استفسار متى أفضل وقت للسفر قبل موعد الدراسة ؟؟؟؟؟

انا اشوف انك تروحين قبل موعد دراستك بأسبوعين حلو .. فيما تستقرين وتعرفين وش لك ووش عليك

اختي خذي نصيحة اخ :
اولا الملحقية يوم واحد كفاية عندهم ..

الشقه :
النت اختي هو الطريقه اللي يستخدمها الغالبيه في البحث عن سكن ..
باستخدام g map تعرفين المسافة من السكن للمعهد.
وتواصلي مع طلاب المعهد للسؤال عن السكن .
ثم كلمي السكن واحجزي السكن افضل قب تجين وتجلسين بفندق ..



ماشوف ان فيه داعي تجين قبل الدراسة باسبوعين لاسباب منها :
1) انا جيت قبل دراستي بتسعه ايام وخسرت خسارة شهر كامل ..
الفندق خسرت فيه 585 دولار يعني 2200 ريال سعودي خلال 9 ايام وكان سعر اليوم 65 وهذا ارخص واسواء فندق وجدته ..
خسارة المطاعم والاكل والشرب ..

2) صدقيني ان جيتي قبل الدراسة باسبوعين بتطفشين :
اولا بتطيحين في الفندق طول هالمدة والا اسوووووواء من الجلوس يوم كامل في الفندق وان تبغين تتمشين بتخسرين وانتي في البداية تحتاجين الفلوس لان وراك اجار شقه + تامين الشقه + اثاث
ثانيا انتي مفارقه اهلك وودك تشغلين نفسك باي شي وودي تجين على قرب الدراسه حتى تحصلين مايشغلك نسبيا ..



حاولي تبحثين عن شقق قريبه من معهدك وتسالين عنها واذا عجبك تواصلي معهم واحجزي الشقه وتعالي مباشرة على شقتك " انا دفعت في الفنادق 585 واجار الشقه 850 دولار يعني لو اخذت شقه افضل لي على الاقل اقدر اطبخ وارتاح من اكلهم " ...

اذا شايله هم مكالمات امريكا في برنامج اسمه whistle هذا البرنامج تحملينه على الكمبيوتر ويعطيك رقم جوال امريكي تقدرين تكلمين فيه اي رقم بامريكا مجانا ...


وفقك الله ..

انا ما عندي خبرة والله لكن الي بإذن الله ناوية اسويه بشوفي لي شقه قريبة من معهدي باستخدام قوقل ماب وانا في السعودية

بسال عن الي قد جرب وعاش فيها وبأخذ رايهم و احجزها وانا هنا في السعودية يصير اول ما اوصل بخلص أوراقي في واشنطن في يوم مثل ماقالوا الاخوان و بروح بولايتي بجلس يومين بالكثير في الفندق يعني علبال ما اشتري لي اثاث وانظف الشقه وعلطول بسكن فيها

حتى اني فكرت اشتري بس غرفت النوم لانها اهم شي و بالتدريج باثث البيت
ومخططه اول ما اوصل اروح أحط الشنط في الفندق وبروح الشقه اشوها وأشوف ايش تحتاج و علطول على وول مارت سمعت انه رخييص وفيه غرف نوم وكل شي بشتري منه الغرفه اذا عجبني شي
واذا ما عجبني بروح لايكيا حبيبتنا

ووال مارت باشتري منه اغراض الثلاجة و ادوات التنظيف علشان في يومها أنظف واعبي الثلاجه يصير ما قعدت الا يوم في الفندق


هذا مخططي بإذن الله

كان ودي أفيدك بالاكيد لكن ما عندي خبره وما حبيت اطلع من غير رد

انا رايحه قبل موعد دراستي ب 10 ايام

وبعد ماحجزت وقطعت التذاكر تندمت

قلت ليتني قصرت المدة لو خليتها قبل ب 5 ايام افضل

بس مدري اهل الخبره هم اللي يقدرون ينصحونا