علي قرض بنكي ؟؟ الي عليه قرض ومبتعث يدخل الله لا يهينه يفيدني

واحد من الشباب عليه 350 الف ريال من البنك السعودي الفرنسي من عام 2009 وكل شوي البنك يتصل به ويهددونه
رجع للسعودية اكثر من 6 مرات اخرها قبل شهرين ولا حد قاله شيء
يعني امورك في السليم
وعلى فكره اي بنك مأمن على القرض
يعين لو ما سددت شركة التامين هي اللي تسدد

يعطيكم العآفيه والله فيه ردود تريح البااااال

انا ماخذ القرض من البنك السعودي للاستثمار

اخوي الي كان يشتغل بالبنك ^^
لارجعت ان شالله بالسلامه وحصلت لي وظيفه وبديت مسيرة حياتي العآدية ،، البنك يسوي لي اعادة جدوله ؟ ولا بينشب لي الا يبي المبلغ كامل مره وحده ؟

انا بعد عندي قرض من سامبا وبعثتي بعد شهرين ،، ودي اسحب عليهم ومااودي

طيب يااخوان اقصى شي يوصلونه البنك يحطونك في البلاك ليست فقط ؟؟ مايرفعون قضيه ولا المحاكم ترهن املاكك ولا ؟؟

ووضع الفيزا انا وودي قبل للسافر اطلع فيزا من الراجحي ؟؟ هل اذا ماسددت للسامبا يحطوني في البلاك ليست ويكنسلون الفيزا ؟؟

بس لو ينتهي جوازه ماراح يقدر يجدد الجواز.. نقطة مهمة

من قال لك هالكلام ؟ اللي قال لك هالكلام كذوب ما يدري وين الله حاطه

رجاءً يا أخوان اللي ما يعرف لا ينشر معلومات مالها سنع.

مدري عن الفيزا من البنك هل تتكنسل ولا لا. ما أتوقع لأن كل قروشك وحساباتك في البنوك الثانية ما يغيرون فيها شي

بالبنك نفسه لو عندك اسهم قيمتها فوق قيمة القرض ما يلمسون منها ريال واحد الين انت ترجع. فقط البنك اللي عنده القرض يجمد حسابك عنده ومحافظك الاستثمارية

اخوي سماء الى الان ماتم تطبيقها في السعودية ولكن فكرته موجوده والنظام موجود من شهر 11 العام الماضي ..
سماء الان متعامل معها ( شركات الإتصالات السعودية - البنوك - بعض شركات السيارات وليست الكل - بعض الدوائر الحكومية واهمها المرور )
النظام متكامل ولكن صعب تطبيقه كل السعوديين عليهم قسائم وفواتير ...

يعني كذاب اللي قال لك هالمعلومـــات ...

ممكن رفعوا اسمك للبلاك ليست وهذا فيه مشكلة عليك مستقبلا بتنحرم من امور كثيرة واهمها ان البنوك الباقيه ممكن تحرمك من الحصول على قرض او ممكن تصعب عليك الشروط ليصبح تحقيقها مستحيل او شبه مستحيل ..
غير كذا عــدد من شركات السيارات صارت تمنع اعطاء سيارات لمن هم في قائمة البلاك ليست في سماء وهذي مشكلة اخرى ..


ســدد لهم وريح راسك انت كذا والا كذا مسدد ..

وفقك الله وكان الله بعونك ..

انا زوجي خايف انه لو سحب عليهم ورجع من السفر يبتدون يسحبون كل الي بالرصيد (بنك سامبا)
اتمنى الي عندهم خبره بهالامور يفيدونا

أخي الفاضل :::

هناك رد واحد فقط من شخص كان موظف في بنك من البنوك وهذا هو أفضل وأحوط رد تستطيع الأخذ به ...

لدي لك نصيحة ::: (( وهي أن تحاول قدر المستطاع بأن تبحث عن قريب أو صديق أو أيا كان ليقرضك مبلغ البنك وتكون قد اتفقت معه على مدة القضاء ))
لأنه عاجلاً أم آجلاً ستقضي هذا الدين ،، لكن معنى نصيحتي هو أن تعجل بسداد الدين لأن هموم الدين صعبة جداً وطعمها مر جداً .ولأنه أيضاً سيؤثر على دراستك ومستقبلك .
وكن مع الله ، يكن الله معك .
ولتكن خائفاً من ((الرحمن)) قبل الخوف من الوزارات وهذا الكلام الفاضي ..
وأسأل الرحمن الرحيم رب العرش الكريم بأن يقضي لك هذا الدين ويريحك من همومه ويوفقك في دراستك ومستقبلك .

سمه شغالين من زمااااان موب من العام الماضي

في السنتين الاخيرة دخلت شركات الاتصالات ضمن المستفيدين من الخدمة

وسمة مافيها Credit History للأفراد. يعني اذا سددت البنك او شركة الاتصالات تروح لسمة ويزيلون اسمك من القائمة, ويصير ماعليك شي

اساساً حتى لو راجعت بنك ولقوك على البلاك لست يقولون لك رح لسمة استعلم عن الجهة اللي تطالبك. وسددهم. وخل سمة يزيلونك من البلاك لست

انا صار معي نفس الشي.