ابي ارجع من امريكا لحالي كيف الاجراءات ساعدوني للضرووووووووره تكفون ا

السلام عليكم بناء على رد الاخ عيد احب ان انصحك لله استخدام كلمة طرش بحر في نقاشات وحوارات شيء مستنكر وتذكر انك كما انت مسلم هم مسلمون ارتقي بذاتك تسعد بحياتك ولكن اسلوب المقارنات والعنصريه هذا مايؤدي بنا لعدم الارتقاء والنهضه بالبلد هل ترضى ان احد يقولك طرش بحر او مالك اصل في امريكا .. كذلك الوضع هنا ليكن اسلوبك في الحوار دليل على ذاتك وشخصيتك

اختي .. توصلي لحل مع زوجك يرضيكي ويرضيه ولا تسوي شي من ورا ظهره اصبري واتحملي وحاولي توصلو لحل انتي في بلد غربه اهلك بعيدين عنك اتناقشو في الموضوع واوصلو لحل يرضي الطرفين لين ماترجعو بالسلامه وادعي ربنا كتير واستغفري كتير

وعليكم السـلام ورحمـة الله وبركاتـه:.
مهمـا وصلنـا الـى تخيـل المشكـله الـى أنهـا تبقـى مخفيـه فـي جـوانبهـا وتفصيلهـا ولذلك الآراء في السابـق تختلـف كـلاً حسـب تصـوره للمشكـله ووضعـه للحلـول:. هـو يـرى بطيبعـة الحـال حلـول مثلـى بحيـث لو مـر بنفـس المشكلـه لأتخـذ هـذه الحلـول...
ولكـن مهـلاً
جميـع من طـرح أفكـاره وآراه هـذا لا يعنـي ذلـك صحتهـا خصـوصـاً أن المشكلـه التـي تمـرين بهـا ليسـت واضحـه بتفـاصيلها:. ولا أعنـي ذلك أن تقـومي بتفصيـل المشكلـه هنـا ولكـن ما أعنيه بشكـل عـام هـو عـدم التسـرع في خطـوه قـد تندميـن عليهـا مستقبـلاً..الخطـأ لا يعالـج بخطـأ أبـداً..أن كانـت هنـاك مشكـله فهنـاك حلـول..جلسـة هـدوء..تفكيـر عميـق..حلـول واعيه..فقط!
الهـروب من المشكلـه ليس حـلاً أبـداً...لا أعلـم طبيعـة زوجـك ومـدى المشكلـه ولكـن ما اقصـدهـ الهـدوء والتعامل بحكمـه ومنطقيـه متناهيـه في حـل المشكلـه إن وجـدت هنـاك حلـول ...
أستعينـي بالله أولاً وأخيـراً ومن ثم شـاوري من تثقين في رأيه وعلمـه وتوجيـه..
انا لسـت بصـدد مناقشـة بعـض الـردود التـي تنـم عن جهـل واستبـاق للمشكلـه بمشـاكل أخـرى!
إذ كيـف يكـون التفسيـر في ظـل جهـل صاحـب الـرد بأبعـاد المشكـله...وعليـه انتـي أدرى بكيفيـة التعامـل مع القضيـه بأبعادها كاملـه كي تخرجيـن بـدون أي ضـرر..
أتمنـى لك حيـاهـ سعيـدهـ بكـل يسـر وطمئنينـه:.
أستودعك الله..

لا حول ولا قوة الا بالله

الاخ بلاتو كلامه مئة في المئة صحيح ما يجوز شرعا انك تطلعين من غير اذن زوجك لكنك انسانة عاقله وواعية انا من رايي الي يطلب المشوره افضل من الفعل من غير مشورة

ومو شرط هنا في المنتدى لو تكلمين الاخت الي عطوك الخوات رقمها يمكن بعدها تشوفين المشكلة من نضرة ثانية

والله ما ادري وش اقولك غير ها الكلام واعذريني اذا ما كان لي فايده لكن ما اقدر اقول زيادة غير الله يسخر لك زوجك ويهديكم يا رب ويكتب لك الي فيه الخير انشاءالله

