:( الاي توني حقي ضاع اقدر ادخل امريكا انا رجعت السعوديه اجازة بس

الأخ الفاضـل
حسن من الفاضك وارتقـي بأسلـوبك قليــلاً..أنت لســت مجبــر علــى الــرد بهــذهـ الطريقــه
الـى متـى نستمــر في الأسلــوب العقيــم في الـرد والمشـاركه علـى المـواضيع الحـواريه ومـواضيع الأستفسـارات...
في أمان الله

طيب اختي ليش مادورينه مرة ومرتين وثلاث ان شاءالله بتلقينه يعني دوري بالأماكن الي مستحيل تتوقعين انك حطيتيه فيها
لأنه ساعات الواحد يسهى ويحط اغراضه بأماكن غريبة جدا انا ساعات اضيع اشياء وادور لين اعجز وبعدها ادور بالأماكن الصعبة الي مستحيل افكر فيها وفعلا احصلها
يعني البني ادم سهاي والله مرة قاعد ادور ريموت التلفزيون ماحصلته مع انه كان في يدي دورت ودورت واستسلمت قعدت اغير المحطات يدويا وفجأة عطشت وفتحت الثلاجة حصلته قدامي وش جابه في الثلاجة
استرجعت المموري وتذكرت اني فتحت الثلاجة وحطيته على الرف وشربت ماي وسكرت الثلاجة وهو داخل وياما وياما صارت واجد بأشكال مختلفة
لاتستسلمين دوري عدل يعني وين راح يطير الا اذا ماجبتيه معك من امريكا هذا شي ثاني دوري وان شاءالله تحصلينه.

اختي اتصلي على السفاره الامريكية بالرياض او روحي لهم بنفسك واسألي عن افضل حل لمشكلتك , انا صارتلي مشكله وسألت عنها هنا بالمنتدى وجاني كلام ويوم رحت للسفارة لقيت كلام ثاني!!!!

مشكور اخي راح ارجع ادور زين مع انه دورت بس برجع

اخوي انا مو بالرياض يعني بتصل عليهم اذا عندك الرقم ومعلومات هم مداومين بكرا او لا واذا مداوين اي ساعه ومشكور حيل

اختي نصيحه لا تضيعين وقتك , اذا ما كنتي مسؤله عن ايتوني وهو ورقه , كيف راح تكونين مسؤله عن نفسك وانتي في غربه


علعموم هذي نصيحه وانتي على راحتك

راسليهم على الايميل وكلميهم بعد مع اني افضل المراسلة لان الي راح يردون على التليفون مجرد موظفين استقبال معلوماتهم على قدهم ما اعتقد راح يفيدونك لاكن جربي مانتي خسرانة
دوامهم من السبت الى الاربعاء من 8 صباحا الى 4 عصرا
هذا الايميل
riyadhniv@state.gov
وهذا رقمهم
014883800
بالتوفيق.

مع احترامي رد اقل مايقال عنه سخيف وماله داعي
يعني عشان ضيعت ورقة خلاص وقفت الدنيا صارت ماهي مسؤلة عن نفسها
يعني انت الحين ماضيعت شيء في حياتك!! والله عشنا وشفنا
للمعلومية فيه أشناب ضيعو جوازاتهم في امريكا جت على ورقة رح انصحهم ياناصح!!

دائما متفائل من جد شكرا جزاك الله خير

راح اتصل فيهم باذن الله

والحين راسلت الجامعه تتوقعون يرسلون لي نسخه ع طول قبل موعد السفر ولا يتأخرون علي

الحل أنا أقولك .. ارسلي رسالة للجامعة بأن اي توينك ضاع وموعد رحلتك ومحتاجة نسخة جديدة من الاي توني ثاني بيرسلونه لك على فيدكس بالكثير 4 أيام 6 أيام .. موفقة

دائما متفائل عزيزي , انت تعلم مدى اهمية الايتوني في امريكا , بدونه انت ما تقدر تجلس فيها ,

اما مسئله الجواز لو ضاع عليك هذي اكبر واكبر ونصيحه للي كذا لا يتعب نفسه اذا ماهو قادر يرتب اموره وينظم حاله ,

واذا على كلامك انا ما عمري ضيعت اوراق , لا والله ولا عمري لآنه عندي شنطه خاصه اي ورقة مهمه تشوفه في الشنطه ,, حتى اسخف الاوراق بس يمكن راح احتاجها في المستقبل راح تشوفه ,

المهم لا يتغير مسار الموضوع ,, اختي الله يعينك وآن استطعتي انك تجيبين ايتوني ثاني الله يوفقك وحافظي على اوراقك ,, وشكرا لك