حوار ماهي نظرة الشاب السعودي في البنت المبتعثه..؟؟

اما بالنسبه لي انا رايي له جهتين الجهه الاولى والله انا تعذبت بالجامعه من ذا المصريات انتم يالعيال مو مثلنا احس والله انواع التحطم وانواع التهزيه والواحد ممكن انه ينطم اذا كان الشرح زي العالم
اكثر خريجات السعوديه تتخرج مو فاهمه شي من ذا الدكاتره اللي يستلمون 20 -18 الف بالقليل وعلى غير سنع دام اني انا ماارضها على نفسي ماابي بكرة بناتي وبنات اهلي يمرون بنفس اللي مرينا فيه نبي بناتنا يتعلمون نفس الدول الثانيه الى متى الدوله تصرف ومافيه تطور مافيه ناتج للتعلم - اذا انا وحده ثانيه وثالثه ورابعه درسنا وتعبنا وجينا هنا راح اكيد ندرسهم افضل من ذا العجايز اللي يجونا ماراح يستفيد بالاخير الابناتنا
الجهه الثانيه شوفت عينك لا وظايف ولاشي اكثر اللي قاعدين في البيت امتياز ومعهم مرتبه شرف والواحد يبغى حياه كريمه وراتب قوي واذا على كلامك انت تصرف على البنت ترى لو ببتزوج وتبي تكون اسره وتبني بيت لازم يكون معك مليون رريال اذا كنت بالرياض ؟؟؟ وتعال شوف الغلاء وين واصل ؟؟؟تقعد طول عمرك بقرض في قرض طبعا انا اتكلم عن اللي حالتهم متوسطه فاانا اشوف لو البنت حطت يدها بيد زوجها راح يجي البيت وامور الحياه بسهوله وهذا راييي الشخصي وبالاخير البنت تحكمها تربيتها مهما كانوا اللي حولها

ياشيييييييين العنصرييينين

والله التربيه هي الي تحكم اعرف بنات حرام يكون مبتعثات وبنات ناس
وفي بنات احسسسن من الشباب مليون مره ((((( لاحد يزعل *_*

أنا بشوف إن برنامج الإبتعاث للشباب والبنات ماله داعي غير بتخصصات نادرة ودقيقة
حتى الطب بشوف إنه بيدرس بالسعودية
ممكن تخصصات نادرة بالطب أوكي.. غير كذا صدقوني إلي جالس يصير هدر للأموال بشكل مخزي
مابقول إن مافيه أي فائدة.. لكن لو تعمل دراسة جدوى للبرنامج صدقوني المخرجات لا تذكر بجانب مليارات تصرفها الدولة كان من الأولى تأسيس جامعات قوية بالمملكة بها
شوفوا قطر وش جالسة تسوي.. فتحت فرع لجامعة جورج تاون بالدوحة
تعتبر هالجامعة من أقوى 10 جامعات بالعالم وجابوا أساتذتهم ويدرسون فيها أبنائهم
كنا نقدر بنص هالمليارات نبني جامعات قوية بعيداً عن تلميع جامعة الملك سعود الكاذب ونجيب الحائزين ع جوائز نوبل يحاضرون فيها لو بغينا
أغلب المبتعثين بنشوفهم في تخصصات عيب أسميها
وأنا منهم
تحياتي للعقلاء.. وآسف للإبتعاد عن صلب الموضوع

ماراح اقارن بين بنات مبتعثات وشباب مبتعثين ..

لاني مو مبتعثة .. والله يكتبها لي وطزز بالرجال كلهم ونظرتهم اهم شي رضا الله ووالديني .. عندي دين ثابته مبادئه احافظ عليه ما احافظ على عادات وتقاليد وضعها البشر تتغير حسب الوقت وحسب انتشارها حالها حال اي شي جديد يطلع لنا .. بالاول اعتراض وبعدين تلاقي اقبال وصار حلال وعادي وممكن اللي ماعنده هالشي يكون ناقص ( تناقض بين زمان وزمان )
فيه بنت ماعندها جوال ! والا لابتوب ؟ بتكون هي الشاذه في المجتمع .. عكس الشي في اول ظهوره ..

بما ان موضوعك يدور حول البنت المبتعثة قالأولى اني اقارنها بوحده مو مبتعثة

البنت المحافظة بتحافظ على نفسها هنا او هناك .. التربية والوعي وعيره من الشغلات ..

اذا رجل يفكر بالزواج ويفكر بهالمنطق للاسف ماني معه .. ببساطة ممكن تركت مبتعثة محترمة الى بنت ليل .. لكن من غرفتها او تجاوزت لاكثر من غرفتها ...

اللي يفكر يفكر في تربية الاهل وقبل كل شي استخاره ... مو مقتنع من البداية لاياخذ مبتعثة وبس بدون لايتعرض لها بكلام يمس سمعتها ..

