مساعدة مساعدة الله يسعدك بدنياك

هل تبي تنقل للجامعه الثانية ولا بس تبي قبول مبدئي..؟ وضح سؤالك لو تكرمت !

انا توي مادخلت الجامعة انا توني باللغة في معهد تجاري ابغى انقل لمعهد جامعة

يعني تبي تطلع لك قبول معهد وجامعه ولا تبي معهد مبدايا ..؟
وهل معك بعثه ولا لا ..؟ اذا معك بعثه كم بقى لك من الـ سنة وست شهور..؟

انا وانا اخوك مبتعث انا ادرس اللحين في معهد تجاري وابغى احول الى معهد جامعة انا تقريبا لي اربع شهور في امريكا توني جديد ان شاء الله انه اوضحت النقطة

الشي الثاني الله يجزاك خير انا ابغى اجيب قبول جديد من جامعة ثانية بس مادري وش الطريقة اخبر الملحقية اني ابغير ولا وش الطريقة
واسف اخوي على الاطالة عليك

معليه لا تشيل هم وانا اخوك .. القبول سهل والطريقة اسهل ان شاء الله
اولا:
المطلوب منك اول شي تطلب ضمان مالي من البوابة الالكترونية ( http:\\stdportal.mohe.gov.sa )
انتبه : اختر الضمان المالي اللي بغرض القبول ..
بيجيك الضمان المالي كحد اقصى في يومين ..
ثانيا:
قدم على اون لين على المعهد اللي تبيه
ولمنهم قالوا ارسل اوراقك ارسل كل الاوراق اللي يبونها مع الضمان المالي اللي جاك من المحلقية ..
وانتظر لين يجيك القبول النهائي من المعهد..
ثالثا:
بعد ما يجيك القبول النهائي من المعهد ارجع للبوابة الاكترونية وقدم تغيير معهد لغة وارفق كل الاوراق المطلوبة (قبول المعهد)
وانتظر لين يوافقون ..
رابعا:
بعد الموافقة خذ ورقة الاي توني اللي ارسلها لك المعهد الجديد ووقعه من المعهد وبعدين ارسله للمعهد الجديد لجل يرسلون لك اي توني جديد
وبعد ما تخلص هالاجراء اجمع اغراضك وتوكل على الله للمعهد الجديد

الموضوع سهل بس يبيله وقت ..
الله يوفقك..

قل امين الله يسر لك امرك وينور دربك جزاك الله خير يالذيب كفيت ووفيت تحياتي....

حياك الله يا غالي .. اذا دقرت بنقطه لا تترد بسوال اعضاء المنتدى
الكل فيه خير وراح يساعدونك باللي يقدرون عليه ..
بالتوفيق ..