استفسار بخصوص الايفون

نصيحتي اشتريلك واحد مفتوح رسمي .. لو ماتبي تعور راسك ..

يا امريكي يا بريطاني .. واحد منهم ..

لاتاخذ 3gs خذلك ٤ ولو تبي تصبر شهرين بينزل ال ٥ .. لكن بينزل غالي

الايفون ٤ سعرة ٦٠٠ دولار وشي .. ولو تصبر يوم ماتجي هنا تشتريلك واحد عادي يعني يشغل اي شريحة ..

الي هوا مفتوح رسمي يشغل الشرايح السعودية والامريكية واي شريحه في العالم ..

سوا اخدتة من هنا او من امريكا ..
والجوال يدعم العربي ..

انا بعد توي شارية ايفون،،
الفيس تايم معناتها مكالمة صوتية ومرئية ببلاش وبجربها ان شاء الله،،،
الجليبريك يعني يصير الجهاز مكرك بمعنى اي برنامج بفلوس يصير ببلاش ،،

بتلقى اجهزة مفتوحة رسمي على اي شبكة والفيس تايم شغال دون جليبريك،،

طيب الجالكسي تآآب كم سعرهـ هنآك اذا بيعه
مع العلم حقي مستخدم ونظظظيف يعني ما كمل شهر

او تنصحني ابيع الجالكسي هنا
واخذ فلوسه هناك واشتري الايفون هناك

جليبريك >> هآآه سمعت عن برنامج يقولون تنمسك عليه بالمطار الي بالايفون الي ينزل ببلاش هو هذا البرنامج ؟

ما ازيد ع الأخوان ..

لكن انا معي 3GS وما عانيت من التعليق .. لكن الحقيقة وللأمانة .. ما كنت أدري وش أسوي بدون الأيفون من بعد عون الله ..

خذ مثال .. الباصات >> جدول الباصات لو تشوف خرايطها المنشورة والموزعة بالباص والله صعب تفهمها --> بالنسبة لي .

لكن بالايفون حط الوقت الي بتمشي فيه .. وحدد مكان وصولك ويقولك أي باص تاخذه ..

كذلك في المعهد .. بالبريك غالباً راح تحتاج الانترنت تتصفح .. تشيك ع البريد و الماسنجر .. او الفيس بوك أو التويتر .. فيغنيك عن حمل اللاب توب في كل وقت ..

كذلك التقويم تحتاجة .. الساعة العالمية .. للسعودية .. لمدينتك .. لواشنطن بحكم عمل الملحقية ( فرق التوقيت بيني وبين الملحقية بين 3 و 4 ساعات ) وكلها يوفرها لك الايفون في برنامج واحد .. وكذلك الأحوال الجوية ..

وبرامج ملاحة لولايتك .. يوفر لك المطاعم .. الكوفيهات .. الأسواق .. المكاتب .. إلخ .. للي حولك ..

الأتصال بالاهل و الاصدقاء .. عن طريق الايفون للأيفون ببلاش .. ببرنامج VIBER .. أو الـ TANGO اذا حبيت تكلمهم فيديو ..

كذلك الكتب الإلكترونية .. مجانية .. أو غير المجانية .. و أ هم خاصية يوفرها لك الأيفون " يسوي سكانر " لأوراقك .. كثير جداً جداً تحتاجة لما تراسل المعهد .. أو ملحقيتنا الغثيثة ..

تقدر كذلك تستخدم البوابة الإلكترونية للملحقية عن طريق برنامج من إصدار وزارة التعليم العالي .. أسمه MOHE ..

كنت مركب شريحة تي موبيل ع البلاك بيري .. وألغيت الخدمة وركبتها ع الايفون لحاجتي الضرورية للأنترنت في كثير من الأوقات .. خصوصاً ان أغلب شركات الإتصالات هناك الأنترنت تقدر تاخذه غير محدود وبرسوم شهرية ثابتة ..

اذا تبي رأيي .. أجل شرائك له أن ما كنت مهتم بالي ذكرت لك .. وانتظر نزول ايفون 5 .. خلال الشهرين الجاية .. أو أشتر لك 3GS مستعمل 16GB أرخص لك .. حتى ينزل الـ 5 وتزين احوالك المادية ..

أو أن كان ودك تشتري 4 جديد .. بس لا تشتري الـ 5 بعد كذا ..

حبيت افصل أهم إحتياجات الأيفون بالغربة .. ممكن تستفيد منها أنت أو الأخوان الأعضاء ..

ولا تنسوني من دعواتكم .. و بالتوفيق ..

انا معي ايفون 4 من موبايلي يعني مراح يشتغل ؟!!!

لا يشتغل .. اذا مو مربوط بأقساط شهرية .. يعني اذا كنت مشتريه كاش ..

وعشان تتأكد ركب شريحة زين أو STC .. ان أشتغلت تمام .. و أن ما أشتغلت تفاهم مع موبايلي ..

بيشتغل اذا رحت لاي محل وقلتله فك الشفره راح يفك الشرفه يصير على كل الشرايح < مجرب

كلامك صحيح .. بس فعلك غير قانوني ..

و أعتقد كلكم فاهمين وش معنى غير قانوني بأمريكا ..