دخيلكم تعالو شوفو قصتي

اتمنى اني اقدر اساعدك

الله يوفقك ياارب ويسهل اموورك

كان الله في عونكم
قبل التغيير والانتقال جربوا تجلسون لفترة في مكانكم الحالي حتى تتعودون عليه وقد تتعرفون على احد الاخوان السعوديين قد يسهل عليكم اموركم والتي يحتاجها كل مبتعث جديد , وقبل ذلك كله عليكم بذكر الله والتوكل عليه وحسن الظن به , اسأل الله ان يفرج همكم وغمكم وييسر اموركم

لك رسالة على الخاص في انتظار ردك

هلا اختي انتي حددي اي معهد وان شاء الله اساعدكم بالحصول على قبول

هلا اختي اقدر اساعدك واجيب لك قبول فيمعهدي ومره كويس

اسألي المعهد الحالي هل يسمح لك بالانتقال قبل بداية الدراسة أو لا .
ثانياً : اسألي الملحقية -إذا كنتي تبع برنامج الملك- إذا يسمحوا تنقلي أو لا .
أخيراً - ترى الوضع عادي وأنتي مكبرة السالفة ، ومع الوقت راح تتعودي

اذا علي حسابك،، ما عندك مشكلة ،، وانا انصحك تروح بورتلاند اوريقون فيها اكثر من معهد لغة معتمد من الملحقية

اذا تناسبك تكساس - سان انتونيو .. اساعدك بقبول معهد فيها

لكن بعلمك شي ، تقريبا اكثر المبتعثين مرو باللي تحسين فيه ، اصعب لحظات مريت فيها انا هي اول 4 شهور تقريبا ً

حتى نقص من وزني تقريبا 13 كيلو والسبب الهم والضيقه ، لكن الحمدلله بعد ماتعرفت على المدينه

وحسيت اني اندمجت مع المجتمع ، راحت المعاناة وعرفت كيف اقضي يومي ..

وهذا شي طبيعي لانك رحت مكان يختلف كليا ً عن ما كنت فيه لا من شعب ولا دراسه ولا حياة ولا حتى أكل ،،

بالتوفيق

اختي ترا اتوقع انو الجميع يمر بحالتك , انا اتكلم عن نفسي اول ماجيت مدينتي جاني اكتئاب غير طبيعي خصوصا اول شهرين (مع العلم ان مدينتي صغيره) , وجتني اوقات ابكي واقول انا ليش جيت امريكا ليتني جلست بالسعوديه, وبرضو كنت افكر بالتغيير واحاول اني انقل
بس الحمدالله تعرفت على رجال اعتبرهم مثل اخواني وصايرين مثل عائلة وحده والحمدالله انا كملت حاليا 6 شهور بالمدينه ومرتاح فيها والنفسيه حلوه وماشي بدراستي
وكل هذا تغير بمجرد ما انا صرت اجتماعي واتعرف واطلع اتمشى واحاول ارفه عن نفسي وطبعا ماننسى الصلاة نحافظ عليها
يعني الشي يعتمد عليك انتي

نصيحتي لك جربي مدينتك الشهرين القادمه وحاولي تتعرفين على بعض الأخوات السعوديات وحاولي تشغلين نفسك بالدراسه والأوقات الي ماعندك شي اطلع تمشي روحي اي حاجه عشان تكتسبين الثقافه وصدقيني بتتعلمين اشياء مره حلوه

انا اتمنى انك تقرين ردي وتسوين الي قلت لك وترجعين بعد شهرين وبتفهمين وش كنت اقصد وبتحسين بالفرق

ومن ناحية الزلازل هذي قضاء وقدر وان شاء الله انها تكون اخر المصايب

تحياتي لك