لانو مايخفيكم لكل منا جانبه المظلم ... المظلم هنا يتفاوت وممكن يكون هالجانب جانب عادي وممكن تجاوزه الى العيب وممكن تجاوز كل هذا للمعاصي ... ممكن البنت اللي ماتطلع من بيتها .. لها اشياء مايعلمها الا الله .. والمبتعثة عيبها بنظر المجتمع انها مبتعثة فقط ...

بقولك قصة وياليت تستفيدين منها ...

قبل 40 سنة تقريبا فتحوا مدارس في ديرة امي .. ولكن كان جدي الله يرحمه معارض على دراستها والسبب ان البنت عيب تطلع من بيتها .. وطبعا الحال ماكان على امي بس كان على معظم البنات .. وكانوا يجيبون للبنات بس وحده تحفظهم القرآن ..

اللي سوته امي كان عيب في ذاك الوقت اللي هو صارت تروح للمدرسة من ورى ابوها ودرست سنة بعلم اخوانها بس .. بعد فترة تفتحوا الناس وصارت الدراسة مقبولة اكثر والحمد لله ابشرك امي تخرجت من الابتدائي هههههه

كملت دراستها لما جاها الوالد .. وباختيارها تركت الدراسة لاجل الزواج والاولاد ... والحين تعض اصابعها ندم .. على انها فرطت في الدراسة عشان الزوج والاولاد لانه ببساطة فوتت فرصة كبيرة كانت من المتفوقات .. والحين هي بنفسها تنصحني اكمل دراستي ولا اتوقف .. حتى لو كان بالابتعاث ..

باختصار شي يخصك لاتفكرين باحد .. فكري في ربك وثم والدينك ورضاهم ...

اما تفكرين بالزوج ونظرة الشباب ونظرة الناس .. ماراح تعيشين

واعرفي رزقك بيد ربك .. ما احد من الخلق يقدر يفيدك ولا حتى امك ولا ابوك ولا اكبر كبير من كبار الدنيا بدون امر من رب العالمين

ارضي ربك تتيسر امورك .. مالك حاجة عند غيره من خلقه ...


طبعا الكلام موجه لك بالضمير ... لكن الكلام عام

اسمحي لي أعلق على كلامك برغم طلبك عدم التعليق للأهمية..

ما فيه مشكلة ترفض وتعبر عن وجهة نظرها وسبب رفضها والمفروض الشاب يحترم ويتفهم والحمدلله كل واحد يمشي بطريقه!

مثل ما للشاب حق أن يكون له نظره بزوج المستقبل فللفتاة حق في أن يكون لها ذلك أيضاً ومن لا يتقبله أو يحترمه فليس أهلاً لأن يكون محل النقاش هنا!

احترام الرأي مهم جداً بغض النظر هل يتقبله أم لا! وما يطبقه الشخص على نفسه يجب أن يطبقه على غيره لأننا في الأمر سواء وليس أحد أعلى من أحد في هذا المقام!

المفروض نظره احترام و حسن نيه

غير كدا مع نفسووووووو ^_^

أنا مع الجميع في أن التربية لها دور كبير بس في المقابل يوجد مغريات كثيرة ومن أهمها الشلة الضائعة

أشوف أحيان بنات سعوديات يكشخن ويتعطرن ومكياج وووووو في المعهد أقول لها إستريحي بس محد درى عنك وعن كشختك والإمريكان آخر إهتمامهم المظهر والمقياس الوحيد ( إلتزامك بدينك ونجاحك نحو تحقيق هدفك )

ياخي ماشا الله عليكـ ,, وينك عنا من زمان لكي تدلو بهذهـ العبقريات للوزارهـ !!

هذا منظوركـ الضيق عن الابتعاث , انهـ فقط تخصص و تخرج و الرجوع للوطن ..

لكن نظرة خادم الحرمين الشرفين قد تكون اقل عبقريهـ من نظرتك الا انها وقعيهـ وجنت ثمارها الان وفي المستقبل , هو تغير النظر تجاره الغربيين ,, وانتشار الدين الاسلامي , و تعود الطلاب السعودين المبتعثين على النظام , فـ لك ان تفعل مقارنه بين اثنان اخوان في نفس التخصص الاول تخرج من جامعه سعوديه و الاخر من جامعه اوروبيهـ , سـ ترى فرق كبير جدا !

