حوار ماهي نظرة الشاب السعودي في البنت المبتعثه..؟؟

الشعب .. خربوها ترتبطون هههههههههههههههههه ..

موفقين عاد اعزمونا .. ض1

اما نظرتي فتكتفي بقولي الله يوفقها من كل قلبي ----------------------------------------------------------- أما اذا كانت متزوجه والمرافق زوجها فأتوقع بأنه عز لها و لزوجها
واما ان كانت
غير ذالك ولايهم المرافق من يكون فأتوقع بأن جلوسها في منزلها افضل لها من ابتعاثها حتى لو كانت ملتزمه إلتزاما كاملا
لأنها سترى العجائب اما عينها
يعني في امريكا النظام مفتوح بين العشيقين والخزعبلات
هل ؟
هل؟
هل؟
تساؤلات كثيره اوكيه ستغظ الطرف ولاكن المرة الأولى
كثرة هذه الحركات فماذا تفعل ؟
يقول الرسول صلى الله عليه وسلم ( إذا نظر أحدكم إلى المرأة الحسناء فليأت أهله فإن الذي معها مثل الذي مع تلك فقام رجل فقال يا رسول الله فإن لم يكن له أهل فما يصنع؟ قال: فليرفع نظره إلى السماء و ليراقبه و ليسأله من فضله.
الله يستر عليكم
ويستر على نساء المسلمين المبتعثين والموجودين

اآخرر شي افكر فيه رايهم فيني

طالما انا مقتنعه وابي هذا الشيء ، ماهمني غيري ولا رأيه

سلام

بصراحه وجهة نظري يمكن تكون اغرب وجهة نظر

عن نفسي لو خيرت بين بنتين ملتزمات لكن الاولى مبتعثه والثانية معها اولى ابتدائي مسائي وراسبه في 7 مواد (زي ماقال احد الاخوان) راح اتزوجها لاني مابغى زوجه افتخر فيها لشهادتها ويمكن تشوف نفسها علي وتذلني بمستواها التعليمي غير كذا الغربه اكيد مرت بمواقف انا ماقدر اتخيل ان زوجتي مرت بهالمواقف.انا ابغى زوجه تعتني باولادها وببيتها ولله مابي شهادتها ولا ابي وظيفتها .

انا راح افرح ان زوجتي مبتعثه في حاله انها كانت مرافقتي وكانت معي واعرف وضعها وهي تعرف وضعي وقتها اقلها تعلمي لله يوفقك لكن بشررط بدون وظايف.

والله البنت العاقله وين ماتروح بتكون مادبه
بس اللي يقول احسلها تقعد في البيت احسله يسكر فمه ولا يكثر هرجه

ليه يام الخير تتزوجين واحد اجنبي ليه قلوا ابو سروال وفلينه
وبعدين نفسي اعرف كيف اهلك رضوا انا والله لو اقول لاهلي بس مجرد سوال اتوقع بيقبروني وانا حيه ههههههه

ماهي نظرة الشاب السعودي في البنت المبتعثه ؟ وهل يمكن ان تتزوجها؟
نظرتي انا كرجل
البنت في عيني افضل من الرجل
عندنا مثل يقول الرجال مايعيبه شي ..فتجد بعضهم الله يهديه يسكر وينكر ويزني ولا احد يدري عنه الا ربه
بغض النظر عن الدين
مافيه بنت عاقله واعيه ذكيه ومدركه بالامور ان تقع في المسكرات والزنا لان كل هذا راح ينكشف بعدين لما ترجع .
وهدف المبتعث والمبتعثه انهم يدرسون ويرجعون بشاهده وتمشي الحياة على الروتين المعروف

بخصوص الزواج:

انا عن نفسي ما راح اتزوج مبتعثه .
مافيه اي مبتعثه ماراح تكلم او تتساعد بخصوص الدراسه مع رجال معها في الكلاس ومستحيل اصلا تصير (غصب ولازم تحتك مع رجال)
وانا في نظري: البنت جوهره ثمينه مصونه وموب كل من هب ودب تعامل معها!
وانا ما اضمن بكرا اذا توزججت وحده تكون دارسه في جامعه دارس فيها ناس اعرفهم
^البنت المبتعثه غالبا ماتتعرض لمشاكل خارج بلدها^
وفي ديننا ان الرجال هو المسؤل عن المراه والي يتكفل فيها ... لو ماعندنا جامعات هنا كان نعذركم شوي لكن فيه جامعات ليه ماتدخلونها ؟
اما الرجال هم الي راح يعملون ويبنون الدوله ولازم يكون الرجل واعي ومتعلم وفاهم ومتعلم زيين

