اختبار الايلتس

عادي يا رجال , غيرك جايب اردى منك

حاول تقرا كتابهم + تمارين عليه

بتمشي اوكييييه ,

انا اختبرته مرة وجبت درجة حلوة بس الصراحة اني ما ذاكرت, اختبرته بمدينة اوكلاهوما سيتي

ويش اسم الكتاب وهل موجود في الانترنت للتحميل

ابحث بالعم قوقل تلقى على سبيل المثال ( IELTS exercise ) ممكن تلقى تمارين ولا كتب

ماودي احطمك بس للعلم انا جايب 5.5 ولا حصلت قبول بكلوريس بكولورادو بااكملها لاقل شي مطلوب 6 يعني 5 ونص ولا شي ولا فيه جامعه زينه باامريكا كلها تقبل 5 ونص الاختبار سهل ولا فيه قرمر كثيير اهم شي سرعه القراءه والسماع انا طورت السماع عندي من قوه افلام واغاني امريكيه ..ولا اختبرته الا مره وحده وتحياتي

يوجد عدد لابس به من الجامعات تقبل 5 و5 ونص بس مو بكولورادو لان بحثت فيها واغلب الجامعات تقبل 6 و 6ونص

\الجامعات الي تقبل 5 ونص تنعد بالاصابع واكثرها تجاريه وطلابها قليل بحثت ومالقيت فقررت اكمال دراسه اللغه لين اجيب 6 واكيد انهم ماحطو 6 الا لسبب انه تكون جاهز للجامعه مو تجيب العيد وتحياتي

أنا أختبرت الايلتس قبل 3 شهور في British council بالسعودية بالخبر ، جبت 5 وغلطتي اني ماخذت كورس انصحك بقوة تشوف اذا في دورة للإيلتس وياحبذا لو تكون من نفس المعهد البريطاني
كان في عندهم كورس مدته 12 يوم بس ماسجلت فيه قلت بشوف كم اجيب بدون كورسات
أشتريت من المعهد البريطاني كتاب للتمارين معاه سي دي نفعني في فهم نمط الاختبار ودخلني جو الاختبار . بس انت مدامك اختبرت قبل كذا ماتحتاج هذا الكتاب
واشتريت كتاب من جرير أسمه IELTS Target Band 7 أفضل كتاب لأختبار الايتلس انا انصحك فيه جداً لانه يساعدك في رفع درجاتك How to Maximize Your Score

والشي الثاني اللي ابي اعلمك اياه حاول انك ماتجيب اقل من 6 انا قدمت على 3 جامعات وكل وحدة فيهم شروطهم سهلة ويقولون القبول فيهم سهل ومع ان جامعتين حاطين شرط 5.0 في الايلتس والجامعة الثالثة حاطين 5.5 الا انهم كلهم رفضو طلبي
اللي طالبين 5.0 قالو لي احنا غيرنا الشرط وخليناه 5.5
واللي طالبين 5.5 مو راضيين يتنازلون عن الفرق البسيط هذا
عرضو علي قبول مشروط اني ادخل المعهد حقهم .. نصابين بس يبون يربحون معاهدهم

عادي انا اختبرت ٨ مرات ما اتعديت الخمسه والنص والحمدالله التاسعة والعاشرة سته ...
لسا وراك مشوار ولا تستسلم انا كنت اختبر كل شهر اختبار واحيانا في الشهر اختبارين وكمان في السعوديه اختبار ... بالتوفيق

اختي كيف كان الاختبار الى في السعودية وكم جبتي فيه لان سمعت الى بالسعودية ابسط او يتم مرعات المختبرين