يقول احدهم ( لا اود ذكر اسمه ) ,,, " لو ان جامعة كامبردج وضعت في السعوديه بـ مبانيها و استذتها وكل مافيها ,, لـ اعلنت فشلها " <~ وقد صدق فيما قال. ,,

لكن ما اقول الا اسأل الله العلي العظيم ان لا يضع من امثال افكاركـ , في اماكن تشل عقول الشباب لـ شلل عقل واحد

بالرغم من عبقريتكـ الفذهـ , الا انك اجبت خارج الموضوع

بالتوفيق لكم

الحمد لله الذي علم الانسان مالم يعمل

اولا لو الرائى رايي والسلطه سلطتي لما فتحت مجال الابتعاث بل لدفعت نصف ما ادفعه من المليارات ولاحضرت ( هارفرد ـ اوكسفورد ـ كامبردج .... وافضل 10 جامعات بالعالم ) مع اساتذتهم للمملكه وفتحت الكليات بدلا من ابتعاث البعض في تخصصات زي علم النفس والخ والنصف الثاني لاعطيه الطلاب مكافات طبعا هاذا كله رائى لحد ينتحر يمكن لها مميزات ولها عيوب بس هااذا رائيي لان ها المبالغ الي تدفع للجامعات وتدفع سكن واكل وشرب الخ للالاف من المبتعثين ليتها في ديرتنا صح شي جميل انهم يحتكون في العالم وياخذون الشي الكويس ويعرف الواحد ثقافه الشعب والتسامح والخ

المهم الزبده وخلو عننا الفلسفه هههههه

اما بالنسبه لما نظره الشاب السعودي لا احد يستطيع ان يعرفها لانها اراء مختلفه لاختلاف المجتمع ولاكن قد يكون هناك نسب مويده نسب معارضه الخ
اما عني انا فنظرتي لها ( كل التقدير والاحترام لها مثل ما للشاب السعودي ) بل ازيد للبنات لانهم يواجهون اكثر من الي يواجهه الشاب المبتعث خصوصا المحجبات والله العظيم اني افتخر فيهم شوفو عندنا داخل المملكه تلقى الوحده تتوظف معلمه وتتعين بعيد عند منطقتها ب 400 كيلو او 300 وكل يوم تقوم من الفجر ولا ترجع الا المغرب وتلقاها تودع عيالها وربما لاترجع مع كثره الحوادث والمصايب كلها هاذا كفاح وصبر وجلد وتضحيات وتعرض للمخاطر في داخل بلدها
والغربه اشد الم نفسي ومعنوي بس تطلع ناس يعتمد عليهم بعد الله سبحانه وتعالى ياما شباب وبنات ما تعتمد عليه في اتفه الامور بعد الابتعاث تحس شخصيته تغيرت وبدا يعتمد على نفسه ومع الاسف الوم الوالدين الي يدلعون ابناهم بزياده ولا يعلمونهم تحمل المسؤوليه احيانا تلقى واحد وصل 29 سنه ما يعرف اي شي وتلقى واحد ما شاء الله عمره 17 رجال بكل ما تعنيه الكلمه بس على شان ما ياخذ الموضوع منحنى اخر بس باضيف اخر نقطه في مثل موجود انه 3 اشياء تصقل الشخص وتطلعه رجال وهي ( العسكريه ـ الغربه ـ السجن ) الله يكفيكم شر الثالثه

المهم ندخل بموضوع الارتباط عني انا صراحه يمكن ما اخذ الا مبتعثه وبالنسبه للي لانها متعلمه مثقفه ما ابتعثت الا وهي عندها عزيمه وطموح ومكافحه هاذا غير انها برا لو وش تسوي محد بيقولها ليه كل شي جايز عندهم فيبان المعدن الاصيل اللي متربيه صح وحاطه مخافه الله قدامها اما بالنسبه للي يناظر للجانب السيء فا اقولهم اصابع يدك موووووووووب سواء في بنات الله يهديهم وفي بنات ماشاء الله تبارك الله مثل ما في للشباب وانا اذا ناظرت للجانب السي فهاذه اصلا مشكله متاصله في المجتمع عندنا زي اللي تقول كل الشباب في البارات!!
اتذكر مثال بس وضع احد الدكاتره لوحه كبيره بيضاء وحط فيها نقطه سوداء سالهم وش تشوفون كلهم جاوبو نشوف نقطه سوداء الا شخص واحد قال لووحه كبيره بيضاء وفيها نقطه سوداء دائما نذكر السلبييات ونسب ولا ننمدح
ورجاء خاص لحد يحكم لا على البنات ولا على الشباب انهم فيهم وفيهم هم نسبه قليله ولا ينسى الكثير جدا من الي يرفعون الراس ويعتز فيهم الواحد من بناتنا وعيالنا
وفي الاخير هاذا رائى انا اذا بارتبط يمكن اشترط انها تكون مبتعثه لاني راح اشوفها على طبيعتها من دون ما احد يقول لها عيب وش بيقولون عننا الناس قبل ان يكون ماتفعله حرام
في الاخير في بنات وهم في غرفهم مسكر عليهم قد تكون داعره وفي بنات لو تروح المريخ ما غير منها شي نفس المثل ينطبق على الشباب
الحافظ هو الله
والله يحفظكم كلكم بنات وشباب
ويضبطون حالهم المبتعثات لاني باخطب وحده منهم باذن الله