هل استطيع جمع 10 الاف دولار من المكافأه خلال سنتين ؟؟

هههههههههههههههههههههههه,,,,,,,,,,,,,لاتنسى انك رايح امريكا ...اختي صارفه 80 الف وهي عاشت ست شهور ...اهلي يحولون لها كل شهر المكافاه ماتكفي

مستحيل
أنا عايشة على الأساسيات فقط
لا طلعات لا مطاعم لا شراء شيء جديد
والله ان ملابسي هي هي من يوم دخلت أمريكا
ولا قدرت حتى اتوقف عن التسلف من السعودية كل شهر
الإيجار غالي
والمصاريف نار
وربك يعين

في أمريكا أعتقد يختلف من ولاية لولاية ومدينة لمدينة

يمكن واحد يسكن بـ 500 في ولاية لكن ولاية ثانية 800 أو 900 !

يمكن واحد يستخدم المواصلات العامة للتنقل لتوفرها في مدينته بينما آخر تأخذ السيارة والبنزين جزء كبير من مكافأته!

في ولاية قد تكون نسبة الضرائب أعلى وفي هذه النقطة بالذات انظر لها من منظور بعيد المدى كسنتين وثلاث واحسبها وستجد مبلغ معتبر قد كان من الممكن توفيره بدون هذه الضرائب!

في البداية والنهاية تعتمد على الشخص نفسه وحكمته في إدارته لأموره المالية واتزان صرفيته وعدم تبذيره!

أظمن لك تقدر تجمع أكثر من كذا
المكافئة أكثر من 1800 دولار، شخصياً ما أجمع، بس ألاقي نفسي آخر الشهر رصيدي فيه أكثر من أربع مئة دولار رغم أني ما أحسب كم انفقت بالشهر، وساكن بشقة أجارها 725 وادفع فواتير الكهرب والنت والجوال واتعشى في المطاعم واشتري اللي أحب اشتريه ومع ذلك الحمد الله يبقى كثير
باعتقادي تقدر توفر إذا عندك نية
بالتوفيق لك

تقدر اليوم بالمعهد واحد من الشباب يقول انه يوفر من المكافأه شهريا 500 دولار

ولاية بنسلفانيا من قاىمة الولايات الغاليه ، في فيلادلفيا هل ممكن الواحد يجمع مبلغ 7000 دولار في خلال ست او سبع شهور ؟

على حسب صرفيتك واكلك وشربك ووين بتروح في اي ولايه حاجات كثير بتبينكلك اذا بتقدر ولالا

ياشباب وش السالفه الي يبي يجمع فلوووووووووووس
هههههههههههههههه
اقول قل عساك تسد عمرك وحاجتك ( الحمد لله ع كل حال)
المكافئة وانا خوك بشرح لكم
1800 دولا وفكه
نبدا بسم الله
900 دولار سكن
400 فواتير كهرب موية غاز تلفون جوال كيبل نت كيبل تلفون
70 دولار اشتراك بالباص نقول ما عندك سيارة تبي توفر لان السيارة راح تخليك تصرف اكثر
540 دولار اكل لو قلنا ان الوجبه ما راح تكلفك الا 8 دولار مع التاكس وانك ما راح تاكل الا وجبتين الا في اليوم 8*2=16*30=540
كلها تطلع 1910 والمكافئة 1847 تقريبا
هذا من غير يمكن تحتاج شي يسير لك مشكله او حاجه او يمكن تشتري ملابس هذي ما حسبناها قلت يمكن ملابسك الا تشتريها من السعوديه تكدها طول ما انت مبتعث خخخخخ
وبالتوفيق للجميع

ووش المغزى من سوالك ما فهمت شي

اخوي ما تحتاج تعرف المغزى لان كل واحد له رغباته واحتياجاته .. انا بس حبيت اعرف هل ممكن اني اجمع او صعبه؟؟ وترى عشر الاف دولار مبلغ مو سهل ..لو ترجع السعوديه بهالمبلغ يكون معك 35 الف ريال تقريبا ..
زوّد عليها وشوي وخلّه مهر .. ههه طبعا مو كذا تفكيري