شرح أحجز الهومستي قبل سفرك , وبدون حاجة لأحد , شرح مصور

November 4th, 2011, 08:09 PM

السلام عليكم ورحمة الله وبركاته ,

*الموضوع هذا حصري لمبتعث , وأخذ مني وقت وجهد , أتمنى الي بينقله يتكرم بذكر المصدر وشكراً

موضوعي اليوم عن كيفية الحصول على هومستي وتأمينه قبل الذهاب , سبق وطرحت موضوع مشابه وكان فيه اقبال والحمدلله , وهذا الرابط حق الموضوع للي بيستفيد منه

http://www.mbt3th.us/vb/forum8/thread151125.html

الموضوع نزلته من زمان وضيعت الباسوورد حق يوزري السابق "طوبة" وضيعت الرقم السري حق الإيميل , وبالمناسبة أحب اعتذر من أي شخص أرسل لي رسالة خاصة وما رديت عليه بخصوص موضوعي الأول أو عن السكن ,

اليوم بشرح موقع ثاني وأشوف من وجهة نظري أنه أفضل من الي شرحته سابقاً , الموقع هذا فيه تقريباً أكثر من 12900 عائلة توفر هومستي , ما أبي أطول بالكلام نبدأ في الشرح ,

خش للموقع

homestay, looking for host families, homestay accommodation



1 - تضغط على الكلمة هذي Create guest profile now >> عشان تسجل , التسجيل مجاني طبعاً



1- كم هومستي تبي , غالباً تحط واحد الا إذا كان لك وجهات سفر متعددة.

2- هنا تضع تاريخ الوصول وتاريخ الذهاب , إذا كنت تبي هومستي شهر إلين تضبط امورك وتطلع بشقة حط تاريخ الذهاب بعد شهر من تاريخ الوصول وهكذا.

3- عدد الليالي الي تبي تجلسها عن الهومستي.

4- الدولة الي تبحث فيها عن هومستي.

5- المنطقة.

6- المدينة.

7- عدد الأشخاص , إذا كان معك أحد يعني !

8- نوع الهومستي , غالباً تختار سنقل روم ,

9- السعر الي تقدر تدفعه للهومستي كحد أقصى. لأن الموقع بيبحث لك من هذا السعر وتحت.

ثم تضغط Forward



1- الوجبات , فيه ثلاث خيارات يا تختار , مطلوب أو غير مطلبو , أو غير مهتم !

2- إذا كنت نباتي أو لا , هذا الخيار يطلع للي يختار وجبات ,

3- نظام البيت , يسمح بالتدخيل أو لا فيه اكثر من خيار ! تختار الي يناسبك.

4- خدمة تنظيف الغرفة ,

5- هذا ضروري تختار يس , عشان يرسل لك روابط للعوائل الي تناسب طلباتك .

ثم نضغط Forward



1- عمرك

2- الجنس

3- تختار طالب

4- اللغات التي تتقنها, عشان تختار أكثر من لغة تضغط زر كنترول وتختار بالماوس.

5- اهتماماتك , تقدر تختار أكثر من شي بنفس الطريقة السابقة .

6- سبب الرحلة , أقرب شي اختر لانقوج كورس. دورة لغة

7- تختار الحيوانات الي عندك منها حساسية.

8- هذا مهم عشان تحمل صورتك. احرص ان الصورة تكون واضحة لوجهك.

ثم نضغط Forward



1- التايتل حقك , مستر أو مسس .

2- اسمك الأول

3- اسم العائلة

4- دولتك

5- الرمز البريدي

6- المدينة

7- اسم الشارع ورقمه

8- ايميلك , 9- تكتب الايميل مره ثانية للتأكيد

10- الهاتف , تكتب رقم جوالك بالصيغة الدولية.

11- تدخل رقم سري للموقع. 12- تدخل الرقم مره ثانية للتأكيد.

13- تحط صح هنا بأنك قرأت شروط الموقع وموافق عليها.

14- تضغط هذا الزر ليكتمل تسجيلك.

ستأتيك رسالة في الايميل لتأكيد التسجيل , تفتحها وتضغط الرابط الموجود فيها حتى يكتمل تسجيلك فعلاً وتتمكن من الحجز.

