مساعدة لماذا لغتي الانجليزية لم تتطور

تابع انميات يابانيه مترجمه انجليزي .. تستفيد كثير بس المشكله ما يتطور الاستماع عندك لانهم يتكلمون ياباني

ماشاءالله عليك ربي يوفقك ان شاءالله

عندك مواقع حقت محادثة بالانجليزي غير الموقع الي قلت عنه

لا تلعب على نفسك انت تطورت بس يبي لك تشد حيلك اكثر
لان اغلب المبتعثين يدمر نفسه نفسيا فما عاد يقدر يتعلم لأنك اذا اقنعت نفسك انك فاشل والله تجلس فاشل طول حياتك والعكس بالعكس
فالشخص لازم دائماً يعطي نفسه رسائل اجابية
واذا تبي تتاكد قارن بين نفسك اول ما جيت والان
اول كنت تدخل الكلاس وتطلع منه وانت ما فهمت والان؟

انا ولله الحمد كنت دائماً متفائل وعارف اني اضعف واحد بالكلاس من ناحية اللغة وبعد سنة وكم شهر جبت الدرجة المطلوبة ودخلت الجامعه الحمدلله فانت صدقني لو تجتهد على نفسك اشوي تجيب الدرجة المطلوبة وتدخل الجامعه وربي يوفقك وين ما رحت

1.خالط الناس و افتح مواضيع معهم مثل ما تفضل بعض الإخوان في ردودهم
2. اقرأ و اقرأ و اقرأ يعني خلنا نقول ساعتين يوميا و طبعا القراءة تكون بهدف القراءة بحد ذاتها يعني مثل ما تفتح كتاب بالعربي و تبي تقرأه ليش تبي تقراه لأن الموضوع أغراك و تبي تتعمق فيه و نفس الفكرة شف لك شي يهمك و يجذبك و اقرأ فيه باللغة الإنجليزية بس حاول تستشير في نوعية الكتب أو المقالات اللي تبي تقراها علشان تتاكد من مسالة سلامة اللغة لأن مثل ما بالعربي كتب مكتوب بلغة سليمة و كتب أخرى مكتوبة بطريقة سيئة ( أقصد من ناحية اللغة و قد تجد هذا في كتب مشهورة ) كذلك بالإنجليزي هناك كتب مكتوبة بطريقة لغوية سليمة تفيدك في بناء معرفتك باللغة و أخرى لا
3. حمل الملفات الصوتية من هذا الموقع www.eslpod.com على جوالك و هناك غيره و لكن هذا اللي جربته و أثناء تنقلاتك ضيع وقتك في الاستماع إليها و ما فيه مانع من التواصل بالإيميل مع نفس الرجل
4. حاول تعود نفسك على استخدام قاموس انجليزي انجليزي مثل قاموس أكسفورد أو ويبيستر أو لونج مان

انا اخوي مثل حالتك تماما فاهم القرمر عن ظهر قلب

لكن بالكلام كاني مبتدى الاسباب مانختلط بالامريكان .. ولي اسبابي انا وعلى العلم اني كذلك ماختلط بالعرب نهائيا من جيت امريكا
ماعرف الا اثنين واحد بمدينه بعيده واحد بمدينتي وبالجامعه مانتقابل الا بالشهر مره

بصراحه وفي ناس بتزعل لكن هذه اللي اشعر فيه اذا ماصرت داشر وتمشي مع امريكان وتسوي زي سواياهم تشرب و دخن ولا مارح تتعلم
وهذه جالس اشوفه اعرف طلاب كثير لو تقوله اكتب اي كلمه انجليزيه مايعرف يكتبها لكن لمن يتكلم تقول نيتف سبيكنج!! السبب انه طول اليوم طلعات مع الامريكان ويسوي زي عمايلهم

وهذي الاسباب اللي تخليني ما اطلع الحمدلله اهم شي ديني وطز مولازم اعرف اتكلم انجليزي

وافضل شي تعوضها انك تتكلم بالمعهد مع الطلاب الاجانب صح وقت ضيق لكن مالك الاكذا ولاتنسى القراءه تحسن لغتك اكثر

وعليكم السلام
الحقيقه الاخوان اجابو عليك من واقع خبره وتجربه
انا ما راح اضيف الكثير على نصايحهم لكن راح احلل لك ليش انت كذا
اولا :
كونك انك ما تحسنت فهذا الكلام غير صحيح وراح اقولك ليش
الناس نوعين في تعلم اللغه ونوعك يحدده طريقة دراستك للغه
فيه ناس تتعلم بشكل تدريجي وتحس بالتطور مثل اللي يبني بيت لبنه لبنه طوبه طوبه
وفيه ناس واللي انت منهم تتعلم بشكل منفصل وستجد نفسك فجآه انك تعرف اللغه
مثل اللي يبني بيت كبير لكن ليس لبنه لبنه طوبه طوبه لا ..كل قسم تبنيه لوحده حتى اذا اكتملت جميع الاقسام ركبتها في يوم واحد وستجد ان امامك بيت جميل وتفتخر ببنائه

