كاليفورنيا مدينة بومونا ابي معلومات من فضلكم

وعليكم السلام ورحمة الله وبركاته

أخوي أنا درست (ثلاثه أسابيع بس) في مدينه جنبها مباشره إسمها لافيرن. هي مجموعة مدن صغيره لازقه في بعض ( لافيرن + بومونا + كليرمونت + سان ديماس + مونتكلير )

السعوديين هناك عددهم قليل قليل جداً. المنطقه حلوه وفيها مطاعم وأسواق وكل شئ تحتاجه. تبعد عن لوس أنجلوس غربآً حوالي نصف ساعه. وعن مدينة أناهايم جنوباً( مدينه مليانه عرب ومطاعم وأسواق عربيه) تقريبا نصف ساعه أيضاً.

من ناحية الأمان. الشباب اللي هناك نصحوني بالسكن في لآفيرن أو كليرمونت فقط والإبتعاد عن المدن الباقيه.

هذا اللي قدرت أفيدك به حآلياً. وإذا تبي تستفسر عن شئ معين تفضـل وإن شآء الله أقدر أجاوبك.

تحيــاتي

السلام عليكم
الجامعه تقع في منطقه هاديه وجميله وامنه
والمدينه قريبه من كل الاماكن الجميله
تبعد 25 دقيقه عن
الداون تاون لوس انجلس
انهايم مدينه العرب وفيها ديزني لاند
ويوجد مساجد وبقالات عربيه في المدينه
المعهد يوجد فيه حدود خمسين واحد سعودي خلاف الكوتيين
المعهد يعتبر جيد
بس المعهد لايدخل الجامعه مثل معهد جامعه لونق بيتش

يعطيكم العافية ياحبايب قلبي والله ريحتوني بالحيل بيض الله وجيهكم وماقصرتوا


ابو محمد بالنسبة للمدينة نفسها بومونا كيف طرق التنقل فيها باصات او لازم سيارةخاصة اوتاكسي؟؟و في سكن قريب من المعهد او كيف؟

والمدينة نفسها مكتملة الخدمات يعني مطاعم اسواق ؟؟

المدينة بومونا مدينة فيها اماكن جميلة انهار بحيرات اماكن ترفيهيه او لا؟وهل هي مدينة ساحلية وكم يبعد البحر عنها؟
في فنادق قريبة من الجامعة عشان اول الايام راح اسكن ب فندق بعدين ادور هوم ستي ولا تنصحني بشي ثاني؟احتاج نصيحتك

يوجد في بومونا مطار؟؟واذا لا ؟؟اي مطار اختار وانا جاي من واشنطن ان شاءالله؟؟

المعهد في وسط الجامعة او خارجها ولكم جزيل الشكر ياشباب؟

اي معلومات اونصائح تنصحوني راح تكون مهمة بالنسبة لي جدا



والله وسعتوا علي الله يوسع عليكم دنيا واخره
مليار شكر من القلب

المدينة .. هادئة وفيها الي تحتاجه من المطاعم والمحلات .. وفيها بعض المطاعم العربية كالميراج وغيره .. وما تشيل هم شي . لو اشتهيت تخرج من المدينة نصف ساعة وإنت في لوس انجلوس

المدينة فيها أكثر من مركز إسلامي .. وفيها سعوديين وخليجين " مو بذيك الكثرة " .. لكن أغلب التجمع العربي هناك للطائفة الشيعية سواء من نجران أو الأحساء بحكم وجود مدرسة إسلامية شيعية " مدرسة المعرفة " .. يمكنك تدريس أبناءك فيها واشتراط عدم وجود تدريس أي مواد دينية كما حدث معي .. لكن أيضا يوجود مساجد للسنة ..

المدينة ليست ساحلية .. " حول ساعة من السواحل " ولكن بالقرب منها العديد من المناطق السياحية .. أيضا بالقرب منها "ساعة ونصف تقريبا" منطق بيق بير الثلجية وغيرها .. وفيها أكثر من فندق مثل doubletree وغيره .. وهناك مطارات صغيرة حولها لكن لا أتوقع وصول لها طائرات من واشنطن أو نيويورك .. الافضل مطار لوس انجلوس .. ومنه تقريبا 45 دقيقة بتكسي للمدينة ..

الباصات في المدينة ضعيفة - في رأيي الشخصي - والمعهد غالبا ما يختار الهوم ستي القريب من المعهد لخدمة طلابه .. وأفضل شراء سيارة .. ويمكن الاستئجار من هناك

الله يعطيك العافيية اخوي ياسر ماقصرت
يعني يعتبر اختياري خيار جيد واجزم عليه واروح وانا مبسوط ومتفائل؟

اخوي المدينة تقع في منطقه جميله جدا ومن افضل المناطق في امريكا لنا يالسعوديين ..

فيه جنبك مدينة اسمها " ريفرسايد " هذي مدية السعوديين ...
هالمدينة فيها مسجد يتبع مؤسسة ابن تيمية يعني تصلي على مذهبنا مو زي اغلب المساجد الاخرى تشوف صلاة الجمعه عندهم ماعاد تصلي ..

يعني باختصار تسكن في بومونا او حولها كلها كويسه ..


والاسعار اتوقع انها متقاربه سعر الغرفه الواحده من 750 وانت طالع ..

السلام عليكم ورحمة الله
انا رايحه على شوال قبولي في جامعة بومونا يريت أحد يفيدني عن أسعار السكن والحضانة