ماعد اقدر اتحمل

اخوي ان نزلت ماعاد ترجع
تصصصصصصصصصصصصصصصبر كلنا مرينا بهالحاله بس تماسك ماراح يفرحون فيك اهلك ولا انت بترتاح كمل وانا اختك واشغل نفسك واذكر الله

غريب أمرك وانا اخوك

لية طالع طيب ؟؟

خل قدامك هدف حاول فئة وارجع رافع راسك

لا تتاخر عن الملحقيةة رح افتح ملف وخلص امورك واذا مارتحت بولايتك او مدينك دور اللي احسن منهاا

لكن نصيحتي لا ترجع بهالصورة حتى شكلك ماراح يكون لائق قدام أقاربك


كمل عسى ربي يوفقك

:|

توك واصل

تعوذ من ابليس

واربض ارضك وش فيها السعوديه عاد لوول

كلنا مرينا بنفس الحاله في البدايه. شوي وقت وانشاء الله تتعود على الوضع. وحاول تتعرف على اهل الخير الي يساعدونك تتأقلم في الغربه وتوكل على الله.. والله يوفقك انشاء الله

اصبر ياخوي كل شي في اوله صعب

كلم اهلك عالسكايب

اطلع شوف البلد

تعرف على سعوديين

وتقبل الوضع

كلها كم شهر وتصير ماتبي ترجع

يااارب ييسر امرك اخوي اصبر وبتتعود ان شاء الله وتنبسط بعد لو لقيت ناس فيهم الخير ...اهلك متاملين منك لا تخرب احلامهم

ايش مشكلتك ؟

يمكن نقدر نساعدك

ياخوي لاترجع اللي تواجهه الان هو مجرد ظغوط نفسيه وساوس شيطانيه صدقني انت تركت اهلك وجيت هنا عشان هدف حاول تشغل وقتك ولا تعطي لنفسك وقت فراغ ابدا وراح تتأقلم على الوضع

السلام عليكم ورحمة الله وبركاته..
اخوي بحكيلك قصتي..
انا جئت لامريكا قبل أربعة اشهر والله انه كان لدي من الحماس مالايعلم به الا الله ولكن سبحان الله كيف حالي كان وكيف صار عندما وصلنا واشنطن حدث لي موقف لن انساه بعمري ,,تعبت وتنومت في المستشفى بين الحياة والموت بسبب مشكلة في القلب لدرجة اني والله لااعرف حتى ماذا حدث ماكنت أشعر بشي,,ولكن الحمدلله الله لطف بي وخرجت لاطفالي بالبيت وجلست لم اداوم بالمعهد بسبب الضمان المالي جلست انتظر شهرين وانا معي اطفال ومن فندق لفندق ومصاريف ولانعرف احد يساعدنا في الحصول على سكن مناسب, وبعدهاصارت مشكلة بيني وبين زوجي مايعلم بها الا الله,وبعدهاابنتي الكبرى مرضت جسديا ونفسيا وتبكي يوميا تريد العودة ولاتريد الذهاب الى المدرسة..وجلست لوحدي مصدومة مقهورة مماوصل به حالي انا وعائلتي واصبحت افكر انني اريد العودة نهائيا وانه ليس هناك شيئا يسوى واني اذا لم ارتاح نفسيا لن انجز وان الشهادة لاتستحق ان اتعب اطفالي من اجلها و و و..
ولكن فكرت ايش الفرق لو جلست او لو رجعت..
لوعدت سأعود على حالي ثلاثة سنين في البيت ننتظر الوظيفةلكي اساعد في البيت ولم يكتب لي الله وغالبا لو عدت سأكون على اعصابي خاصة اني وقتها اكون خسرت الله لايقدرها علي وعلى اي مسلم يارب فرصة العمر وهي البعثة فبالتالي راح اكره زوجي لانه سبب في هذاوبالتالي يحصل ابغض الحلال لاقدرالله ويتفرقون الاطفال الذين ليس لهم ذنب في شيء واهلي سيحزنون فقد تباهوا بي وبما سأحققه باذن الله
أو
أجلس وأضغط على نفسي وأتحمل وأجيب الشهادة ان شاءالله اللي تمنيتها من يوم أنني اكنت في الثانوية وافرح اهلي فيها واطفالي سيستفيدون من اللغة ان شاءالله وسيتعلمون ان على الانسان ان يتخذ احيانا قرارات شجاعة قد تظهر امامك لوهلة انها صعبة لن تستطيع الوصول اليها او انهاتافهة لاتستأهل ان تأخذ من وقتك الثمين, ولكن سبحان الله كيف تغيرحال الانسان كلية
وأيضا الحياة هنا ككل راح تفيدنا كلنا ستقوينا وتجعلنا نعتمدعلى انفسنا اكثر..
ولكن قبل كل شي احتسب كل شيء عند الله انت جيت هنا تطلب العلم ولك اجر ان شاءالله.

لابد مايضيق صدرك وتحس بضغط وغالباهذا الشي في البداية ولكن الله يسعدك لاتستسلم استخير واستغفر وصلي اخر الليل وربي ان شاءالله يربط على قلبك وترتاح وتستقر وتنجز انت وجميع المسلمين يارب انك على كل شيء قدير ..
سامحني على الاطالة..
انتبه على نفسك وطمئناعليك وتذكر دائما..احفظ الله يحفظك.