لكن لا تفرح وتقول ابنتظر حتى اجد نفسي متعلم لا ... لانك تحتاج انك تبني جميع الاقسام واذا لم يكتمل قسم واحد لن يكمتل البناء .
ثانيا:
بالنسبه انك تحتاج اذا بغيت تتكلم لازم تفكر فيه بالعربي بعدين تترجمه بالانجليزي
السبب لانك في الكلاس تستخدم القاموس انجليزي- عربي بكثره انصحك انك ما تستخدم القاموس في المعهد ابدا ابدا ابدا استخدمه في البيت فقط وللضروره القصوى
اذا كنت في الكلاس وواجهتك كلمه ما تعرفها لا تترجمها في القاموس لا ... اسال المدرسه وخلها تشرح لك معنى الكلمه انت دافع فلوس او الدوله دفعتلك فلوس حللها ولا تستحي منهم وقلهم انك دافع فلوس وجاي تتعلم هذا في حالة انهم ما ردو على اسالتك وهم يفرحون انك تسال
عندنا في المعهد يقولون لا تستخدم القاموس وقدامك قاموس متحرك خخخخخخ

اما بالنسبه انك تجد صعوبة ان الناس هنا تفهمك والكلمات بالصعوبة تخرج
السبب واضح انك ما تتكلم كثير ... تكلم وخذ نصايح الي ردو عليك
والسبب الثاني ان طريقه النطق عندك ضعيفه
اذا حفظت الكلمه انطقها بصوت عال وعندك المرايه .. تكلم قدامها وارفع صوتك ثم ضع الكلمه في جمله ثم انطقها بصوت عال وكانك تكلم واحد قدامك .... بعد فتره بسيطه راح تجد نفسك انك تتكلم بطلاقه
والعرب ما عندهم مشاكل في النطق لان الناطق باللغه العربيه يستطيع ان ينطق جميع مخارج الحرف وليس مثل الصينين او الكوريين
حنا العرب نواجه صعوبه( ليست صعوبه بل اقل من ذلك بكثير )بالنسبه للغه الانجليزيه في نطق حرفين فقط هما حرف P لان الباء عندنا ثقليه وهم خفيفه والحرف الثاني هو R الراء عندنا ثقيله وهم ما ادري وشلون ينطقونها بين الخفيف والثقيل .. ع العموم تحتاج ساعه واحده او اقل في تعلم نطق الحرفين النطق الصحيح وفيه مواقع لتعلم مخارج الحروف وانصحك بالموقع هذا

http://www.uiowa.edu/~acadtech/phonetics/#

وايضا عشان تنمي النطق الصحيح حاول انك تكرر ما يقوله المدرس وهو يشرح اي جمله يقولها قولها وراه بينك وبين نفسك ، وهذي الطريقه كان الرسول صلى الله عليه ويسلم يفعلها اذا نزل عليه القران لكن نهاه الله بقوله( لَا تُحَرِّكْ بِهِ لِسَانَكَ لِتَعْجَلَ بِهِ ) طبعا كان الرسول من حرصه على حفظ القران
والطريقه هذه اعتقد انها مفيده لتحسين النطق وليس للحفظ

ونصيحه اخرى اذا كنت تجد صعوبه انك تتكلم او تنحرج انك تتكلم مع ناس غريبن سجل في نادي التوست ماستر
هذا النادي ما يعلمك النطق فقط لا ... يعلمك حتى فنون الاقاء باللغه الانجليزيه ويطور عندك اجابه الاسئله المفاجاه
يعني يطور عندك المحادثه بكثير ويخليك متحدث لبق واغلب المسجلين فيه امريكان يعني ما يحتاج تسوي نفسك ضايع ع شان تتكلم خخخخخخخخخ
هذا رابط النادي
Find a Club - Toastmasters International

ادخل الزبكود ع شان تشوف اذا فيه نادي قريب لسكنك
وانا ما سجلت فيه الى الان لكني مراسلهم

وهذي مواقع متفرقه ممكن تستفيد منهن
Randall's ESL Cyber Listening Lab - For English as a Second Language


Idioms - ESL Basics

Best Grammar Checker and Proofreading Software by Grammarly

تقدر تخالط الامريكان عن طريق نادي التوستماستر

راجع ردي رقم ١٦
وهو نادي محترم وراح تتعلم احسن من الداشرين