هل الشاب السعودي يفتخر في البنت المبتعثه؟ وهل يثق فيها ؟
افتخر فيها في حاله
وحده اذا كان تخصصها نادر وصعب وبالاصح راح تخدم بلادها زي لما تكون دارسه طب وتعالج المرضى
اما عن التخصصات الثانيه .. فيه جامعة نوره اكبر جامعه بناات ضاااقت مالقيتي كرسي تدرسين فيه!
غير كذا البنت عاطفيه قبل ان تكون واقعيه(على بلاطه دبشه وينلعب عليها بالراحه)
بخصوص الثقه الافضل اني ما اتكلم في هذا الموضوع

1- انا اعرف بنات مبتعثات و قرب تخرجهم .. لو تلف الدنيا كلها ما بتحصل مثل هالتفكير و الرقي الي فيهم


2- في ناس يدورون المتعلمه ترى

3- احسنوا الظن بخواتكم

4- لاختيار الزوجه معايير تختلف ( المستويات الثقافيه - الاجتماعيه - العقليه ) و قال الرسول صلى الله عليه و سلم (( تنكح المراه لاربع : لمالها و لجمالها و لحسبها و لدينها فاظفر بذات الدين تربت يداك ))

5- انا عن نفسي لو اني ذكر باخذ ذات الدين الي تربي عيالي تربية زينه و تحفظهم القران الكريم و اثق فيها بغيابي بغض النظر عن انها مبتعثه ولا لا .. و اعتقد ان اللي يمتنع عن الزواج عن المبتعثه بس لانها مبتعثه هذا متخلف درجه اولى ..

و شكرا

الان نحن في عصر جدا جدا متغير

يعني اذا الرجل اخذ وحده متعلمة تعرف تدرس عياله

وفاهمه وحتى اذا راحت المدرسة تسئل عن بناتها يقول المعلمات ماشاءالله

امها متعلمة ومهتمة ببنتها

تجيك وحده على قولة اخونا متخرجة ابتدائي وراسبه كم سنه يعني

انت يهمك مستقبل عيالك من بيدرسهم ومن بيهتم بيهم ماتعرف هالسن وش بيحتاج

من اسلوب تربية من مراهقه وغيرة

وغير كدا تحس فكرها محدود طبخ عيال رجال مثل جارتي

مرااا مااقدرت انسجم معها لانها مااحس تناسبني هرجها

امي معلمة تقول فرق بين دفتر بينت والدتها معلمة من ناحية النظافه والاهتمام والترتيب

والام اللي ماتدري ان عندها بنت تدرس وتحتاج متابعه واهتمام

غير كذا هل الرجل يرضى ان زوجته بين حريم كلهم جامعيات

ويسولفون بمواضيع كبيرة والمتخرجة من الابتدائي مو فاهمه ايش الهرجه

مع مافي فرق بالعمر

الان البنت اهم شي عندها شهادتها ومستقبلها فوق كل شي

والبنت الان هي الي شايله البيت والمصاريف

واعرف كثير معلمات زي كدا

والدليل اغلب المبتعثين نساء لانهم هم المتفوقات وباذن الله فيهم

الخير لاهلم ووطنهم

انا عارفه ان البنت صعب تبتعث وهي مو متزوجه وحتى لو قالو عادي

الله يوفقكم

ماادري هذا كان نفسي اقوله من زمان بس انشاء الله يكون هنا المكان الانسب

بسم الله الرحمن الرحيم

اعتقد الشخص المحترم يفرض نفسه على الجميع سواً مبتعثة اولا
دامني واثقة من نفسي فلن اهتم بنظرة الناس
مبدائي دامني مرضية ربي واهلي فرزقي بيد الله وليس بيد نظرة الناس


انا طالعه مع اخوي عزابي ولو لقيت بنت الحلال فلا مانع في ذلك ولو تقدم لي مبتعث واستخرت الله وارتحت فلن اتردد في ذلك
البنات فيهم الصالح والطالح وكذلك الشباب لانتسطتيع وضع نسبة محدةة للبنات وا الشباب


الله يوفقنا جميعا وجعلني الله واياكم قدوة في كل مكان