الخوف من التقدم بالسن

الحمد لله على الصحة والعافية

وعيش يومك وخلك من الله اقرب وهذي حال الدنيا مايدوم الا وجه العزيز الحكيم

طرالي بيت سمعته قبل فترة
ما احد(ن) بهالدنيا معمر وسلطان * سلطان مات ومات قبله معمر

الله يرحم اموات المسلمين بكل مكان

عزيزي هذي الدنيا و هذي مصيرنا كلنا بنكبر و نشيب اذا ربي كتبلنا عمر... عيش حياتك و استمتع بعمرك و حياتك بدل ما تفكر في أشياء ما لها نفع و تجيب المرض

انا ما كنت افكر بالموت او كبر السن كنت ملهية بالدنيا ...
بس بعد ما مات اخويا وهوا باقي شهرين على زواجه وكنت بانزل عشان احضره بعد ولادتي ..
بديت افكر جد بالموت مو خوف منه، لا بالعكس صرت افكر ان ممكن اليوم يكون اخر يوم بحياتي واحاول اني فيه ما اسوي شي غلط
صرت افكر لما انا وبنتي لحالنا بالبيت وزوجي برا ان ممكن اموت وتصير بنتي لحالها ع بال ما يجي زوجي ...
مادري اللي صاير الايام هاذي بجد اخر تنبيه لنا ان الدنيا ماهي دايمة وان في اخرة تنتظرنا ....
امممممم هوا احساس طبيعي لا تشيل هم وكلنا سمعنا بخبر الطالب اللي اتوفا قبل كم يوم وهوا كان راح يتخرج الترم هذا ...
يعني شوفوا القدركيف ، متغرب عن اهله اكثر من اربعة سنين وكان باقي شهر ويرجعلهم بالشهادة ويفروحوا فيها ويخطبوله بنت الحلال بس قدر ربي كان اسرع .....
.
.بالتوفيق للجميع دنيا واخرة

تصدق انك مثلي
دايم وانا بالمترو اشوف عجوز ولا شايب ويضيق صدري
واقول في نفسي يالله ياهالدنيا مهما تكون راح تاصل الى هالمرحله
بعد الدراسه وبعد الوظيفه لازم يكون لك حد
وتضعف الهمه عندي شوي

لا اقلل من اهميه الموضوع واحساس الكاتب

بس انتبهوا من الطاقات السلبيه ..

اجتنبوها قد ماتقدروا ..

والله يوفقكم

السلام عليكم.....يا اخي استمتع في ايام شبابك ولا تضيعها وانت تفكر كذا وتنكد على عمرك...

اذا الله اطال في عمرك وبلغت الخمسين...وقتها احزن ووسوس وقول كذا بس الحين توك شباب

هذه سنة الحياة !
اللهم لا اعتراض على ذلك الموت حق والكبر حق
وراضيين فيه ..

وماحدا بدو الدنيا كلنا همنا الآخرة
وبالجنة ما في شي اسمه شياب وعجايز

فخلي هالمرحلة مو ان ياحرام هذا عجوز بصير مثله بكرة
لا فكر انك تبني لك احسن بناء بالجنة باعمالك والسعي لمرضاة الله

وتحقق الهدف اللي من اجله خلقت
وانا ماخاف من التقدم بالسن اخاف اني افشل باختباري في هذا المعبر اللي هو الدنيا واللي بيوصلني للآخرة

وعشان يعرف الانسان انه ضعيف ويظل ضعيف
ومايحق له يتكبر يشوف بدايته ونهايته
ويخضع للمولى

يقول الإمام علي عليه السلام"ما لإبن آدم والفخر :أوله نطفة ،وآخره جيفة،ولايرزق نفسه، ولا يدفع حتفه "

مابينفعو ماله اللي قضا كل وقته يجمع فيه
ولا اسمو ولا حسبو ولا بطيخ

مابينفعه الا عمله ومن يولد لين يموت المفروض يزرع الاعمال الطيبة
وكل شي يعمل ليكون مزرعة للآخرة ..

الله يرضى عنا وينور قلوبنا جميع ..
ويعينا على سكرات الموت ..
ويقينا شر أنفسنا وشر الشيطان الرجيم ..

وش يضمن لك بتعيش لين تعجّز؟
الغريب اني اليوم سمعت نفس هالجملة بس من طفل عمره خمس سنين
يقول ما ابي اكبر عشان ما اصير شايب !!
يعني ما عليك شرهة

شف وانا اخوك ماراح تحس بالكبر او العمر الا اذا تزوجت ان شاء الله ورزقك ربي بعيال ذيك الساعة تحس انك ( تندف دف عشان تكبر) تحس الدنيا تركض ركض
ما فيه وقت ابد كل واحد يبي شي ام العيال تبي اغراض ومقاضي البيت،، تخلص منها عيالك يبون،، تخلص منها مشاوير عيالك للمدرسة،، في الحضانة،، روحات المستشفى،،، بمعنى اصح راح تحس ان وقتك ما هو ملك لك،،،

فيه كلمة دايم يقولها أحد كبار السن قال لي (طبعا الرجال من تجربته) ودايم ترن باذني هالكلمة مع الاعتذار عن الالفاظ

"""يقول : العزوبي يعيش ملك،، ويموت (مثل الحــ**ــمــ**ــار) ،،،، وابو العيال يعيش (مثل الحــ**ــمــ**ــار) ،،، ويموت ملك ،،،،"""" تكرمون

واذا تبي تقارن شف متزوج عمره 35 سنه وقارن بينه وبين عزوبي عمره 40 وراح تشوف الفرق.........

والشباب شباب الروح،، وانا اتكلم عن الجسد

حبيبي عيش يومك وانبسط وبتفكيرك هذا تزيد الطين بله،،، انا ماقد وصلت الثلاثين وراسي نصه ابيض

طنش تعش وتنتعش