الله يسهلك امورك ويرشدك للطريق الصحيح ان شاءالله

لاتشيلي هم كلنا معك ان شاءالله

بدون ما نطلب منك معرفة التفاصيل او نطلبك تفضحي اسرار بيتك واسرار زوجك

انتي طلبتي المساعدة واحنا لبينا الطلب

ولا قصدنا نأذيك ولا نخرب حياتك وربي شاهد علينا

واللي يقول غير كذا فـ اكيد انه يرى الناس بعين طبعه

استخيري كثير .. انا مريت بنفس ظروفك

وما فادني غير الاستخارة والاكثار من الدعاء والصلاة في الثلث الاخير من الليل

وانتي ماعندك دراسة ولا شي يعني عندك وقت طويل انك تفكري وتدعي وتصلي

وان احتجتي اي مساعدة ثانية ابشري احنا اخوات نعين ونعاون

احنا نساعدك اذا طلبتي هالشي لكن مانتدخل في قراراتك ولا في خراب بيتك

ويعلم الله بالنوايا

لكن جد احزني طلبك المساعدة لانك ماتعرفي تحجزي وتدبري امورك بنفسك

ولو انك تعرفي تحجزي انا واثقه انك ماكنتي نزلتي موضوع بالمنتدى ولا طلبتي مساعدة احد

لان انتي هنا تطلبي المساعدة ماتطلبي المشورة فقط

لكن جد انا مستغربه من اللي يقولون قولي مشكلتك وبعدين نقرر نساعدك او لا !!

الله لا يحوجك لاحد قولي امين

انا مايهمني كلام الاعضاء ورأيهم فيني ارجع واقول كلن يرى الناس بعين طبعه

ربي اللي عالم بكل شي وربي وحده هو اللي يهمني يكون راضي عني وما اسوي شي يغضبه بقصد او بدون قصد

تبي مشورة ناس متخصصين ودارسين اطرحي مشكلتك هنا

http://arb3.maktoob.com/vb/

أعرض عن الجاهل السفيه *** فكل ما قاله فهو فيه

اختي الله يصلح بينك وبين زوجك ... لازم تعطين الوصي عليك بالسعوديه خبر وتقررين بعدها اش تسوين...

لانك لو رحتي بدون علم زوجك بيقلب المشكله عليك وتصيرين انتي الخسرانه وهو ماكانه شي...

حاولي تحلي الموضوع معاه واذا مافي فايده سافري الوضع جدا عادي....وياليت اذا خفتي ياكل حقك ويطلعك

كذابه اثبتي اي شي عليه بتصوير او تسجيل او اي طريقه تثبتين فيها للمحكمه انا عارفه ان الناس بيتهجمون

علي بس نفس الحاله حصلت مع قريبتي وكانت متزوجه من شهور قليله ولما راحت المحكمه كذبــها وخلاها


ترجع نص المهر...هذا مو حرام؟؟

يااارب تنحل امورك وتبشرينا انك تصالحتي معاه والمياه رجعت لمجاريها....

ما اقول إلا حسبي الله و نعم الوكيل
واصلي في تدمير البيوت
واصلي
الله يصلحك

فيه شي شفته بـ صفحة سعوديون في امريكا على الفيس بوك وحبيت انبه صاحبة الموضوع عليه أولاً ثم الجميع
سعودية في الملحقية الثقافية حقت الشؤون الإجتماعية ناسي اسمها .. المهم اذكر احد التعليقات على صورتها على الفيس بوك كان يقول : حسبي الله عليها كانت سبب في طلاقي ودعاوي سخط عليها
فالأولى ما تستشيرين انسان غريب الاولى تستشيرين اهلك هم الأدرى بمصلحتك .. والسلام عليكم

الله يساعدك ويفرج همك .....ويصلح زوجك ...

انا رأي انك لبد يعلموا اهلك عمك خالك اي شخص من طرفك بالمووضوع وانك ناوية ترجعي لوحدك ووكل شىء يعرفوا ...

لان بصراحه بعض الرجال الله يهديهم عقولهم بسيطه بيقول تركت البيت وحنا بغربة وماادري وين راحت يمكن راحت منا او مناك وبسبب لك مشكلة انتي في غنى عنها ...

وترى لا تستغربي يسويها ان كان نذل .... بالذات لو تأخرت الطائرة او ماحصلتي طيران داخي او غيره .....ماتدري عن الظروف وش يصير لان يمكن تضطري تحجزي في فندق بسبب تاخر الطيران او غيره

فنصيحتي ابتعدي عن عوار الرأس واستشيري اهلك واذا وافقوا بعدين نزلي يالغالية ....

وربي يسهل دربك