حالتي في تدهور..

اضحك ع بعض الردود فقط

أخي الكريم حاول تروح لشيخ يقرا عليك
أتوقع إنك محسود عشانك قلت بعدما أخذت اللغة ورحت السعودية ورجعت أمريكا
وأكيد قلت قدام الناس أو انتشر خبر إنك خلصت اللغة و راح تبدأ دراستك الجامعية
وتعرف مو كل الناس يقولوا ماشاء الله , العين حق
جاهد وحصن نفسك واقرا قرآن
(أَلاَ بِذِكْرِ اللّهِ تَطْمَئِنُّ الْقُلُوبُ)

هذا هو العلاج ,,

صار لي مثلك وأكثر منك ,, قضيت اخر ثمانية شهور في امريكا وانا في عزلة تاااااااااامة ,, نفسية صعبة ,, مزاج متكدر ,, انقطااااااع تااااااام عن الناس وعن الاهل والاقارب والاصدقاء ,, جوالي ما ارد عليه ولا ارد على ايميلات ,, اقاربي وزملائي صاروا يتصلون على مكتب الطلاب الاجانب في الجامعة عشان يعرفون انا حي والا ميت ,,, ونوم متخلبط وغير منتظم وساعات طويلة وانواع الخمول والكسل,, ويمر اليوم تلاقيني ماسويت شي ,, غير النسيان اللي مثل حالتك ,,, ومن سوء الحالة صرت اشرب كحوووول بنهم (( الله يغفر الذنب )) اعتقادا مني انها بتنسيني الهموم ,, وعز الله انها زادت الطين بلة ,, هذا غير الوساوس والافكار اللي ما ادري من وين تجي ,, حتى قررت اني اقطع البعثة وارجع السعودية وانطق في بيتنا مع انه مابقى لي على انهاء الماستر غير اقل من ثمانية شهور ,,,

المهم وانا اخوك مالك في الطويلة ,, قلت انا لو جلست لحالي في امريكا على الوضع هذا ما ادري وش ممكن توصل له حالتي ,, وقلت خلني بدل ما انسحب من البعثة اسوي توقيف عن الترم اللي بعده بحجة اني انزل اجازة للسعودية واسوي تجديد للفيزة ومن الكلام هذا ,, وخلني ارجع لأهلي واجلس في السعودية كم شهر اريح اعصابي واشوف لي حل في اللي انا فيه ,, وبالمرة اراجع طبيب نفسي ,, لأني في بداية مشكلتي في امريكا دورت عيادة نفسية كويسة بس ما توفقت في دكتور كويس ,, غير كذا الطب النفسي افضل شي ان الدكتور يكون من نفس مجتمعك عشان يفهمك اكثر ,, المهم قال لي الدكتور ان عندي اكتئاب شديد ,, وصار عندي مرض اسمه اضطراب القلق ,, وتسبب في حدوث رهاب اجتماعي متطور ووسواس قهري ,, طبعا استمريت على الادوية فترة بسيطة ,, وغير كذا العلاج السلوكي اللي هو اهم من الادوية ,, واللي اهم منها كلها زي ماقالوا الشباب في الردود اللي قبلي الصلاة ثم الصلاة ثم الصلاة على وقتها في المسجد مع الجماعة والقرب من الله وقراءة القران ,, والله مافيه علاج اعظم من الدعاء في السجود وتحري اوقات الاستجابة ,, وابشرك ولله الحمد زاااالت الاعراض يمكن بنسبة تسعين في المية ,, وراحت الوساوس وضبطت النفسية ورجعت اموري افضل من اول لأني حسيت اني عديت اختبار صعب ,, وصرت اضحك من بعض التصرفات والوساوس اللي سيطرت عليه في الفترة اللي راحت ,,,

الخلاصة انا اشوف انك ترجع اجازة للسعودية ترتاح فيها من وحشة الغربة وجو الدراسة ,, وقبل هذا ترجع الى الله في كل امورك ,, وشوف لك عيادة نفسية كويسة وجرب الرقية الشرعية لأنها اذا ما نفعتك ما رح تضرك ,, ولا تجلس لحالك دامك على هالحالة لأنها مع الجلسة والانطواء بتزيد الحالة وتتطور بشكل سريع ,, أنا متأكد انها صابتك حالة اكتئاب ولا تهملها وتهمل نفسك ,,

اسأل الله ان يشفيك ويشفينا ويشفي مرضى المسلمين

وكأني انا الي كـاتـب المـوضوع

مـن جددد حالتي زي ححححالتك ب الضبططط !

وحتتـى انا يروح اليوم كككله نـوم واسسحب على بعض الداوم وبس نـوم كل اليوم واذا صححيت اكون ججالس ع الفراش وع الابتوب واذا قلت بدرسس الحـيـن يـجيـني النـوم وانـام وع هـالحالْ !

ومـن نـاححية النسيـان والتسريحح من قوة التسريح مره عبيت السيارة ديزل وهـي بنزين والمره الثانيه وقفتها في موقف موب موقفي بس كنت مسرح وسحبو السياره

يعني دفعت فلوسس كثيره للتسريح الي فيني !

الله يـبعد عـني وعنك كل عجزز ويرزقنـا الصحة والنشاط