسانا من صالح الدعاء

وظيفتك عند اهلك ازين