بعدما تضغط الرابط وتؤكد تسجيلك تجد في اعلى الموقع على اليمين كلمة Login تضغط عليها لتأتيك هده الصفحة ,




تضع ايميلك الي سجلت به في الخانة الأولى , والرقم السري في الخانة الثانية .

ثم تضغط Login



ستأتيك هذه الصفحة , اختر في أعلى اليمين Home ثم بتفتح لك صفحه كالتالي ,



1- المدينة الي تبيها ,

2- يوم الوصول 3- الشهر 5- السنة , والي تحت نفس الشي لكن للذهاب

6- ثم تضغط Find Homestay



تأتيك لسته بالعوائل وفيها السعر ,

1- تضغط الزر هذا لمعرفة معلومات أكثر عن الهومستي ,

2- هذا مهم وسأشرحه لاحقاً



هذي صفحة الهومستي الي تختاره ومعلوماتهم ,

1- أهم شي هذا تضغط عليه فتطلع لك خريطة بموقعهم , ليس بالتحديد فقط ترى المحيط الموجودين فيه ليعطيك تصور عن البعد والقرب من الداون تاون



في أسفل صفحة العائلة أشياء مهمة , أهمها أنك تراسلهم وتسألهم عن البيت وأي شي في بالك

1- تضغط هذا عشان تفتح لك صفحة المراسلة ,



أهم شي ما تحط في الرساله أسمك الأخير او ايميلك أو رقم جوالك أو أي شي ينتج عنه تواصل بغير الموقع , وإلا بيحذف حسابك

بمجرد الضغط على المربع الكبير بالموس يذهب الكلام الباهت , وتبدأ في كتابة الرسالة ,

1- لابد تضع صح هنا حتى يتم ارسال الرسالة ,

2- ثم اضغط هنا للإرسال.


إذا اعجبك واتفقتوا بعد المراسلات تدخل على صفحة العائلة ,

1- عدد الأشخاص الي بيسكنون,

2- تحدد الايام الي تبيها , المربعات باللون الرمادي محجوزة , مالك الا الي باللون الأبيض فهي المتاحة للحجز بالنت

3- تضغط هنا للحجز



تحدد ما تريد بعلامة صح في المربع المقابل

1- فطور

2- غداء

3- عشاء

4- يمرونك إذا وصلت للمطار ,

5- يوصلونك بعد ما تنتهي فترتك للمطار أو محطة القطار.

6- هذا السعر الإجمالي ,

7- تحط صح هنا بأنك قبلت المبلغ وتبي تحجز ,

8- إذا تبي تدفع ببطاقة ائتمانية

9- إذا تبي تدفع بـ باي بال ,

بعد ما تختار تجيك صفحة الدفع تحط معلومات البطاقة ,

بعد ما تدفع يرسلون لك ايميل صاحب السكن ورقم هاتفه حتى تتواصل معه مباشرة ,



هذي النقطة الي قلت بأرجع لها ,

بعض الهومستي تجد عندهم صح أخضر و عبارة Certified host: ID

هذي تعني أن صاحب الهومستي أرسل للموقع بطاقته الشخصية وطالبقوا بياناته وأنها صحيحه ومؤكده

وبعضهم تجد عندهم صح أخضر وعبارة Criminal record

هذي تعني أنه ليس لهم سجل إجرامي لدى الدولة ,

طبعاً هناك عوائل لا تجد عندها ولا صح واحد , هذا لا يعني أنهم محتالين أو مجرمين , بعضهم ما يسويها لأن الموقع يطلب منهم مبلغ مقابل هذا الشي

فيكتفون بالمراسلة , مع أن احتمالية النصب موجودة فهو في النهاية موقع كبقية المواقع ,

أمر مهم وهو عند الدفع

* لا يأخذون منك إلا 10% من القيمة الإجمالية للموقع , والـ 90% تدفعها لصاحب السكن بعد ما توصل هناك لهذا احتمالية النصب قليلة, لهذا السبب أنا أفضل هذا الموقع على الموقع الي شرحته سابقاً

هذا ما عندي وأتمنى لكم التوفيق في دراستكم وغربتكم , والي عندي سؤال عن الموقع أو يبي مساعدة لا يتردد.

• نشر عبر تويتر
• نشر عبر فيسبوك
• نشر عبر جوجل