أحد غير مدينته أو ولايته وندم ؟

November 7th, 2011, 07:13 PM

السلام عليكم

جى موضوع ببالي،
أحد غيّر مدينته أو ولايته ويوم وصل للمدينة الجديدة صابه اكتئاب وعض أصابع الندم إنه نقل ؟

أنا درست بـ UCLA لـ سنة وشويّة، يعني جلست ب Los Angeles سنة وشويّة، وبصراحة فيه ذكرررريات حلووة مرة ما أنساها،
جى كذا فجأة إني انزل لأهلي أول ماكنت حاط بالي إني انزلهم قبل رمضان وقايل لأمي جايك بعد رمضان المهم كذا طنّت براسي انزل لهم وياليتني مانزلت،

نزلت لأهلي وجلست شهرين ونص، تفاجأت إن السيفس حقي انلغى ولازم فيزا جديدة وكلام طويل وجع راس، الي يقهر مرة مرة تصدقون ماعمري رحت هوليوود ولا سيكس فلاق ولا ديزني لاند
ولا يونفيرسال ولا أي مكان سياحي رغم إني جلست سنة بـ LA أكيد بتقولون ذا نفسيــّــة هههههههههههههههههههههههههههههههههههههه ..

وماصورت ولا شي إلا اللهم شي واحد الكامبوس حق جامعة UCLA بس، لأني كنت حاط بالي إني راح ادرس بهالمدينة وبجلس فيها 5 سنين يعني مو طاير شي،
بس قدر الله وماشاء فعل، بصراحة جاتني أيام تعذبت من ناحية الفلوس ( لأني معتمد على المكافأة كلياً ) انصح اي واحد معتمد على المكافأة لا يجي LA، ما أقولك تقدر تعيش
إلا تقدر بس والله يا راح تتعذب، خصوصاً بداية كل ترم بالمعهد لازم كتب جديدة والكتب غالية، والنقل من سكن لسكن الديبوزت يذبحك وتجيك أيام والله ماتدري الفلوس وين طارت؟

عموماً، قلبتها براسي وقلت إذا لازم فيزا جديدة أنا وشلي بالعذاب فرصة انقل، ومن خلال البحث وجدت بورتلاند، أوريغون جميلة ومريحة مادياً،
إن شاء الله إني ما اندم على النقل بس والله إني ندمان على شيئ واحد إني ما رحت ديزني لاند وهوليوود وباقي الأماكن السياحيّة والله درج بس ما عليه نجيها بالويك اند،

الزبدة جالس أتخيّل إني ما ارجع أمريكا نهائياً، وأنا ما استغليت فرصة وجودي فيها ولا بـ LA، كل واحد فيكم خلكم زي الإنترناشيونال الهنود والكوريين واليابانيين عند كل شي يتصورون،
تصوروا وزوروا كل الأماكن الموجودة الي تستحق الزيارة والي ماتستحق لأنك ماتدري لو ماترجع لـ هالمكان مرة ثانية!

بالتوفيق

• نشر عبر تويتر
• نشر عبر فيسبوك
• نشر عبر جوجل